الـشـكــرة

[معلومات العضو سالم بن صمهود]

في ليلة(ن) من ليـال العمـر مذكـوره
ليلـه سطـع بدرهـا وأنـور محياهـا
وقفـت محتـار والابيـات منـثـورة
قصيدة(ن) في غلاكـم كيـف بابداهـا؟
لـو كنتنـا فالمحافـل مـاخـذن دوره
مقامكـم يعجـز الشـعـار وامـلاهـا
سقت القدم منتشي من (دار أخو نوره)
مع ربعـي اللـي يشرفنـي مخاواهـا
لحفلة رجال(ن) بفعل الطيب مشهـوره
(آلا شكرن) عسى أهل الـدون تفداهـا
سـلام ياعـزوة(ن) بالعـز مذكـوره
من يوم وقت الجهل مايقـرب إحماهـا
لاجا نهـارن بـه الابطـال مذعـوره
يتلون شيخ(ن) على الجزلات ضرّاهـا
من ماضي الوقت (وابن حفيظ) له دوره
شيخ(ن) يقود الجموع ويتعب اخطاهـا
ياما تعشت طيور الجـو مـن سـوره
مع لابة(ن) ترهـب الفرّيـس لقياهـا
وحنا لهم في نهـارن تكثـر شـروره
لامن عوى ذيب حولـه يكثـر عواهـا
دواسـر(ن) دوّن التاريـخ بسـطـوره
أمجادنا اللـي علـى وجهـه كتبناهـا
وقول(ن) بليا دليل تبيـن بـه عـوره
واهل الحكايا مهيـب تطـول بحكاهـا
(وسم العصا) صفحة(ن) بالمجد منشوره
و إلها الفخر دام حنـا اللـي نشرناهـا
لامن زبنّا دخيـل(ن) يشتكـي جـوره
عصـاه تمّـن إلـى منّـا وسمنـاهـا
تشوفـه عـداه لـوّ تمـوت مقهـوره
من دونه (الوسم) و (أهل الوسم) عدّاها
ومادام (بعض السوالف) ذكرها عـوره
(حنا هـل الوسـم) بأولهـا وباتلاهـا

نايف ابن مسرع صح الله لسانك وبيض الله وجهك والاد شكر يستاهلون وزود

 

 

 

 

[معلومات العضو نايف بن مسرع]

المشاركة الأصلية كتبت بواسطة سالم بن صمهود

نايف ابن مسرع صح الله لسانك وبيض الله وجهك والاد شكر يستاهلون وزود

صح بدنك يابو فيصل ووجهك أبيض

شكراً لمرورك