لا بد ما ترحـل وتقفـي مطايـاك

[معلومات العضو طلال بندر الهاجرى]

المشاركة الأصلية كتبت بواسطة الزين

من قصايد الشاعر مرشد البذال في الحكمـــــــــه

شف ماترى ياقلب واكتـم سـدودك=عن واحد ياخذ سـدودك ويشنـاك
خلك على الدنيا تعيـش بسعـودك=مالك غرض في عرف هذا وهذاك
علـى الخطايـا لاتقـوي جهـودك=العقل زين وسامـح اللـي تحـداك
ترى التسـرع بالخطـا مايـرودك=الا بفعـل يخلفـك عـن نوايـاك
لا تخلـي الشيطـان دايـم يقـودك=ان طعت راي ابليس للشيـن وداك
خلك من الدنيـا نظيـف جـدودك=محد لسانـه فـي غيابـك تقفـاك
وليا مشيت الحق واجـد شهـودك=وليا هرجت الحـق كـل توحـاك
لا بد مـن يـوم تقضـي حـدودك=لا تخلفك دنيـاك والموعـد هنـاك
خلك ليا قضيـت تذكـر عهـودك=لا بد ما ترحـل وتقفـي مطايـاك
خل الذي ينصـى محلـك يـرودك=اليا شكى غيـرك تذكـر سجايـاك
خـل الفهامـه والعدالـه تسـودك=وليا حكمت الحق لا تظلـم إعـداك
بعض المصالح للمعاصـي تقـودك=وبعض المصالح يشهدن في خطاياك

وسلامتكــــــــــم

الله يرحم الشاعرمرشدالبذال ويسكنه فسيح جناته ولاهنتي ياالزين علي النقل

الجميل والنصيحه الرايعه والمميزه تقبلي مروووري وتحيااااااتي لك مع جزيل الشكر

 

 

 

 

[معلومات العضو الزين]

المشاركة الأصلية كتبت بواسطة طلال بندر الهاجرى

الله يرحم الشاعرمرشدالبذال ويسكنه فسيح جناته ولاهنتي ياالزين علي النقل

الجميل والنصيحه الرايعه والمميزه تقبلي مروووري وتحيااااااتي لك مع جزيل الشكر

ومن قال مايهون وبيض الله وجهك على المرور والتعليق الطيب