حسن اللسان الهوامله

[معلومات العضو حسن الهوامله]

مرحباء باللي لفانا من بعيد ومن قريب
عد ماهل المطر من حقوق خيلها
مرحبا با اهل الوفا والكرم سقم الحريب
يارجال نفتخر دايم بفعالها
لابتي يااهل الوفاء يامدلهت الغريب
لابتن بين القبايل يضل ضلالها
لابتي ياعزنا لاعوى ذيب لذيب
ياهل الحرشا وياسترها ورجالها
لابتي يادرعنا يامخيبت الطليب
لابتن دون المعاشير ترخص حالها
حن هل الحرشا ليا من غدا الصافي سريب
نرتكي للقاله الي عجز من شالها
من غزانا طامع مات ولا اصبح صويب
ذي فعايل لابتي يوم ضرب اسلالها
واحمد الله يوم ربعي هل الراي المصيب
يرخصون الروح شيبانها وعيالها
فعلنا مايجحده كون مقطوع النصيب
فعلنا معروف لامن زما عيّالها
ذا كلام الشاعر اللي من الممشى عطيب
يازن الكلمه ويترك سريب احثالها











الشاعر : حسن مناحي اللسان الهوامله (رحمه الله)