قم يانديبي ( اهداء لـ مسعود المقيبلي )

[معلومات العضو سعد المقابله]

قـــم يانديبــي ورتــحل جيـــب ممتـــــاز = من مصنعه توه جديـــد الطــرازي
اللــون بحـري وداخـلــه لمــعت اقــــزاز = يهزني نبـــراس شـــوق اعتزازي
فكـس آر سبيـــرين شنــــطه وهــــــزاز = وشاشــت ماجــلان وشمعات غازي
عليــه غمرٍ لازهمتــه عطى العــــــاز = بسرعةالمـــيراج لاعطى العزازي
سرا مــن الســـاحل مهـات وانــجــــاز = جـــهٍ للخـــــرج دار الاعزازي
نصه ملـف فــــرزان والحــي يجـــتاز = لحي الســــعوديه رجــال المغازي
ينـــصا رجـــال الحيف والكيف مركاز = مقابــــــلة مـن لآد زايـــــد اعنازي
لأبو ســـــعـــد وسمتها مطرق وكاز = حبيت امــــيزها بحــــرفٍ اعـجازي
ماقصــدي اعجـــازٍ ولانـــي بلـــــماز = تـاج الفخــر والجـــود والاعتــزازي
ياذيــب نبـــاريس النواميــس ماجــاز = حـــي العـــلوم الغانمه بامتــيازي
الملحــمه ياذيــــب للجيـــل مكــــناز = تســـلم يميـــنك يابعـــيد المغازي
يابو ســــعد نبرستـــــها كنـــها عاز = عاز الفروســـيه علوم او مغـــازي
ثن الســــــلام اعجابنا رمز الارماز= هـــواه نجـــد وزمـــزمٍ بالحـــجازي
دونـــــتها للـي لـه القلــب فــزاز = فـــزات حـــرٍ حـام ماهـــوب بـازي
وهديتـــكم ابيات بشاشات تلفاز = قـــدرٍ ومقدارٍ لناسٍ اعزازي

صح الله لسانك وبيض الله وجهك

ويستاهل ابو سعد

وتستاهل كل خير

 

 

 

 

[معلومات العضو راشد المسعري]

الهاجس : صح لسانك وبيّض الله وجهك قصيدة أقل مانقول عنها رائعة ومن شاعر قوي وقلتها في رجل يستاهل ( ابو سعد ) وجهوده واضحة مع أبناء عمومته في رقي هذا المنتدى والتعب من أجله ، ونقول قصيدة كفو من رجل كفو في رجل كفو.

صح لسانك مرة اخرى وتقبل الود والإحترام ....

 

 

 

 

[معلومات العضو الشكري]

الاخ / ابو عبد المحسن المسعري الله يعطيك

العافيه على التنبيه وتم التعديل والله لايهينك


واستسمحك وانا اخوك على التعديل على مشاركتك

وبارك الله فيك وابي منك السموحه طال عمرك

والسموحه منك يابو شايع على التعديل

بالنيابه عنك

والله يعطيكم العافيه

ومره ثانيه استسمحك

يابو شايع ( الهاجس )