اما حياة(ن)ترفع الراس وتليق

[معلومات العضو درعان بن عبدالله]

اخواني زوار منتدى قبيلة الدواسر الرسمي يشرفني ان اقدم لكم اليوم قصيدة للشاعر / فهاد بن محمد آل ناهش واترك الحكم لكم .

البارحة ما ذقت نوم المخاليق=اسهر لعل الصبح يطلع عليه
كونه يفارق صدري الهم والضيق=والهاجس اللي يحرق القلب كيه
بسباب وقت (ن) شفتنا منه ما اطيق=والصبر طال وخيم الهم فيه
أسلي الخاطر بجر الطواريق=وانا على الطاروق ماخذ وصيه
وصية (ن) نرقا بروس الشواهيق=ما ننزل بقاع الدنس والدنيه
انجنب الأنذال وأهل التلافيق=اهل الوبا واهل والخنا والرديه
مفرقة ل خوان بالكذب تفريق=على الفتن تمشي ورا كل هيه
تضحك لك بسن يجي له تباريق=ولقفيت جاك السم من ناب حيه
ياجعلهم فدوة ارجال مطاليق=عشاقة الناموس واهل الحميه
على النقا تمشي بصدق ومواثيق=الدين منهجهم وسنة نبيه
مجلاسهم عز(ن) وفخر(ن) وتوفيق=اهل الوفا واهل اليدين النديه
ما خزنوا لموال وسط الصناديق=يوم ان بعض الناس نفسه شقيه
يطرد ورا الدنيا مع فكة الريق=ماله بفعل الطيب والجود نيه
هذا حياته ما عليها مشافيق=وان عشت مثله جعل نفسي المنيه
اما حياة(ن)ترفع الراس وتليق=ولا ممات (ن) ثم تنهى القضيه

 

 

 

 

[معلومات العضو نادر الناهشي]

ابوعبدالله لاهنت على النقل وبيض الله وجهك



وصح لسان اخي الشاعر فهاد الناهشي


والله طوف علينا الله يكفي شره

 

 

 

 

[معلومات العضو حسن بن بطحيه]

صح السانك ولسان القايل لاهنت..

 

 

 

 

[معلومات العضو محمد مبارك ماجد]

درعان بن عبدالله
بيض الله وجهك والله لايهينك على نقل القصيده لمنتدى الدواسر
وصح لسان فهاد محمد آل ناهش قصيده جزله من شاعر جزل

 

 

 

 

[معلومات العضو ناصر بن فهد]

:::
::
:

صح لسانك يا ابوعبدالله
وصح لسان الشاعٌر
والله يعطيك الف عافيه ُ ولـآهنت على النقل
وبيض الله وجهك

 

 

 

 

[معلومات العضو درعان بن عبدالله]

اررررررررررررررررررررحب ياب محمد تراحيب المطر العذر من الله ثم منك عز الله اللي ضاع سوقك بعد فهاد تراه خاطف الأضواء خاطفها واليوم بيتفوق التلميذ على استاذه ,,,, ههههههههههههههههههههههههههه

 

 

 

 

[معلومات العضو النـــايف]

بيض الله وجهك يابوعبدالله
على النقل الراااائع
وهذي عوايدك يابو عابد
دايما رااااائع ومتميز
واشهد انك كفو ياذيبان

وصح لسان الشاعر
وبيض الله وجهه

كل الحترام والتقدير

 

 

 

 

[معلومات العضو درعان بن عبدالله]

اخوي / حسن بن بطحية الودعاني صح بدنك يا كحيلان ولا هنت على مرورك العطر لك مني كامل التقدير والأحترام ,,

 

 

 

 

[معلومات العضو درعان بن عبدالله]

اررررررررررررررررررررررررررررحب يابو مبارك تراحيب المطر الجزل محمد بن مبارك بن ماحد آل ناهش ووجهك يا كحيلان ولا شنت ما سويت شي ابو محمد فهاد دايم وانا اصيح عليه من شان يشارك في المنتدى لأنه من الشعار الكفو وصح بدنك بالنيابه عن اخوي فهاد ولا هنت على مروك يا بو مبارك