بغيت اتزوج بالثانيه فهونت ........... بس هذا السبب - الصفحة 2

**معلومات** **العضو** · 27-11-2006, 10:04 PM

حلو الموضوع وااااااااااااجد .. تسلم مجاييب الشيخ حمد
ممكن سؤال ؟ معقول في وحده تحط سكين لرجلها ؟؟ و يخاف منها عادي ؟!!!!
حرام يمكن وحده تقرا هالموضوع وتسويها لرجلها لو نوى يتزوج عليها ويقوم و ينحرها ؟؟
بصراحه مامعي خبره بذا الموضوع ابدا ابدا بس بحاول اخترع!!
ألحين الشاب مايتزوج إلا و قد صار عمره30سنه ثم يظل يسدد بديون عرسه والمهر بعد
الزواج ليمن ياصل 35عمره سنه بعدها يجون البزارين( المزعجين) وذا الورع مريض
وذاك يبي حليب وهذا مدري وش بلاه وووو ..وماتقل مسؤولياتهم ويكبرون شوي إلا وصار
عمره 40 سنه بعدين يبدا يفكر يشري أرض ويعمرها و ما يكمل البنا إلا وعمره45 سنه
و يظل مسكين يسدد بديون العمار ليمن ياصل عمره 50 سنه بعدين يبدا يدفع لتعليم
عياله بجامعات خاصة ليمن يتخرجون و عمره في ذاك صار 55سنه (لأن الشباب أعلى
مجاميعهم بالثانوية العامة60% أو مقبول؟!!) ثم يتخرجون و يبدا يدفع للواسطات الدراهم
عشان عياله يتوظفون و يتسلف من ذا و ذا وما يسدد إلا وعمره صار60 سنه وشوي و تقاعد وصار معاشه
نصف الراتب ثم يجوله عياله يبون يعّرسُون ويزوجهم ويظل يسدد بديون زواجهم ليمن يشرب العلقم والحاله تغدا حاله و يمرض و سكر و ضغط وشوي وإلا وعمره صار65 سنه ..
بعدها عاد يشورون عليه الشيبان بالاستراحه أو عند البقاله أن يعرس عشان يجدد شبابه و يقتنع الرجال و يفرح و يوم زواجه يجي له هادم اللذات وياخذ أمانته و يموت ؟!!

بالله عليكم أي تعدد تبونه بذا الزمن ..ليش هو يمديه يعرس ثانيه ؟؟؟؟؟؟؟؟؟؟؟؟؟
خلو التعدد لهله يوم كان الرجال يعرس وعمره 17 سنه ب10ريال أو أقل والبنت عمره 12
سنه ما قد خذت من الدنيا وبلاويها ==> ياويلي تهرج تسنها عجيّز صغيره
عموما ااااااااااااااااااااااااااااااسفه على الإطاله بس هذا اللي طلع معي

ودام عز الدواسر
الريـــــــــــــــــم

**معلومات** **العضو** · 01-12-2006, 04:45 PM

الاخ حمد

الاخوه المداخلين

السلام عليكم

الحقيقه ان الموضوع جداااااااااااا اصبح مهم وهو التعدد بل اصبح من وجة نظري انه ضروري وذلك لكثره النساء في هذا الزمن وكثره المغريات التي لن تكن عواقبها طيبه
صحيح ان المعيشه اصبحت صعبه نوعا ما ولكن الله سبحانه لن ينسى عباده
من طرف النساء لن يكون الموضوع منطقيا للنقاش وبالتاكيد غير قابل للاخذ والعطى لأن التعدد في نظر المرأه جريمه يعاقبن عليها الحريم والدليل ماقالته الاخت بنت بدوي

في قديم الزمن لايستغرب زواج المتزوج من ثانيه ولكن في زمن التقدم والانفتاح اصبح التعدد ظلم للزوجه وتعدي على حقوق الانسان .
وهذا مايسعى له اعداء الاسلام ومن يريد لبنات المسلمين بالانفتاح والحريه والسفور
حماهن الله

اما بالنسبه لك يا حمد الظاهر انك تدور المعذره ولا هذا مو عذر

تحياتي للجميع

**معلومات** **العضو** · 28-11-2006, 09:56 AM

مشكور ياحمد على الموضوع .
التعدد هذه الايام يعني
- بيتين ( واذا كنت لاتملك تستاجر )
- خادمتين.
- عدد 2 فاتوره كهرب
- عدد 2 فاتوره هاتف ثابت
- عدد 3 فاتوره جوال
- تكاليف عزايم الجماعه وزواجاتهم اذا بتحظر انت وزوجاتك اضرب في 2
يعني بالعربي اللي يبي يتزوج اكثر من وحده هاليومين لابد له من ان يطلع على نظريات حساب المثلثات واخص بالذكر نظريه فيثاغورس علشان يعرف يحسب تكاليف المعيشه بعد الزواج من الثانيه

**معلومات** **العضو** · 28-11-2006, 10:12 AM

الله يجزاك كل خير يا فالح الشكره والله انك عقدتها بنظرياتك جعلك تسلم

وخليتني اهون وانا كنت ناووووووووووووي

معجل الهوانه خخخخخخخخخخخخخخخخ

**معلومات** **العضو** · 01-12-2006, 05:37 PM

هههههههههههههه

حلوه اخوي حمد
الله يكفينا الشر

وبيض الله وجيهكم أنت والشباب على الطرح الطيب

**معلومات** **العضو** · 08-05-2007, 06:42 PM

الله يخلي زواج المسيار
بدون تكاليف

**معلومات** **العضو** · 08-05-2007, 07:48 PM

اناا ماني مع تعدد الزوجاات >>>>>>> صريحه

**معلومات** **العضو** · 09-05-2007, 04:33 PM

مشاء الله عليك يابو عبد الرحمن 3

**معلومات** **العضو** · 10-05-2007, 04:57 PM

أكيد هذي دوسرية .. بعدي بيك يابنت عمي !!

**معلومات** **العضو** · 20-05-2007, 02:20 AM

جزاك الله خير الظاهر اني بكنسل السكاكين وبحط سكاكيس
( بلستيكية )اذا قررة الزواج من ثانية

**معلومات** **العضو** · 05-06-2007, 03:53 AM

مشكوور أخوي حمد على الموضوع وصرااحه تعجبني هالزوجه ههههههههه
صح انا مع ان التعدد له أسبااب كثيره لكن الصراحه ما أؤيد التعدد
من وجهه نظري انه كله مشااكل مثل ماقالو الاخواان مصااريف وقلق
والله يعين الزوجاات اللي تزوجوا عليهم ويصبرهم

**معلومات** **العضو** · 28-06-2007, 07:28 PM

انا في راييي ان اللي يبي يتزوج الثانيه وصامل ما يشاور احد لكن المتردد بيدور له عذر ............ وشكرا لك اخ حمد النتيفي على الموضوع

**معلومات** **العضو** · 02-07-2007, 03:12 AM

يعطيك العافية وما قصرت

اخوك/ عبدالرحمن

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية