الهوامله يردون ثارهم

[معلومات العضو إبن شامان]

بسم الله الرحمن الرحيم

السلام عليكم ورحمة الله وبركاته

أقدم لكم هذه المشاركة وأرجو أن تنال على إستحسانكم

هذه قصة الهواملة حينما أخذو بثأرهم من قبيلة دهم

الحديبي بن صاهود من آل بدرة الهوامله كان من الرجال القلائل الذين يسند لهم الأمر

وأحد الشجعان وفي احد الايام كان موردآ وايته على احد الاقلام في الرمله على الحد مع

اليمن فواجه شخص من دهم وقتله غدرآ ولم يواجهه وجهآ لوجه فذهب ربع من

الهوامله على خمسة جيوب الى اليمن بحثآ عن قاتل وهو شيخ من شيوخ دهم إسمه

سعيد المعلفي الحديبي وكان يتحصن في جبل من وديان اليمن وكان الربع يراقبون تحركاته

الى أن نزل في الوادي فقاموا بقتله بعد ان رأوه فقد اطلق عليه ثلاثه من الربع الاول اصابه

والثاني اصابه والثالث قتله بعد ان اصاب راسه وكان والد الحديبي موصيهم بأحد اطراف

سعيد دليلآ على مقتله وفعلأ اتوا براس سعيد ليراه ابو ه وهذا ماحفضته من القصيده .


وقال الشاعر/ حسن بن عجب بن مشنان الجعاثنه الشكره هذه الابيات

يالله اليوم يامطلوب ياهادي = يارفيع السما يا سامع الجابه
كبدي اللي هناها الشرب والزادي = عقب ما جا خبرهم حي من جابه
فوق خمسة إجيوبٍ طقم وإجدادي =فوقها اللي لغالي الروح جلابه
أجنبوا فوقها خطلان الأولادي =كل منهم يسر العين مضرابه
ليت راس الحديبي يسمع منادي =وليت عينه تشوف وتضحك أنيابه
وليت عينه تخايل باسفل الوادي =يوم دك بسعيدٍ خبرة إذيابه
شافوا المعلفي ثم جوه ورادي =عاش منهو عطى ديانه حسابه
صاده اللي لضرب الراس صيادي =عاش من هو من الخبرة تسموا به
قاسي الراس طاع وقام ينقادي =عقب فرقا سعيدٍ شلح ثيابه
لاد زايد توطي الشره لازادي = مثل سمٍ تسعمر كبد شرابه
لابتي لابتي هم سم الأكبادي =لابتي سعـــد من هم جـــــــــــــــات لـه لابة

وهذه أيضاً قصيدة للشاعر/عيدان بن راجس الهوامله :

تو ما زان التمثال لصحاب المثل = عقب علمٍ يفرح الحي الأقصى والقريب
عقب علم المعلفي يوم جاوه في الجبل = وازيٍ بأقصى الجبل ما درى إنا ما نهيب
حاذفينٍ طاري الخوف منا والزمل = مع مجاري الدم نجري ونسطي بالحريب
ما نحسب للخساير ولا نقضي عمل = لين ناخذ بالحديبي تجيب اللي تجيب
وردوها لابتي مثل ميراد النهل = ماردٍ يجلي العمس عقبه الخاطر يطيب
جهزوا لـه من بعيدٍ وجاوه فالمحل = لين خلي طايحٍ بين بيته والقليب
طايحٍ في ملتقى الخط والجيب أشتعـل = عبرةٍ للناس واللي يشوفه يستديب
جعل يمنىً وثقتها تجار من الهزل = طار به ضرب التماتيك من يمنى النجيب
ذي وقايع لابتي من على وقت الجهل = للعدو مرٍ وللصاحب أحلى من الحليب
حدنا من ثلمة غراب لا منشى الحمل = لا دكاك الجوب محدٍ عطاناها بطيب
حددوها لآد زايد بحدٍ معتدل = وفرقت في نجد بالمجد والسلم الغريب
يهملون الجار فالدار لا منه نزل = وينقلون الحمل عنه و لو إنه صعيب
ديرةٍ فيها المجاهيم في ذرو النخل = دونها نارٍ صليب الحجر منها يذيب

وهذه قصيدة للشاعر/ دهيمان بن عبيد الهوامله :

بداوة كثير الناس ريعٍ مع شقى =مقيمٍ وإلى عذيت نياقه يعقلها
وإلى ضاع منها شي دور ولا لقى =وعود يقول البل تذكر مداهلها
وهي بين كمب و خط في قاعٍ محقى=سنين ومماسيها ِمبارك مقايلها
وجيوبه إجداد ووايته مير ماشتقى=برعي الطرب وديار بعدٍ يشــد لها
وإلى من تهقوا لفرجة الذيب ماهقى=تهقوا هواملةٍ بعيدٍ مهاملها
براس النقا البيضاء تبين لبن نقى=أخص الزعيري والعلوم بدلايلها
إبن حايف البل يوم عصره على النقى=يحوف العدى ويجيك بالكسب شايلها
وذا الحين في الإسلام كلٍ لها سقى=تقارب لها المورات بأقصى منازلها
لكن البيان لمن نزل فيه ما تقى =منازل رجالٍ ماضياتٍ فعايلها
رقاه أبوخالد فوق واللاش مارقى=كذوبٍ مغير عروض الأجواد ماكلها
هلا يالزعيري كل ما فرعت والبقى=تسج الدير بإبلٍ جميلك مجملها
ودار العدى ماهبتها سـاعة اللقى=بربع بعد مثلك صملت بصمايلها
من المملكة ياقاكم اللي لكم وقى=تبون اليمن ودهم تعطى جمايلها
وتسلم يمين وثقت بندق اللقى=ياليت الحديبي يوم ثارت يخايلها
خذت به سعيد المعلفي راح مابقى=برود الكبود اللي تفوح بغلايلها
وطوا صادق الموت الحمر ربعٍ صدقى=طنايا هواملةٍ طنت في مراجلها
لاجات ضرب مخلصٍ صاروا شققى=مطنخ أعيالٍ فعلها شاق عاقلها
وختام الكلام البيض ترفع لبن نقى=أخص الزعيري والعلوم بدلايلها

هذا وسلامتــــــــــــكم
تحيـــــــــات أخــــوكم
إبــــــــن شــــــــــــــــامـــان