رأي اتحاد باحثين قبيلة مطير على ضوء لقاء الأمير مران وموضوع الريشة

[معلومات العضو مدعث الدوسري]

ارحب يابن شلاح ويشرفنا وجودك ياللحية الغانمة
<<<<<<<<<<<<
بيض الله وجهك ياابومحمد الغييثي
لقد قلت الكلام الذي أردت قوله بالضبط
التناقض واضح جداً فيماسرده الأخ ابن شلاح
<<<<<<<<<<<<<
لي عودة للموضوع إن شاء الله

 

 

 

 

[معلومات العضو العديم]

السلام عليكم ورحمة الله وبركاته

نرحب بالضيوف من منتدى قبيلة مطير وبالمناسبة فإني أشيد بمنتداكم اللذي يعج بأخبار القبائل وأبناء البادية في التاريخ القريب وأشيد بهم على سعة صدورهم للأعضاء من ابناء القبائل الأخرى

وبالنسبة للريشة فلاشك أن المؤرخين المتأخرين أوردو أن الريشة هي راية حرب خذوها الدواسر من ابن عريعر ولكن هل كل الأخبار الواردة عن المؤرخين مسلم بها
والمؤرخين ياخذونها من الناس وهو ليس وحي منزل إلا أن هناك من يتحرى الحقيقة ويبحث عنها وهناك من ينقل من أقرب مرجع من دون تكلف
ومما لا شك فيه ان الأخبار هذي منقولة عن ابناء القبايل لأنهم هم أهلها ولو رجعنا للمعارك التي جرت لمطير والمذكور في منتداكم لما وجدناها في كتب المؤرخين أو على الأقل لم يذكروها بالشكل الوارد من الشيبان الاولين .
ولو سلمنا بصحة رواية المؤرخين والغينا سوالف جدانا لضاعة امجاد كثير من القبايل واولها سالفة الريشة .
لأن الريشة المذكورة عند المؤرخين هي راية حرب ولكن الريشة الموجودة عند ابن قويد هي هودج وليسة راية والفرق بينهن بين ولاشك ان اللي نقل السالفة للمؤرخ ليس من أبناء القبيلة وخاصة أن ابن قويد شيخ عموم ويستخدم الهودج في الحرب ولا أعتقد أن فيه أحد من أبناء القبيلة يجهل هالشي

وبالنسبة لبيت ابن لعبون وذكره لواره فكونه يجيبها على شان القافيه مستبعد بسببين
1 - ان شاعر بقدر ابن لعبون مايعجزه انه يجيب قافيه اقرب من هذي
2 - انه ما ذكر ان واحد من الشعراء يفخر بحرب ويذكرها في موقع غير موقعها وخاصة انه خاص جماجمهم عند الجبل .


وبالنسبة ان مطير غير حددا للدواسر فهذا صحيح ولا يمنع ان القبيلة تجتاز منطقة قبيلة أخرى للحرب او للربيع اما بصلح او شي من عادات العرب والدواسر من قديم وهم حدودهم من الشرق الدهنا وذكروا جو ساقان في الصمان .
وفيه معركة لجهز ابن شرار المطيري كان غازي على الرشايدة وهم مهوب حددا له بينه وبينهم حرب وصلح مع حرب على شي والسالفه مشهورة وموجودة عندكم في المنتدى ولو قلنا مايصير ان القبيلة تعدى حدودها كان الغينا كثير من الحروب والاكوان بين القبايل
والمعركة بين الدواسر ومطير موردينها شياب ناخذ منهم علوم القبيلة وهذا اللي صاير عند كل القبايل والسالفة عليها برهان الابيات اللي ذكروها في المعركة ومعروف أن برهان السالفة قصيدتها

ومطير قبيلة عريقة ولها معارك كبار مع القبايل وكونها تنكسر قدام الدواسر فهو ما يعيبها ومحيسن الهزاني ذكرهم في قصيده يوم يقول

مرباعها ما بين ابانات والخال *** ناحين عنه الدوسري والحسيني

وهذا يوم ان مطير نازلين صبحا قدم قحطان وكا نوا حددا للدواسر

اما وطبان الدويش فلاشك انه مهوب وطبان اللي ذبحوه قحطان ويمكنه واحد من فرسان الدوشان والدوشان واجد وفريسهم بعد ولاهي غريبه يكون واحد من فرسانهم واعيانهم

وبالنسبة لقول الظاهري فهو صحيح بعض الشي وهو أن الدواسر لهم صلة بالعجمان بالنسب وجيرانهم لكن المشاكل تصير حتى بين عيال العم ولاهب غريب وحرب بريه وعلوا خير دليل وهم كلهم من مطير وبعض المناخات لمطير يشترك فيها فخذ مع العدو فاذا كان هذا بين عيال العم فلاهب غريب بين قبيلتين بعاد عن بعضهم في النسب .

