التغطية المصورة لجولة موقع قبيلة الدواسر الرسمي الثالثة لـ محافظة الافلاج " الــبــديــع "

[معلومات العضو دغش بن حمد بن منصور]

وصلتني رساله من شاعر المخاريم / محمد بن باني
بعد مشاهدته لتغطية موقع الدواسر اثناء زيارتهم للبديع ..
متنومس بما ذكر في التقرير وهذا من طيب راسه الله يبيض وجهه ويصح السانه والمدح والفخر واحد
وهم المحزم اللي مايخجل صبيان المنيعي ..

اترككم مع الرساله :

( بيض الله وجيهكم يابو حمد صراحه لقاء ممتع ومشرف والصخابره معروفين قبل اللقي وبعده مواقفهم وافعالهم ترفع الراس.
وتقبل مني هلابيات كهدية مني لك)
.............

طيب ربعك يادغش مابه غرابه
لاد صخبور بعيدين المغازي

والله انهم بالمراجل خير لابه
الفعول جزال والأنفس عزازي

يكسبون الطيب بعزوم وصلابه
للصديق دواء وللعايل نحازي

عزوتن لا ولعت نار الحرابه
ثم تقدم صفهم .. للحرب فازي

وجدك اللي موقفه كلن درابه
مع وداعينن ثقالن ما ترازي

وشكري ن موقفه يحسب حسابه
كل منهم في مجال الطيب فازي

يوم فرت الشمري لقشر جذابه
في مكان لامصد ولا موازي

شالوا الموتر وحملته وزهابه
والرصاص يثور من عوج الكرازي

والدواسر سلمهم كلن حكابه
الخوي معهم يعز ولا يهازي