ياهلا البر والربيع

[معلومات العضو ذيب ال بالحسن]

صح لساااااانك
وأهديك قصيده من خاطري:
ياأهل الولــ‏ــــع قلبي تزايد فتوقه
‎قصده يسج بديرتن مابها أسوار
من فوق شاص يعجب اللي يسوقه
‎مجهـــزينه للمقاطع والأخطار
مضف على كل الصحـــاري حقوقه
‎توه جــديـد كل طبلونه أصفار
اليا شلع تقول يرخـــي سبــــــوقه
‎فـــرخ قطامي ورد بعد محدار
الطير والدربيل تزهـــي شنـــوقــه
‎والعــزبة اللي زودها بن وبهار
أمـل التوناك لاتهـــــمك عروقـــــه
‎وأضرب تهاتيه الخلا ماأنت محتار
يحلآ نسيم الصــبح ساعة شـــروقه
‎بالفيـــضة اللي كلـــها نبت نوار
يازين بدع القاف بأحـــلى طـــروقه
‎بقـــفر خـــلآ ماطبــها كل دوار
أرم الحطب والناس كلـن وشـــوقه
‎وجذ الدلال الصفر فمصالي النار
ثم أحكر الفنجال ويازيـــن ذوقـــه
‎بريـــة يطـــرب لــها كـــل زوار
الصيد واجـــد والنشـــاما تحـــوقه
‎غـــزايـــز دايـــم سمينات وخيار
أرم النظر مافـــيه شـــي يعـــوقه
‎باأرض خلا ترتع بها دق الأبكار
العمر فانـــي والليـــالي تســـوقه
‎والرازق الـلـه والمخاليق قصار