وبعد اذنكم بما ان فيه شجره للأفخاذ بقول وان اصبت فعليها وان اخطأت أرجو من ابناء عمومتي من يصحح لي :
وبتكلم عن ما يخص الحقبان : بعد اذنكم يالربع هي قبيلتي واعرفها زين وبفيدكم :
هم
آل علي : ومنه طلع 1- آل فارس شيوخ شمل الحقبان
2- آل مبارك وفيه منهم بكمده وتمره والرياض طبعا اهل الرياض
اهل العقار واهل وكاله المراوح .
3- آل حميدي وهم بالخرج بالروضه قصرى آل جفيران وفيه من آل
حميدي بالاحساء وبالرياض .
فيه آل عامر بالأحساء .
وفيه آل جفيران بالخرج .بالروضه
وفيه فخذ يقال لهم على مااعتقد آل ثقل في الخرج ايضا وبمنطقه ناسي اسمها
وفيه حقبان الصغو اللي بالافلاج لكن والله مااعرف نبزهم .
هذولا بدو الحقبان ليومكم ذا
وحقبان بالشرقيه والبحرين والامارات والكويت .
وحقبان اهل الدلم يقال لهم آل ناصر على مااعتقد وكانو امراء الدلم سابقا .
وفخوذ من الحقبان لكن مااعرف نبزهم .
وحقبان بالقويعيه والقصيم .
طبعا ذولا عيال عمنا وهم اصل وفصل . لكنهم شدو ذيك الحين لتدواره العيشه ايام
القحط والجدب وفيه منهم من راح بدم . وتوزعو بين القرى . وتطبعو وتقروو ان صح التعبير ونشأو وترعرعو في القرى واخذو من لهجتهم . لكن مايلحقنا شك بأصلهم
وفيه مثلهم كثير بالمزاحميه زماميين وفي الدلم ايضا وداعين . يعني ممن سكنو في قرى من ذيك الحين .
لكن مايحلقنا شك بكل من سكن بالمدن والقرى ذيك الحين . لأنهم من لحمنا ودمنا
سواءا حقبان ولا عمور ولا وداعين ولا مساعره. ويسمحون لي ربعي الحقبان اللي ماذكرتهم لأن هذا والله اللي اعرفه . وتسمحون لي ياعيال عمي.
في امان الله .
13-05-2005, 08:42 PM
العرض المتطور
المواضيع المتشابهه
