طلب

[معلومات العضو السماوية]

السلام عليكم ورحمة الله وبركاته
لجواد سيرتم اتعز علينا يستاهلو كل الاقدار هديه لجواد ياامحلاهم سوا يخطروا ولاايجيك نباهم تسعدا وتهنا انكان جيت احذاهم وبيك يفرحوا وهم انتم

 

 

 

 

[معلومات العضو فهد الدهمش]

ما قصر اخوي (تركي الودعاني),,كفى ووفى


ولكن اريد اضيف القصيدة والرد جميعا

القصيدة للشاعر ::محمد بن ادريس ال دحيم الشكرة


عساه يمطر على الأفلاج والـوادي
أهل الوفاوالكـرم والجـود والهمّـه
وأسود نجد العذيّه روس الأجـوادي
دواسرٍ طيبهـم والله علـى الذمّـه
وأفعالهم بيّنـه مابيـن الأشهـادي
من جالهم في القسا صاروا بني عمّه
ومن زارهم في الرخا غنّى بالأجدادي
اللابة اللي علـى العـدوان ملتمّـه
بسيوف هنـدٍ تقاطـر دم وإحـدادي
ويالله طلبتك تغيث وتسقـي الأمّـه
وبل السحاب المرزّم فوق الأنجـادي
يالله طلبتك تغيـث وتكشـف الغمّـه
والختم صلّوا على مختارنا الهـادي





ومجاراة الشاعر::فراج بن فهــد ال تركي الشكرة



يامرحبـا بالقصيـد إمعانـق القمّـه
جواهـرٍ مانظمهـا كـلّ قـصّـادي
يامحمد ارحب وعطر القاف نشتمّـه
من بعد كيلو نشـم العـود والكـادي
هيّضتني(للحمر)والكـبـد منسـمّـه
من جاير الهـم والفرقـا والإبعـادي
من طيّب أصلك وطيب الراس والهمّه
يهزّك الشوق صوب الـدار وإتنـادي
والدوسري لوسكن في (جنيف)ماهمّه
ماهوب ينسى الربوع ودار الأجـدادي
يالله عساها مزون الوسـم ملتمّـه
خمسين ليله وهي بـرقٍ ورعّـادي
لين(المعيذر) يصكّ الجـال وإيدمّـه
(والباطن) إتعجرف أمواجه مع الوادي
هذي طراة الحيـاة ومطربـة الأمّـه
لاقامت اسيولهـا تلحـق وتـزدادي
تخضرّ عقب الدهر شعبانهـا الجمّـه
والذود يشبع بدون أعلاف وأنكـادي
يقولها اللي غلا الأفلاج فـي دمّـه..
يجري ولوكان حـدّه دونهـا حـادي
لاغبت عنها يضيق البال مـن همّـه
وإن جيت كل الليالي صارت أعيـادي


تحياتي,,