وبالنسبة لمناخ الرضيمة فلا شك في اشتراك الدواسر فيه ولاكنه اشتراك متأخر لان اول من نوخ لحرب ابن عريعر هم العجمان واستفزعوا عقب بالدويش وجاهم وعلى ذكر المأرخين ان يام جو من الجنوب فزعة لعيال عمهم في آخر الحرب وارسل شاعر العجمان قصيدة يطلب فزعة يام مهوب قصور في العجمان ولا مطير لاكن بني خالد واجد وجا معهم عنزة وبني حسين وبعض سبيع والدواسر جيتهم ويام وحدة والدليل ان القصيدة اللي طلب فيها شاعر العجمان فزعة الدواسر هي نفسها اللي طلب فيها فزعة يام يوم يقول فيها

نص الركايب لابة زايدية *** يا نعم من تلفى عليه الركايب
هشين بشين على العسر والقسى *** وفرسان لا شبت ضوي الحرايب
ومن كان مطلوب فيزبن بدارهم *** حتى تقطع عنه كل الطلايب

والسلف مردود اذا كانوا مطير والعجمان ما ينكر دورهم في الريشة إذا سلمنا بصحة هالقول فالحسا وموارد الصمان وابل ابن عريعر وابن منديل الخالدي ما يجحد دور الدواسر في اخذها
هذا ما حبيت اذكره واشكر لكم سعة صدركم

 

 

 

 

[معلومات العضو أبن شـــلاّح]

السلام عليكم ورحمة الله

	الأخوة الكرام الأعزاء السلام عليكم ورحمة وبركاته وبعد انني على عجل من أمري لأرتباطي بمزاين أبل قبيلة مطير الثاني خلال الفترة من 14- 20/11/1426هـ .بمنطقة الرفيعة بالصمّان والذي يشرفني دعوتكم لحضوره فاهلاً وسهلاً باولاد زائد الكرام اهل مجاهيم الأبل . ********************************************

وتقبلوا تحيات :
محمد الشــلاّحي
منسق موقع قبيلة مطير
اعط الرجـال حقوقها واحترمها ..........واياك وايا الكبـريا والتغطـراس
والنفس قبل تلومك الناس لمها .........لومك لنفسك خير من لومة الناس

والسلام عليكم ورحمة الله

 

 

 

 

[معلومات العضو الخبير]

اوريد ان اعقب على كلام اخوي ابن مشخص المسعري بأن ابن لعبون دوسر وهذا استشهاد احد احفاده بانه دوسري ونا والله قرية ذا الكلام في كتاب ألفه اعنزي
ونا والله ناسي اسم الكتاب بس الظاهر انه عن حياة ونسب ابن لعبون
(مع العلم بأن المؤلف العنزي يعارض كلام حفيد ابن لعبون ويقول ان اصل ابن لعبون عنزي)

ومن احفاد ابن لعبون موجوووود آلان ويعمل في منصب كبير في احدى المكتبات الحكومية في الر ياض
ولا اعلم بالضبط في اي مكتبة

 

 

 

 

[معلومات العضو ضامي]

مساكم الله بالخير

اخونا الغالي ابن شلاح

حياك الله في مكانك ومكانكم يا حمران النواظر على العين والراس


اقر هالقصيدة وعطني ردك



الدويش وطبان جاب مطير غازينـا / معه ابن شعـلان بالريشـة يقديهـا
حاولونـا بليـلٍ فــي مماسيـنـا / على صبـاح بيـوتٍ فـي مبانيهـا
ألفيـن خيـال و إنّـا يـوم عِّدينـا / بـلا ثمـان ميـة للحـرب نبغيهـا
نركب على الخيل ما شـيءٍ بيلهينـا / ممن وقعت حربته مـا عـاد يثنيهـا
أميه و خمسيـن قلـعً مـن يمانينـا / و حصـان وطبـان غلقهـا يوفيهـا
يا ذيب يا اللي مع الصفراء تبارينـا / عشاك وطبان في مقـدم نواصيهـا
ما عاد هاشوا يوم سمعوا عزاوينـا / قفت مطير تشامـت فـي نواعيهـا
أما ابن شعلان يومـه جاهـلاٍ فينـا / يشمت نصيبه و من جابه معه فيهـا
دون العشاير قلعنا الخيـل و إنحينـا / و ما نضرب إلاّ الجماجم من علابيها
بأرماحنـا إللـي توردهـا يمانينـا / إخذ المزين و عطفة ريشتـه فيهـا
هذا لعيناك يـا مـن هـو يوصينـا / بالريشة اللي تجيك أخبـار راعيهـا