الملك عبدالله بن عبدالعزيز ومعمر القذافي

[معلومات العضو فهد الغريري]

تسلم لشعبك لاعدمناك يامير=يا شاري العليا بغالي ثمنها
لك موقف مشهود بين الطوابير=ولك كلمة في الحق ما حدت عنها
رفعت راس اللي براسه صعاطير=واخرست من نفسه تزايد عفنها
ودقيت في نعش الهياما مسامير=اللي تخطّا والمرض في بدنها
وجات الحقيقة واضحة دون تزوير=للأمة اللي عوقها صار منها
ياما التمسنا للخطية معاذير=من زمرة(ن) صيت السعودي غبنها
وياما تحملنا كثير المخاسير=لجل العرب من شامها لا يمنها
نعطي بلا منة جنيه ودنانير=ودار العروبة من تضايق زبنها
دار الوفا... دار الرجال المناعير=دار(ن) بها راع الكرامة ضمنها
يا بلادي اللي حبها شلته صغير=أكبر ويكبر لو تطاول زمنها
حبك ورثته من سيوف(ن) بواتير=اللي فدت بارواحها عن وطنها
لايشغلك يادار خطوا معيثير=اللي حياته بالمهازل قرنها
إرقي سنود ولا تهزك الاعاصير=مامونة(ن) شر العفون وفتنها
في ظل شيخ(ن) يحكم الراي ويشير=فهد العرب لا قال كلمة وزنها
عاش الزعيم مسطر المجد تسطير=اللي يمينه بالمكارم دهنها
ومني لابو متعب سلام(ن) وتقدير=اللي خذا العليا بغالي ثمنها

الشاعر الغالي صاحب اعذب القوافي وامتع الاشعار ابو محسن

نايف بن مسرع

صح الله السانك وعتلا شان وزادك الله من زوايد فضله

رائعه يابومحسن جعل عمرك طويل على طاعته

تعجز الكلمات امامك يابومحسن ابيض وجه في قصيدك

والله يبارك في خادم الحرمين الملك عبدالله بن عبدالعزيز ويرفع قدره

وتقبل تقديري واحترامي

اخوك / فهد الغريري,,,

 

 

 

 

[معلومات العضو سعد آل بريك]

	أبو محسن شاعر الجزاله بكل جداره رائعه عبرت من خلالها عن مشاعر كل مواطن سعودي يدين لهذا البلد الطيب وحكامه الأفاضل بالمحبه والولاء.. : : الله يديم بلدنا وحكامنا ويرد كيد كل حاقد وخوان : : تسلم يا نايف على هذه الشامخه : :

.

.

.