ســلامـ يــارجــلــن نــعــزه ونــغــلــيــه

[معلومات العضو محمد الجبريني]

المشاركة الأصلية كتبت بواسطة محمد بن حمد الشكرة

بسم الله الرحمن الرحيم

هذه أول قصيدة لي أنشرها لديكم في المنتدى وأتشرف بنشرها أمام عمالقة الشعر من قبيلتنا العزيزة ومناسبتها أنني كتبتها في الشيخ/حفيظ بن عجب بن فيصل آل حفيظ وهذه القصيدة أقل ماأقدمه لأبي عبد الرحمن فهو مكسب وذخر للقبيلة عامة ولقبيلة الشكرة خاصة :

سلام يارجلن نعزه ونغليه=من حشمته نبدع بيوت الجزالة
سلام يارجلن على العهد يوفيه=ساس الكرم والطيب راعي الشكالة
يابو عجب صيتك له الناس تطريه=بالعز والتقدير لاجا مجاله
في الخير سباق ومكثر خطاويه=في السلم ساساً للوفاء والبسالة
العز ساسة والكرم خصلة فيه=هذا سنام طويق ضلعه وجاله
دامه ذخر ياجعل ربي يهنيه=حيثه كريمن يكرم اللي نصاله
مثل المزون اللي على الروض تسقيه=وألا كما بدرن بوقت اكتماله
يستاهل العليا ليا حل طاريه=ابن الرجال اللي عريب خواله
أبوك طيب وأنت تمشي مماشيه=تمشي على درب الوفاء والجمالة
إخوانك اللي في الحفل فخر ووجيه=يستاهلون المدح هم رأس ماله
ياالله ياالمعبود سدد خطاويه=بإذن الولي اللي علينا اتكاله
أقولها في مبتدأ القول وانهيه= يامرحبا بأهل الوفاء والشكالة

وسلامتكم

ونعم
بالشيخ
وبك ياالسمي
وصح السانك وكلك
الاهنت تقبل مروري وتقديرري

 

 

 

 

[معلومات العضو محمد بن حمد الشكرة]

المشاركة الأصلية كتبت بواسطة محمد الجبريني

ونعم
بالشيخ
وبك ياالسمي
وصح السانك وكلك
الاهنت تقبل مروري وتقديرري

صح الله بدنك يامحمد واشكرك على المرور الرائع وابشر بكل جديد ياالقرم