سلام تسليم فيه بروق ورعود

**معلومات** **العضو** · 26-04-2009, 12:48 AM

هههههههههههههههههههه

ياسلام ياسلام

متابع من بعديد لاهنتو يالشعار

وصحت السنتكم على المحاوره

ولا يفوتني الشعراء المشاركين مدري هم في الصف ولا صارت المحاوره رباعيه

المسعري

سلام تسليم فيه بروق ورعود=وصواعقه تذهل عقول البريـة
إللي يبي درس بالمجان موجود=يقلط هنا دام نار الشعر حيـة

بدر ابن نايف

يامرحبا والجبل جلمود جلمود=ثابت امام البروق الموسميــــــــه
يالشاعر اللى تخلط البيض فالسود=الله يجيرك من اسباب المنيــه

المسعري

شين الحلايا وشين الحظ مقرود=أنا اشهد إنه غدا لقمـة هنيـة
يابدر ابن نايف الله يرحم العود=ماعندنا عزف عود وسمسميـة

بدرابن نايف

انا احسب انك تجيب الكسب والفود=واثرك ترنح علي روحه وجيـــــه
يالشاعر اللى تنقل كل منقود=خوفي عواريفنا تشره عليــــــــه

المسعري

كنت أحسبنك من أهل البن والعود=لا واحسافـة شقـار الشاذلـيـة
راع الحسا تمرته يمشي بها الدود=واهل الحسا تحسب إن مافيه زيه

بدر ابن نايف

يالشاعر اللى مع الشعار محدود=اقولها وانت مالك قابليـــــــه
الدرب دونك مع الاجود مسدود=منتا براعي ولا عندك رعيــــــه

المسعري

يعيش وسط البلد بنقـال وهنـود=واهل البلد ماتعـرف العنصريـة
يالراعي اللي حرم من خيرة الذود=مالومك إلـى سكبـت الهاشميـة

الله يعينا على فهم المعنى يالشعراء

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية