وقعـه بين الدواسر وال مره

[معلومات العضو نايف الخييلي]

المشاركة الأصلية كتبت بواسطة ابوحاجوووونه

اخوي نايف الخييلي مساك الله بالف خير

ولاهنت على ايراد مثل هذه القصص ولكن المطلوب منك

وشرواك التأكد عند رواية القصة فمثل هذه القصه سبق ان اوردتها

في منتديات السليل بصيغه فيها تغيير لبعض الاسامي وهو انك اسميتها هناك

بوقعة السيالي وهذ اسمها الحقيقي ,,,, اما هنا في منتديات الدواسر لم تسميها بوقعة السيالي ,,,, وقد قام بالرد عليك العضو النحاوي ,,, وهو الشاعر والراوي

مسعود بن سعد المقابلة لتوضيح الحقيقة ,,,,,,,,, وإليكم الرواية الاولى
--------------------------------------------------------------------------------

الخييلي

غزو آل مره على الدواسر في ضواحي الخرج في منطقة السيالي وسمية بغزوت السيالي .. وخذوا آل مره أبل الفرجان من الدواسر ، واقفو بها عيال يام ، ولحقت بفزعت الخييلات وعددهم واحد وعشرين خيال بقيادة أمير الخييلات مدعث أبن فلاح بن جريس ..
وفكو أبل الفرجان من الغزاه .. وقال شاعر المعركة :


كم عقيدٍ ماخذيناه في غره *** سقيناه في وضح النهار أمرار

نفسه عسيفاً طوعتها لابتي *** وخلوه مطروحاً على راس زبار

من فوق سابقه عكرز على وجهه *** ومن فعلنا ثوبه غشاه حمار

بعلطٍ نوردها أكبود أعدانا *** وحدباً تقصر في طويلين الأعمار

لعيون من صاحت في صلب جدها *** ومن شالت من بيض الخدود أخمار

لعيون فطس الخشوم الشمخ *** كم راس باغٍ من كتوفه طار

ردينا للفرجان تسعين ناقة *** سوداً لها عند الرجال وقار

وخذنا القلايع من نوادر ربعه *** وعود ماكنه في نهاره غار

لاد الخييلي من سلايل تغلب *** وانا أحمد الله مالنا عندهم ثار


رد العضو النحاوي (مسعود)

اخوي الخييلي
شكراً على اجتهادك في خدمة تاريخ ربعك والدواسر بشكل عام
اوردت ان الخييلات لحقوا ابل الفرجان وردوها من ال مره
وقمت بتهميش دور الفرجان الا اذاكانت هذه الحقيقه في نظرك

عندي بعض الأستفسارات
اولاً:اين الفرجان يوم اخذت ابلهم
هل هم غائبون وهذا اهون...!؟ الغائب حجته معه.
ام موجودين ولم يفعلوا شي ...ياأخي قبيله من اكبر قبائل الدواسر محاده لقبائل يام
وقبائل المشرق والصيعر والكرب والدهم على مدا قرون وتوخذ ابلهم وهم حاظرون جميعاً
ولم يفعلوا شي يستحق الذكر.............خاف الله

اين جيش آل مره وسلاحهم والمنعى هل هم عند الخييلات.....!؟
انا لا أقول في الخييلات الا ونعم
ولا نردك من مدح بني عمك... ولاكن ليس على حساب الأخرين.
والقصه هي كالأتي:
غزوا قوم من ال مره على ابل الفرجان واخذوها وصاح الصائح ولحقوهم الفزاع

الخظران وفزعتهم من جبليه وقتل منهم رجال وعلى راسهم الشيخ شثين بن نايف اميرهم ((والنار ماتحرق الا من يصاليها)) وقيل انهم اول من لحق من الفزاع
والهواشله وقد ابلو بلاً حس(( وصار منع آل مره عندهم وبالأخص عبيد بن مطلق الحراكين رعى العلبى وهو على فرس بن شافي اميرهم))وعندهم منع السلاح والجيش والرجال
والصخابره وكان معهم خمسة عشر رجل من الخييلات موردينهم الصخابره على ماهم ابوحميض
وآل مانع وفزعتهم من الضبيبيه
وفكوا الأبل اهلها
وقصد شاعر آل مره قصيده منها هذا البيت

فرد عليه محمدبن شليل المقابله الفرجان

*كانوا آل مره على صلح والصلح ينتهي في اعراف العرب بغزوا احد الأطرف على الثاني
وكان قصد المري ان يقوم ابن شافي برد الهجن والسلاح الذي عنده
وهذي سلوم عند العرب قديمأ يتبعونها اذا كان الطرف الأول على النقى

وتقبلوا تحياتي اخوكم/مسعود بن سعد الدوسري
النحاوي@

اخوك ابو حاجوووونه

بسم الله الرحمن الرحيم

اولاً : حياك الله يابو حاجونه واشكرك على ردك وليسمح لي الاخوان اللي سبقوك بالرد
اني برد عليك قبلهم وذلك للتوضيح , وأحيك وأحيي الاستاذ مسعود المقيبلي

ثانياً : ياطويل العمر اللى كتب الموضوع بمنتديات السليل ليس انا ( والله الشاهد ) . خييلي ولكن ماهوب انا

ثالثاً : انا أعلم بالاخلاف في الروايات وانا عندما كتبت هذه الوقعه لم أذكر السيالي لا من قريب ولا من بعيد

فالاخ القدير مسعود المقيبلي يذكر وقعه السيالي كما أوردتها انت نقلاً عنه ( وفي الحقيقه انا أتفق معه نوعاً ما ) لكن هذه السالفه انا اشوف انها مهيب السيالي
فالخييلات عندما يذكرون هذه السالفه يذكرونها بأنها السيالي وهذا غير الصحيح (
بوجهه نظري ) ولعل السبب لذكرهم اياها بأنها السيالي بنظري انها مع الفرجان ضد
ال مره . لكن هذي الوقعه والقصيده اللى أوردتها معها لم يذكر فيها لا السيالي ولا ذكر فيها الشيوخ اللى قتلوا في السيالي .

وممكن انك تقول وش الدليل على سالفتك ذي فقولك القصيد هو أصدق الشواهد فالمعارك وانت تعلم ذلك أكيد , فالشاهد على هذه الوقعه هو القصيده اللى قالها الفارس حليس بن هجاج وهو احد الحاضرين فيها , بينما السيالي سالفه ثانيه


يعني بإختصار ياأخوي ابو حاجونه (( كل الروايتان صحيحه ولكن وحده منهن عن وقعه السيالي - اللى ذكرها مسعود - والاخرى صحيحه ولكنها ليست السيالي )) ولذا لم أكتب اسم الوقعه بالسيالي, هذا ماتوصلت اليه من خلال أسئلتي لمن لديهم العلم

ومن حقك ياخوي الكريم انك تبدي رأيك وتنفي ان هذه الوقعه ليست السيالي الشهيره
لكن لا يحق لك تكذيب هذه الوقعه المستشهده بالقصيده بسبب ان البعض ذكرها بوقعه السيالي .


وبالنهايه على مايقولون الاختلاف بالرأي لا يفسد للود قضيه . فممكن نختلف انا وياك بالاراء , لكن كلن يبدي مع رأيه شواهد تسند مايقول وفوق ذا كله يظل الاحترام موجود .... وحياك الله يابن العم ولك ولخوي الكبير مسعود المقيبلي كل التقدير والاحترام