أقسم بالله أن هالقصيده أعجبتني ماهو على شان شاعرتها حرمه
لكن لتسلسل فكرتها وقوتها وشموخ وعزة الشاعره
تقول الشاعره
الحمد لله والثنـاء عالـي الشـان
على جميع أفضاله اللـي عطانـي
بنت الضمين ومن مثيل ابن بدران
عامر يعرفه كل قاصـي ودانـي
شيخ يعز أوطان ويدمـر أوطـان
نجم لمـع كنـه سهيـل اليمانـي
ما به مثل جدانـي أظـن جـدان
وأمجاد جدانـي لقولـي ضمانـي
أفخر بهم رغم أنف علان وفـلان
وارقى العلا ماأنزل لدرب الطماني
وابـوي شيـال الثقيلـه بليـهـان
ويفك كربه كل مـن جـاه عانـي
والشكر لله أخواني ونعم الاخـوان
وكلي فخر يوم أنتخي في اخواني
لو عذربونا اللي لنا العام رعيـان
كلامهـم ماهيـب تسمعـه آذانـي
راسي رفيع بين ذربيـن الأيمـان
مطلوبي يجيني وانا فـي مكانـي
واصفح لوجه الله عن كل غلطـان
واقـدر الطيّـب إذا إنـه نخانـي
وأجازي اللي يفعل إحسان بإحسان
والصدق هو طبعي ومنطق لساني
ولا أبهت انسان لجل خاطر انسان
لو أبغي أجامل ضميري عصانـي
واحفظ كتاب الله مع خمس الأركان
وارجي إلآهي من الظلال يحماني
وقت الفراغ اقرى لي آيات قـرآن
واحرم اللي عنـه دينـي نهانـي
==================================
وأنا أقول ونعم وأقول قصيدتك بجد طررررررررررررررريبه
وانا اقول الله يعطيك العافية علا هالنقل الموفق والله يصح لسانك ولسان شاعرة هالابيات العجيب
وتقبل تحياتي انت والجميع
27-09-2007, 10:41 AM
رد: قصيدة حرمه عن ألفين قصيدة رجال
العرض المتطور
المواضيع المتشابهه
