محاورات الجدول الاول للتصفح فقط

[معلومات العضو شافي بن راشد النتيفات]

المحاورة السادسة بين الشعراء سعود بن بطحية والشاعر شافي النتيفات
سعود بن بطحية

ياسلام الله على غايب كنـه حضر = ياخذ ويعطي المعاني ورى شاشاتها
شاعر الى من حضر مثل سيدنا عمر = ياخذويعطيك ماينتضر فزعاتها

شافي النتيفات

مرحبابك يالمسلم عدد وبل المطر = من هجوس يالسنافي لها وقفاتها
ياسعود المبتدا لازم بعده خبر = العرب وش ذنبهم زودو ختاتها

سعود بن بطحية

صبها صب الثيميدي وبارودك حمر = لين تسمع في جبال اليمن طلقاتها
قصتاًَ يا صاحبي ورق مكتوب بحبر = جادل قطع حشاها أبكى عبراتها

شافي النتيفات

اجرهد الليل والوقت لايسري هدر = والمعاني تو ماجات في حزاتها
لا تعرض روحك ونفسك دروب الخطر = وابن ادم نفسه تغره بهقواتها

سعود بن بطحية

ماهضمنا حقكم مير الاتقهرقهر=مرت لك ياسنافي ولي مراتها
اخذها من كف خصم يدور للقشر=والقدى عقب الخطى ماحلا لذاتها

شافي النتيفات

حقنا ماثوق ياشاعر ترقى الشجر = والشجر يثر على الناس في حكاتها
محتزم باللي تقص الظهر قبل النحر = وانت والله والنعم مير عندي هاتها

سعود بن بطحية

ماعليكم زود مير السفينه في البحر=الاغرقت في مصر نظهرك من غرقاتها
الاحسبناحسابها جاتلك خمسة عشر=هاذي لهاذيوهاذيك من خالاتها

شافي النتيفات

انت مثل الاسهم تصك قدام العصر = ترتفع وتغط من ذاتها في ذاتها
ضعتنا واحترت بين العجاجة والمطر = والعرب قالوا ترى ترزق بنياتها

سعود بن بطحية

الحقيقة كان ودي ناخذكم جهر=لين يكثر في بيوت النتف ويلاتها
انت ضايع طول اليلك وجابك لي قدر=وسهمك ياصاحبي وسطهاخاناتها

شافي النتيفات

البدو ما تستوي يارفيقي والحضر = وان كشفت البير فالموت في لجفاتها
يالدليلة دور اللي يدلك للسفر = والله يبشر هل الغيظ في في كظماتها