اكتب اسم شاعر واللي بعدك يكتب قصيده له

[معلومات العضو لاد زايد]

يستانس الشاعرعلى شبـة النـار
ضو(ن) عليهـا كاسبيـن النفيلـه

جات السوالف مثل وراد واصـدار
مثل الدلي فـوق القليـب الطويلـه

سوالف الرجبان هل قـب الامهـار
اهل المزيـن والسيـوف الصقيلـه

وآلاد ابن مسعر وهم سقم الاشـرار
من علقوا بالشلـف وآعزتـي لـه

مساعره نطاحـة الهـوش لا ثـار
كـم طلقـو فـي ورودهـم حليلـه

لاشالو الريشه مع الصبـح لانظـار
كـم حلـة ٍ حطـوا عليهـا دبيلـه

مثل الذي جاهـم وساقتـه الاقـدار
علـى الجفيـر الله يضيـع دليلـه

وآلاد حسن من دون حسكات الاوبار
يـروون حـد مشرخـات صقيلـه

الى اعتلوا مثل الوضيحي الـى ذار
لاعـود الصيـاح يومـي بشليلـه

يردون بهم حوض المنايا الى ثـار
من طاح بالميـدان ماحـد يشيلـه

ذيدانهم في الخوف ترعى بلا جـار
يقتل وراها من الجـوازي جميلـه

ان اشملت يرعى بها نبت الاقفـار
وان جنبت ترعى مظامـي طويلـه

كم واحد حطوا على كبـده امـرار
ومركاضهم يبـري الكبـود الغليلـه




الشاعر المطلوب الخفي عن الاعلام

سلطان بن محمد بن مطلقة

وعسى الله يقوم والده بالسلامه