إفتراء على ان العمور والخييلات والحقبان والمشاويه ليسوا من الدواسر

[معلومات العضو فيصل بن جزاء]

فهي معروفة مدونه موثقة ومنحوته من قبل ان يظهر علينا
مراسيل الماسونية والصهيونيه والابحاث الاستراتيجية والمخابرات الدولية


الاخ وابن العم/ خالد الحقباني

لاهنت على هذه الكلمات وبيض الله وجهك

تقبل تقديري واحترامي

 

 

 

 

[معلومات العضو مترك المشوي]

قال العصيمي انت من أيه النـاس
اصلك وفصلك انـت بايـة قبيلـه
قلت احتر المردود باكر بقرطـاس
بعطيـك ردي وافـي فـي مكيلـه
حنا بني تغلب بوايـل لنـا سـاس
أهـل العلـوم الطيبـه والجميلـه
من عصر ابن كلثوم والناس تحتاس
لا قيل تغلب جـات حـزة رحيلـه
والزير سجل باالتواريـخ نبـراس
للتغلبـي والوايلـي مـن طويلـه
وكليب ذيب الحرب لاشم مقبـاس
مقباس حرب قـام شـب الفتيلـه
وان كان تبغى علم بقريب السـاس
اللي بتغلب تلتحـم بـه تجـي لـه
حنا عددنا جاك ياالذيـب بخمـاس
خمسـة قبايـل تغلبيـه اصيـلـه
لاد العياضي لاغدا الريـق يبـاس
ترسي وتحـري باالعلـوم المهيلـه
يشهد لهـم هيـة ملاقـاة عفـاس
يومه هـوى محـد تبـرع يشيلـه
يومن*ابوليلى غدا لـه تغطـراس
مايدري ان الـزود يـرث بديلـه
ولاد الحبيبي موقفه يـوم الادواس
واضح كمـا البـراق كـل يخيلـه
قاسين علقـم للعدويـن الانجـاس
حلويـن سمـن للخـوي والقبيلـه
متعودين في اللقـا قطعـة الـراس
بسيـوف بتـارة طويلـه صقيلـه
وانبيك بطليفح ذيب علـى سـاس
ذباح ابن عبود مـن فـوق خيلـه
يومه على الفنجال من بدت النـاس
شربـه ولا هابـه سبـق للنفيلـه
وعمور لامنه غدا الفكـر محتـاس
يرسون مايرضون غيـر البديلـه
الضد لامـن زارهـم دوم ينـداس
يرجع يجر العـار ويـا الرذيلـه
واما الخييلي بيـن حـر وقرنـاس
كل ابلج يحـري بـذب الطويلـه
افعالهـم عـز لنـا راس نومـاس
وافعالهـم تنشـاف وقـت الدبيلـه
والمشوي اللي له على قب الافراس
صوله وجوله باالضحـا والمقيلـه
حنا تغالب نسقي الضد مـن كـاس
كاس الندم والخوف كاس الفشيلـه
ولاكبرت القاله وضاقـن الانفـاس
زايـد لنـا ضلـع بعيـد مسيلـه
هم لنا لاجاك وقـت بـه امـراس
وقت الصمايل والامـور الهويلـه
كل ابلج في مرقب الطيب عسـاس
يبغى فعول الطيب لو مـات حيلـه
ونا وهم في الدوسريه لنـا سـاس
دواسـر يانـاس نـعـم القبيـلـه
دواسر في الضيم وقت التعومـاس
وقت الحروب الطاحنات الطويلـه
ناقف مواقف دونها الضـد جـلاس
ونشيـل حمـل غيرنـا مايشيلـه
هذا عطيتك موجزي وسط قرطاس
يفهـم بـه الجاهـل بليـا دليلـه


__________________________________________________ _________
*ابوليلى هذا شيخ قبيله آل مره لان كانت هناك هيه بين
الحقبان وال مره في الاحساء والسالفه والقصيده اعتقد
الكل يعرفها

 

 

 

 

[معلومات العضو خالد الحقباني]

المشاركة الأصلية كتبت بواسطة فيصل بن جزاء

فهي معروفة مدونه موثقة ومنحوته من قبل ان يظهر علينا
مراسيل الماسونية والصهيونيه والابحاث الاستراتيجية والمخابرات الدولية


الاخ وابن العم/ خالد الحقباني

لاهنت على هذه الكلمات وبيض الله وجهك

تقبل تقديري واحترامي

ولا انت يا عصابة راسي