جريدة الرياض :قصيدة في شيخ الدواسر اختلف الرواة في شاعرها

[معلومات العضو خصيم نفسه]

القصيدة مثل ماسمعتها من شيبان أنها لبني هلال

 

 

 

 

[معلومات العضو عبدالله البجاد]

بدران لك كل الشكر

وللاخ الحافي ولكونه اورد قصيده بن بدران وهي غير مكتمله

لكم القصيده كامله

يقول ابن بدران مسقي حريبه=مرٍ على كبده تزايد وقايده
يقول ابن بدران مقدي مثايله=مثايله فيها قريع وعايدة
كب الغييثي يا المنيعي وخلهم=ترى حربهم ما ينلقي منه فايدة
يزيد الفتى الرجال في مطلب العلا=ولا طرد هزلات المعاني بزايدة
مجاهيل حرب من صهيب بن زايد=لا اشتد مجهوده تلقوا لكايده
سواقة المظهور من يمة العدا=حريبهم منهم كبار غدايده
كم هجمة من ضدهم زوعوا بها=وجا الحول ما جمع بقايا رفايدة
يتلون زيزوم السرايافويرس=اللي على الاعدا كبارً نكايده
مايذبح الا الحيل من شمخ الذرا=ولاكبرن بيض العذارا وسايده
أقول ذا وأنا على سرج عندل=مبرية الذرعان بالفعل زايده
عريضة الهامة طويلٍ معنها=ماهيب عن عركات الأبطال حايده
باقفاية الفرسان للطعن تنثني=وباقبالة الفرسان للخيل زابده
عليها فتى مااهتز قلبه من العدى=شلفاه لبطال المناعير ذابده
شكوا ضربها لشراف في حومة الوغى=مضاريبها بنحور الأبطال جايده
حريبنا نسقيه كاس من الطنا=وبالعيد في شهب النواصي نعايده
وصديقنا يستر قلبه بقربنا=ونعطيه من لعراف ماكان رايده
حريبنا يشكي مضارب اطعوننا=على شمخ الأعناق تزهى قلايده
ودخيلنا يلقى الذرى في بيوتنا=لنا الناس بالمعروف والفعل شايده
وحريبنايلقى العنا عقب حربنا=نوريه بظهور السبايا زهايده
وصديقنا والجار نجزيه بالرضا=مايزعله حي ولا أحدٍ بسايده
وديارنا ماهيب دارٍ لغيرنا=كم صايدٍ من دونها الرمح صايده
نسعى بدنيانا نبي طيبة الثنا=وأيامنا تبق والأعمار بايده

الغييثي يقصد الغييثات
المنيعي يقصد المخاريم

قصيدة صلح بين المخاريم وابناء عمهم الغييثات
عند مانشب بينهم حرب انتهى بالصلح
على يد عامر بن بدران

 

 

 

 

[معلومات العضو بدران البدراني]

المشاركة الأصلية كتبت بواسطة أبـو سـلـيـط

القصيده وسالفتها معروفه من دون توضيح جرايد وباحثين ،،،،

ولكن نشكر الباحث سعد الحافي ولا يصح الا الصحيح

ياهلا بك

وشاكر لمرورك

تقبل تحياتي

 

 

 

 

[معلومات العضو الوجدي]

بيض الله وجهك وجه كل المشاركين واكثر من امثالكم وانتو فخر لنا لما تبذلونه من جهد لاثبات الحقائق وتزويد الاخوه قليلي الخبره بالموروث بمعلومات تهمهم ------- تحياتي

 

 

 

 

[معلومات العضو البدراني القصيمي]

بيض الله وجهك يابدران البدراني

 

 

 

 

[معلومات العضو ابن حنيش الودعاني]

كفوووووو امير الدواسر عامر بن بدران
ولا هنت على ايراد الخبر

 

 

 

 

[معلومات العضو فرحان فهد ال فرحان]

اشكرك على هالنقل المفيد للباحث عن التاريخ وخاصه من صغار السن للاطلاع على تاريخ القبيله ومعرفه الكثير عن رؤؤسها

اخوي بدرن هالموضوع يوجد به فايروسات لعلها في احد التواقيع انا الكاسر شغال من يوم افتح هالموضوع ولا ادري وش السبب

 

 

 

 

[معلومات العضو سلطانس]

بيض الله وجهك

 

 

 

 

[معلومات العضو عبدالله الفاران]

الله لايهينك

 

 

 

 

[معلومات العضو متعب الشكري]

بيض الله وجهك