تكفا وتكفـا ماتسـاق لمهابيـل

[معلومات العضو المهلب]

المشاركة الأصلية كتبت بواسطة ابوبادي المنداع

°o.°*~][تكــفى].~* °o°°.
.
((تكفى ترى تكفى تهز الرجاجيل))
.
اما لطمنا العيل والا الطم العيـل
................مادام شب النار منـدوب الاطفـا
::
من ذاق حر القايله يعشق الليـل
................ومن شب ضوه ليلة البرد يدفـا
::
امسيت في جيلٍ ولاهوب ذالجيل
................واصبحت والا ديرتي شبه منفـا
::
واللي حما بيته بطيـرن ابابيـل
................ماجيت ادور كل من صـد وقفـا
::
ولاجيت ابشحذ يانما دلّه وهيـل
................جيتك وجرح الظلم غاديه يشفـا
::
جيتك بكلمه كنها صعقة الويـل
................ان قلت تكفـا لاتهـاون بتكفـا
::
تكفا تراها كلمـةٍ تقطـم الحيـل
................لابالله الا تنسـف الحيـل نسفـا
::
تكفا ترا تكفا لها هـدرة السيـل
................في صدر حرٍ ينتف الطيب نتفـا
::
تكفا ترا تكفا لها تسّرج الخيـل
................ان كان لك في مجمع الخيل عسفا
::
تكفا تراني من قـرومٍ مشاكيـل
................حماية الساقـه بسيـفٍ وشلفـا
::
تكفا وتكفـا ماتسـاق لمهابيـل
................تكفا تخلّي القـرم لاشٍ وهطفـا

تكفى ترى تكفى تهز الرجاجيل
................لولا ضروف الوقت ماقلت تكفى


الشاعر/ محمد الدحيمي

أخوي الكريم / ابو بادي المنداع ,,,,,,بيض الله وجهك على إيراد هذه القصيده الأكثر من رائعه , وفي الحقيقه أنا كنت أسأل عن قائلها وأشكرك على تعريفي به ,وعزالله أنها هزتني ذا الأبيات وخلتني أعلق عليها من جزالتها , والجزل مايجيبه إلا الجزل مثلك وشرواك ,,,,,,وتقبل شكري وتقديري ,,,,أخوك / المهلب .