الَا.. يَا رُكْنــي ..الَهــادِي

[معلومات العضو الهاج ـري]

طلبتك يابعد كل الخلايق روف واسمعني
ترى مايذبح العاشق ؟ سوى لا كثرة اوجاعه

امانه لا بغيت تروح ! تكفى لا توادعني
تراك انت الوحيد ! اللي عجزت اتخيل اوداعه

اليا منه نزل دمعي امامك ؟ قول وش يعني
يا إما .. إني احبك ؟ او ان النفس ملتاعه

وانا فالحالتين ! اصبح انا المقصود والمعني
وتصبح حضرتك جاني وانا المجني على اوضاعه

ياهيه اسمع ! ياهيه افهم كلامي لا تقاطعني
ترى الرجال دمعاته تساوي ! لوية ذراعه

وانا عن بعض الاشيا , عزتي والله تمنعني
مع ان نفسي ؟ على حبك قسم بالله منصاعه

ياليتك من قبل لا تقتنع فاالبعد ؟ تقنعني
{ سقيم الحب }! بعد الله من اللي يقدر اقناعه ؟

وياليت انك { سقيم العقل }! قبل انك تولعني
ما كنت اشتاق للمجنون واعشق طبع بطباعه

ترى عادي ! يوم إنك كل ساعه وانت تخدعني
لكنّ اللي ماهو عادي ؟ احبك موت كل ساعه

احبك كثر ! مالك فالحشى طعنات توجعني
واحبك كثر ! مايجرح خوفقي ! خافق ٍ باعه

احبك كثر ! ما حاولت للهجران تدفعني
واحبك كثر ! مملك من بيوت الشعر واتباعه

ولكن دمعي لو ينزل ؟ نزل في شي ينفعني
نزل ! للخالق الواحد وابي وامي وللطاعه


بالصوت


http://diwan.mergab.com/members/clip...-lkw0YyhaZ2.rm