الـــدواســــر

[معلومات العضو نازع الود]

صح لسانك يابن دهيم

وبيض الله وجهك يالذيب

 

 

 

 

[معلومات العضو نايف بن مسرع]

المشاركة الأصلية كتبت بواسطة ناصر بن دهيم

السلام عليكم ورحمة الله وبركاته

اخــواني وأخواني أعضاء مــوقع الــدواسر الرسمي

شي يشـــــــرف ويثلــج الصدر صراحــــــــه

هــذا النجــاح البــاهر والانجازات العملاقه لهــذا المنتدى الغالــي علينا كلنا وربي تعجز الكلمات عن التعبير لهذا الصرح الكبير ، وانا والله معكم قلبا ً وقالبا ً واعتذر منكم عن قلة مشاركتي بسبب ظروف الدراسه وغيرها لكني دائما معكم ومتابع لنجاحاتكم المتواصله ، واحب اشكر كل القائمين على الموقع وعلى رأسهم ابن عمي الغالي ابومبارك هايف العماني ، ولا يفوتني ان اشكر ابن عمي صالح الجعيدي على متابعته الدائمه لجميع قصائدي ونقلها للموقع واقول تسلم يابعد راسي .


جديدي وحصريا هالقصيده سجلتها خصيصا ً لمنتدى الدواسر الرسمي .....وهي تحمل اسم غالي علينا جميعا (الــدواســر):

يا صاحبي كان تبغى الطيب وأمجاده = عندك تواريخ ربعي ترثة أجدادي
تلقى نجوم المعزّه دوم وقّاده =(دواسر ٍ) طيبهم في النّاس يزدادي
في الابل خذينا السنام وفوقه اشداده= وفي القاع روّح من العارض الى الوادي
ان كان للطيب ساده ..ربعي اسياده =صبيّنا لاطلع ماهوب ينقادي
رباني اللي غلاهم داخل فؤاده = من كثر ماهو عشقهم صاروا فؤادي
سلّم عليهم عدد برقّه ورعّاده = سلام ٍ اطيب من الهتّان والكّادي
بلّغ سلامي لهم والكل في بلاده = من شاعر ٍ لاكتب ماهوب قصّادي
من دون ربعي قصيدي ماله ازياده = لو اجمع ابداع شعري دونهم ..عادي
فأنـّا هل العز والشيخه لنا عاده = آلاد زايد هل الطالات من بادي
دخلينا لازبن يكبّر وساده = حنا زبون الجلاوي درع واسنادي
على الجزيرة لنا اسم ثبّت اوتاده =أفعال ربعي عمى من كان حسّادي
من سد مآرب تركنا الملك ياساده!! = ملوك في كل أرض وجوّنا هادي
كل ٍ على دارنا ايده على ازناده = من فضل ربي رخا والناس في اطرادي
من قبل مبعوث رب الكون لعباده = تاريخ ثابت قبل تاريخ بغدادي
في الناس حسّاده وفي النّاس نقاده = انا دخيل الولي من ظلم الأجوادي
غيري يصدّر ولا يدري بميراده = من قبل اصدّر اعرف شلون ميرادي
لاشفت وضحا ً عليها (هلال وقلاده) = وسم الغياثات لامن جاك نشّادي
ياعزوتي ياجروح الموت واضماده = ما خبر منّا ذليل ولا خبر غادي
ردوا سلامي على (ابن قويد) وأحفاده = اني لهم شاعر ٍ في كل ميعادي
قصيدة ٍ في (الدواسر) جات منقاده = كتبتها في الكويت ورّحب الوادي

وسلامـــــــــتكم / ناصر بن محمد بن دهيم الدوسري

صح لسانك ياناصر بن دهيم مثل ماقلت ( من الكويت إلى الوادي )

وسلمت اليمين التي خطت لنا هذه الرائعة

ناصر: أنت مطالب بالتواجد بيننا أكثر ، فلاتحرمنا من حضورك الجميل

تقبل ودي وتقديري ،،،

 

 

 

 

[معلومات العضو خيل البويضا]

بيض الله وجهك يابن دهيم

وقصيدتن جزلة من شاعر فحل

 

 

 

 

[معلومات العضو ابوعبدالعزيز]

صح لسانك يابن دهيم عز الله كايفه القصيده

منور البارح في قناة نجوم

والله يعز العزوه الدوسريه

 

 

 

 

[معلومات العضو ثامر الدوسري]

لا هنت يا ابن دهيم وصح الله لسانك ....

يا جماعه الخيرر وش ذا التعليقه ؟؟؟؟

كيف الواحد ما يمديه يحملها ؟؟؟

طلبه يا الربع واحد منا يطق صدره ويخينا نقدر نحملها

تحياتي لكم اخوكم : ثامر الدوسري

 

 

 

 

[معلومات العضو آل شجاع الدوسري]

فأنّا هـل العـز والشيخـه لنـا عـاده آلاد زايـد هـل الطـالات مـن بـادي

صح لساااااااااااااااااااااااااااااااااااااااااااااااا ااانك



ااااااااااااااانا اشهد



قصيدة جزلة من شاعر جزل




مشكور على القصيدة الرائعة

 

 

 

 

[معلومات العضو منصور العيد]

بيض الله وجهك يابني عمي ارررررررررررررررررررررررررررررحب وصح لسانك

 

 

 

 

[معلومات العضو محمد عفاس الغييثي]

ياسلام يابو محمد


صح السانك واعتلا شانك

قصيدة وافيه من شاعر جزل ورائع

تقبل تحياتي

 

 

 

 

[معلومات العضو الشقرديه]

ماشاء الله تبارك الله قصيده رائعه تسلم على الانجازالجميل

 

 

 

 

[معلومات العضو ابو زابن المسعري]

ارررررررحب ملايين يابو دهــيـــم
صح لسانك قصيده أكثر من رائعه
بأنتظار جديدك من القصائد الرائعه
لك جزيل الشكر
اخوووك
ابو زابن

 

 

 

 

[معلومات العضو كحيلان]

صـح لسانك وبيض الله وجهــك على القصيـدهـ الجـزلـه ..

 

 

 

 

[معلومات العضو نور القمر]

اولا اهلا وسهلا فيك اخوي في المنتدي الدواسر و بين اعيال عمك
والله يوفق كل الي يدرسون
وصح لسانك على القصيده الرائعه
وبيض الله وجهك
وبأنتظار جديدك

أختك نور القمر

 

 

 

 

[معلومات العضو المرثيه]

صح لسآنك ولاهنت

قصيده جزله

والبيت هذا ابدعت فيه

لاشفت وضحا ً عليها (هـلال وقـلاده) وسم الغياثـات لامـن جـاك نشّـادي

 

 

 

 

[معلومات العضو المرثيه]

اخوي لاهنت ياليت برابط القصيده ابيها حفظها على الجهاز

 

 

 

 

[معلومات العضو ولد ودعان]

بيض الله وجهك يالغالي على القصايد الطيبه

وعسالك على القوه

اخوك ولد ودعان