يا قلب لا تحزن وما صار مكتوب

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

المشاركة الأصلية كتبت بواسطة فهد الدهمش

من القصائد التي اعجبتني وفيها من المعاناة الكثير هي

قصيدة للشاعر :فراج بن فهد ال تركي الشكرة) ,,

جار الزمان وشبّ فالقلب لاهوب=وشمس السعاده حوّلت للمغيبي
وجوّي تكدّر وأصبح الوضع مقلوب=كنت الطبيب وصرت أدوّر طبيبي
أول لبعض الناس غالي ومحبوب=واليوم ذاك البعض قد هو حريبي
وأنا ما أحَسب إب رأي جربا ومجروب=ارخوم قومٍ في قفاي إتحكي بي
ماهمّني نذلٍ يدوّر بي إعيوب=وهو إعيوبه عدّ رمل الكثيبي
ياقلب لاتحزن وماصار مكتوب=هذا قدر عمري وهذا نصيبي
ماب الحزن والدمع لو هلّ مسكوب=يقدر يعوّض مافقدت ويجيبي
ماردّ يوسف دمعة إعيون يعقوب=ماردّه ألاّ من قضى إنّه يغيبي
ربٍ كريمٍ فارجٍ كل مكروب=ابقدرته وحده يحلّ الصعيبي
ياقلبي إصبر وإحتسب وأعلن التوب=وش عاد يعني لأمتلى الراس شيبي؟!
إن كان حلمك مات وأمسيت منكوب=فهذا طموحي ماله ألاّ يطيبي
باكر تعدّل وإ يحصل كل مرغوب=مانيب من يشرب إحثال وسريبي
أرجي عسى اللي صار كفّارة إذنوب=ورزقي على اللي فوق خلقه رقيبي

ياليت تنسقونها بارك الله فيكم


ومع شاعر اخر باذن الله ,,تحياتي

الأخ العزيز الغالي فهد بن دهمش المساعره

لاهنت ولاشلت يمناك ياذيبان

على نقل هذه الرائعه اللتي تحكي معاناة أكثر الناس

إختيار موفق للغايه

صح الله السان الشاعر : فراج بن فهد ال تركي الشكرة

تقبل الود والتقدير والشكر والعرفان

من محب الجميع : دغش البطي

 

 

 

 

[معلومات العضو ابن ادريس]

السلام عليكم ورحمة الله وبركاته شكراً لك اخي الكريم على هذة القصيدة الجزلة شكرا لك اخي فهد وصح لسان الشاعر فراج الله يحفظه شاعر مبدع واخيرا اكرر الشكر اخوك محمد ابن ادريس

 

 

 

 

[معلومات العضو الجوهره]

السلام عليكم

عز الله قصيده جزله من جزل...

صح لسان قايلها وسلمت يمين ناقلها...

يعطيك ألف عافيه اخوي على نقل هذي القصيدة اللي احترت أي بيت أقتبس منها، كل بيت فيها أروع من اللي قبله.

تقبل احترامي

الجوهره