خالد بن مدعث

[معلومات العضو شافي القويسي المخاريم]

يقول ( خالد ) : فالهوى شاف ما شاف = شاف المناكر كلها فالهوى شوف
أنا احسب ان الحب وقفه ومنكاف = اثره مثل ضرب الخناجر على الجوف !
يا كم صيحه صحتها فوق مشراف = صحية جلاوي مونس ٍ ديرة الخوف
حب ٍ يا ( ابو مدعث ) على ماااش ينعاف = هاذي ثلاث سنين والقلب مخطوف
ياما صبرنا والصبر سم ٍ ازعاف = يالله عسى صبر ٍ صبرناه مخلوف
لو كنت في دنياك تسعى وتطّاف = تجيب لك عجلات الايام صادوف
ترى المثل قد قال : الأيام زلاّف = ( والعمر ينقص وآخر الوقت ملفوف )
والي بتاخذ معك في قبرك الحاف = ولا ينفعك دمع ٍ على الخد مذروف
نبغى مع الجواد سجّه و محراف = اللي هواهم مودع القلب معسوف
اليا ذكرته .. يخطف القلب خطّاف = واليا نسيته .. صرت لا اسمع ولا اشوف
حبه حكم قلبي مثل حكم ( الاشراف ) = مامنه لا رحمه ,, ولامنه معروف
يا مسندي جاني من الشوق خفخاف = خفخف بقلبي خف واصبحت مخفوف
ابوجديل ٍ .. منثني فوق الأكتاف = والعنق .. عنق ابنية ٍ قادت اخشوف
والخد .. براق ٍ سرى الليل كشّاف = ضوح القمر من لمعة الخد مكسوووف !!
ومبيسم ٍ .. فيه البَرَد بيض وارهاف = كن العسل بين المراهيف مغروف
والعين .. نجلاء ، والهدب .. سود عكّاف = كن العيون بوسطها ارماح واسيوف
والخشم .. خنجر هند في ضربه اسراف = ومقرن حجاجينه .. بها الموت مردوف !!
متعزل ٍ صدره وخصره والارداف = مليان عوده ظامر الخصر ملهوف
زين النبا مايوصفه كل وصّاف = ( الله لا يظهره لعيون ملقووووف )