عندما يموت السؤال من الرهبه وتكون الاجابه حية ولكن لاتسمعها لأسباب عده فما الحل ؟

[معلومات العضو مخاوي سهاد]

المشاركة الأصلية كتبت بواسطة وسام العصا

كم سؤال مات في صدري جوابه=وكم اجابه حية قبل السؤال
السؤال يتيه في ليل سرابه=والاجابه ثابته في كل حال
والسؤال اللي له بنفسي مهابه=ليه احبك حب جاوز للخيال
ولو بغيت اوصف شعوري به غرابه=والغرابه واضحه باول مثال
كان حبك ذنب يكفيني عذابه=وكان قربك حلم فبعدك محال
وكان هو معروف فاحساسي ثوابه=وكان وصلك طب فاسعفني تعال
فالجهات اربع ولكن ما تشابه=الجنوب وغرب وشرق مع شمال
بس قلبي زرفلت عجل ركابه=وارتحل يمك شهور مع ليال
ودل دربك مدرك وقربك حيابه=ونوخ ركابه على بابك وقال
ابتدأ حبي بشخصك والتجابه=وانتهى عن حب غيرك واستقال
مستوفي بالحب والوزد اشترابه=واخسر الوزنه لغيرك يوم كال
وخضع لك يوم حبك هو سطابه=وامتثل لأمرك يطيع بلا جدال
قلبي ارض غير حبك ما وطى به=وبسماء شوقي ترى ودك هلال
امطري بالحب يا أجمل سحابه=وأسقي فياض شكت قل الوصال
فالجفا عراه شوفك من ثيابه=والأمل لأجلك يطوح بالعقال
والخطا بتشوف بعيوني صوابه=والصواب اخطا ولا حرم حلال
عطني حلول لسؤال بلا اجابه=وخذ اجابه لسؤال مايزال
فالسؤال اللي جوابه انتهى به=والجواب اللي سؤاله بارتحال
كم سؤال مات في صدري جوابه=وكم اجابه حية قبل السؤال

اخوي
وسام العصا
صح لسانك
لاتقول اني اجامل
طرقك خطير
قصيدة بحر
سجلني عندك من المعجبين والمتابعين
اخوك مخاوي سهاد