،،،،،،،بستان الشعر،،،،،

[معلومات العضو غلا نجد]

ظلم الغريب أهـون ولا ظلم الاقراب=لان الظليمه مـن قريـبـك مصيـبه
وعيب القريب اصعب من عيوب الاغراب=لان القريـب يعيبـك الـلـي يعيـبه
والله مايـذبـح طويلـيـن الاشناب=غير القريـب اللي طعـن فـي قريبـه!

 

 

 

 

[معلومات العضو غلا نجد]

مـالي بـها الــدنيــا سـوى عــزة النفــس = ولا يفيـد مــال ما به كـرامه
تــشـرح لـنـا الـدنيــا بكـل تجربه درس =والـحر مـا يـرى بـغيــر الشـهامه
والـحق نيـر فـي وضــوحه كما الشمس =ابــدا ولا تحـجبــه ظللة غـمامه
والـناس في الـدنيا كما الاصبع الخمـس =حــد صقر فـــيها وحــد حــمامــه
وحـد كـريم النـفس مــا يعـبد الفـلس =وحـد يـولي المـال كـل اهـتمامه
لا يـغرك المـظهـــر ولا يغرك الملـبس = انظر الـى الجـوهــر وخل الهمـامه
واحـذر من الــساكت يلـي يـكتم الحـس =ولا تخـاف من الي همـته في كـلامه
والنـاس تتـفاوت مـن الــجنـس للجـنس = واتـرا اللـسان زمـامه والـزم زمــامه
وان كـنت متـسرع وتتـبع هـوى الننفس = لا شك ما بتنـال غــير النــدامــه

 

 

 

 

[معلومات العضو غلا نجد]

مايموت الشوق واغصانه نديه=ولايموت اسمٍ يهذري به لساني
يشهد الله كل ماتطري عليه=تسرح افكاري وأعيش بجو ثاني
سامح الله وجهها ميته وحيه=وسامح الله قلب أطيعه ويعصاني
كثر مازادت على الكيه بكيه=كثر مغليها على قاصي وداني
كثر ماتتلى الخطيه بالخطيه=كثر ما اعذرها وتحظنها المحاني
عشمتني لين قلت الحب هيه=وضيعتني لين ضعيني مكاني
أتاثر من هديل الراعبيه=واتأثر من "زماني يازماني"
والهوى ملعون ابوه وحي حيه=لو أنكس هامتي زلزل كياني
يافقير الحب أنا نفسي غنيه=والغلا في خافقي رمز ومعاني
كم هنوفٍ قبلت ظاهر يديه=وخطبت ودي ورغبت في حناني
وأتقافا في غرور وعنجهيه=ماتهز اركان ثقلي وأتزاني
الا (.....) جيتها كلي هديه=والهوى مابين وردي وارجواني
أبدويٍ هام في حب بدويه=ومن رداة الحظ ماكسب الرهاني
لين صفى لاشداد ولامطيه=عودت عشر الهوى تسع وثماني
وين قيس وفين ليلى العامريه؟=يالحبيب اللي شريته ماشراني
أحسب أنك في هجير الصيف فيه=وأحسب أنك قبل مانغرق مواني
ياحسايف يامزون العقربيه=يوم هلت حب واشواق وتفاني
وسقت فنجال الغلا من شاذليه=وأنكسر في يدك والخوف أعتراني
لاحت الفرقا وأنا عندي وصيه=اسمعيها كان لك قلب وأذاني
أحفظي حق المرابيط القويه=ولك شكري ولك ودي وأمتناني

 

 

 

 

[معلومات العضو غلا نجد]

لولا اني اغليك يالي كنـت تغلينـي=ماكان روحي سرت بالشوق باسبابك
ولولا المحبه حبيبـي مـا تلاقينـي=سكنت بين الجفون ورعشه اهدابك
تسكن حبيبي بوسط العين ياعينـي=شوفي دموعي تفوح بريحت اطيابك
اسمك رسمته بقلبي مع شرايينـي=والبس غرامك مثل ماتلبس ثيابـك
حبي سكن فيك حبك ساكنـاً فينـي=حبك ملكني وحبي كيـف سووابـك
سمعي يردد كلامـك لـو تحاكينـي=بموت منكم غلا وان جيت بحيابـك
رعشه يدينك تشابه رعشه يدينـي=قفلت بيبان صـدري قفـل ابوابـك
حلمـك سكنتـه ازورك ماتحاكينـي=وحلمي سكنته تجيني دوم و صحابك
مير البلا والمسافـه بينـك وبينـي=متى على الله تجينـي واتحفوابـك
اجيك وصافحك وتشوف وش فينـي=وانته تجيني واقلب صفحـه كتابـك
لايابعـد روح روحـي لا تجافينـي=لولا غرامك تراني ماحسب حسابك
كم واحداً بالهـوى دايـم ينادينـي=وانا ولا كني ادريبه مـن اسبابـك