قصة الشاعر والفارس مهمل المهادي

[معلومات العضو عبدالله العثمان]

السلام عليكم
تقبل مروري وناخوك
لكن حسب ماسمعت أنا إن له كماله
والي هي :إن السبيعي يوم انه سمع هالكلام فهمها وراح يم اعياله ..يوم انه وصل يم اعياله انفرد بولده الكبير ..وقاله أنت فيك مالا فيك ..القحطاني عنده بنت(ن)تقطع القلب ولو أنا بعمرك كان فعلت به وفعلت ..الولد انهبل من كلام ابوه وقال:عيب ..وشلون تقول هالكلام يايبه وهذا رفيقك ومضيفك سنين ..قال:إيه زين
راح وجاب ولده الاوسط... وقاله مثل ماقال للكبير وصار الرد مثل الكبير بعد..ايه امير يجيب الصيغير ويقوله مثل ماقال لاخوته :لو أنا منك كان فعت وتركت ..قال:يايبه لو أنت صابر(ن)يوم(ن)واحد كان علوم قال:ولدي ..يوم انه اقفى امير يسل عليه السيف ويطخه الاوه فاصل(ن)راسه عن باقي جسمه
راح وعلم اهله بالسالفة وعطى راس الولد الصغير للولد الكبير وقال رح عطه رفيقي القحطاني ..راح الولد يوم انه وصل القحطاني وعطاه الراس واستاذن يمشي عيا عليه يروح ..وارسل لأبوه :تجي ولا ذبحت ولدك.
جاء العسبيعي على ان ولده مسجون ولاشي يوم انه وصل ولا ولده قاعد(ن)يتقهوى مع القحطاني ولاوه متملك من بنت السبيعي ..وانتهت القصة بزواج ولد السبيعي على بنت القحطاني

تقبل مشاركتي <<وإن كانت الاولى لي في هذا المنتدى الرائع