غزو حمر الخدود ولا غزينا...

[معلومات العضو ابو زيد الغييثي]

على الأطلال يا (........ ) بكينـا=وصفا دمـع العيـون ولا صفينـا
تغيب الشمس فـي غُـرة جبينـك=وتوارى والشفـق الاحمـر يبينـا
ولا بـان القمـر جالسـت ضيـه=يعللنـي وانـا قلـبـي حزيـنـا
تسلينـا الأمـانـي ولا قربـنـا=وتبعـدنـا الـديـار ولا سليـنـا
وبيوت الشعر مـن بينـك وبينـي=مراسيـل الـهـوى للعاشقيـنـا
وشّفـي شُـرد افكـار الخواطـر=وحـذرات مـا جفلهـا فطيـنـا
أجيها مـن يميـن ومـن يسـارا=وتجيني من يسـار ومـن يمينـا
وف رمشة عين تدفى من ضلوعي=وفـي ردتهـا تناجينـي دفيـنـا
وتداعب من ورى هدف المحانـي=ولا ا دوى الليل هجـرع يالحنينـا
تهيـض مابقلبـي مـن مشاعـر=وتبـيّـح مابـسـدي والكنيـنـا
وبحور الشعر لا هاجـت وماجـت=رسيت بها وغـدت شـط ومينـا
واقـد امواجهـا عـرضً وطـولا=وأغوص اعماقهـا بعلـمٍ يقينـا
ولاأظهـر غيّـر بالـدرّ النـوادر=وآداري عيونهـا مـن الناقدينـا
قصيدي ما نظمته قصـد شهـره=بتواضع غيـر فـوق الشامخينـا
وقبوله من فضـل ربـي تعالـى=ولا اصخي بـه لغيـر السامعينـا
انـا رجـال وآثـمـن كـلامـي=ودور للمـجـمّـل والسمـيـنـا
لك الله يا زمن وش عـاد باقـي=غزو حمـر الخـدود ولا غزينـا
سقي عصر النبـي محمـد وآلـه=يـا خاتـم الانبيـاء والمرسلينـا
من اشراف العرب وأسيـاد مكـه=وّرد ذكـره بصـحـف الأوليـنـا
نـبـيً طـهـره رب الـبـريـه=وجاء من بعد عيسى بخيـر دينـا
شفيع الخلق فـي يـوم القيامـه=شفـيـع الاوليـنـا والآخريـنـا
على خُلق عظيم وحُسـن خلقـة=وشهـد لـه قـول رب العالمينـا
وأبيض وجـة ومشبـع بحمـره=وسـط مربـوع مابينـا وبيـنـا
وضخم الراس وأعجز عن وصوفه=وحثيث آخطى وعريض المنكبينـا
نبـي الله رسمـه الله بـصـوره=مـا ترسمهـا يديـن الراسمينـا
على آخر زمن مدهـون متـرس=لقيطـه يعـتـرض للطاهريـنـا
حُذف ليلة كرسمس فـي كنيسـه=أوبخـمـارةٍ بـيـن أسفلـيـنـا
وربـا بيـن التبنـي والملاجي=ومن الخنزير وصفة في صفتينـا
سماجـة وجهـه تحالـي لدبـره=وعليـه الله وخلقـه غاضبيـنـا
ولعنـه الله وامـه يـوم جتـبـه=وعليـه يحـل لعـن اللاعنيـنـا
أظنـه هكـذا لا حسنـت ضنـي=وبريـه ذمتـي مـن الوالديـنـا
وغناته من ذنـب الابقـار جاتـه=وحنا مـن دنـس يـده اغتنينـا
صبرنـا والصبـر لا زاد حــده=قضى ولبة على اقوى الصابرينـا
الايـام اهـي الايــام بعـددهـا=وعيـب ايامنـا مـنـا وفيـنـا
تغيـرنـا وزمـنـا ماتـغـيـر=ومصايبنـا مـن انفسنـا ويدينـا
ونعيـب الغـرب ونقلـد طبوعـه=وصرنـا مـن طبوعـه عايبينـا
خذو منا ما نملـك مـن فضايـل=وحنـا مـن رذايلـهـم خذيـنـا
غنمـو منـا وحاشـو ماكسبنـا=ورجعنـا منهـم بخفـي حنيـنـا
دُمقراطيـة مـن بـوش تُفـرض=ويرسل رايـس وتمشـي علينـا
وتفرالجامعـه تأمـر وتنـهـاء=ورحاها تطحـن حبـوب الطحينـا
وهو في البيت الاسود قردً اشهـب=ونجـي لامـر الولايـه طايعينـا
ولا فر الصيـد بّيـن يـا حجلنـا=غـدى لرماقتـه صيـدً هويـنـا
يفضل موتـه بطلقـة رصاصـه=ولا يشنـق وشعبـه حاضريـنـا
شبعنا مـن الزهـادي والمهونـه=وشرقنا بـا المهانـه وآرتوينـا
ومّليـنـا التصـاريـح الغبـيـه=واطولـهـا لـسـان الخايبيـنـا
كراتيـنً علـى الشاشـة تحـرك=تـجـزر وقتـهـا والغافليـنـا
على لعب الدقون امسح وسامـح=ونجاملهـا ونـقـول مصدقيـنـا
دبر تحت الوبـر والخيـر ظاهـر=وتخفـي الشـر والحقـد الدفينـا
وألاريـا اذنـاب عيـس مقفيـاتِ=ما تدري عـن وجيـه المقبلينـا
وأطوى سقاك من بلـة ونضحـه=ولو فالعد ماء اسقـى الواردينـا
ألامثـال لذهيـن العقـل أدلــه=نتجاهلـهـا وحـنـا خابريـنـا
نجي مليـار مسلـم يامشـاء الله=ولا نمنـع قـراد شــب فيـنـا
جلـم ماتحذفـة حتـى بحجـاره=ولاتجمـع حـصـى للحاذفيـنـا
هُدر دم العرب والعـرض يهتـك=ونشوف الموت غبـن وصامتينـا
رضـت حمرالنعـم فينـا المذلـه=وحـنـا بالمـذلـه مارضيـنـا
عرب وين العرب وسـم العروبـه=غدى عز العـرب منـا وغدينـا
غدو بيـن النـوادي والمراقـص=وبيـن الخمـر والحانـات حينـا
تمايـل روسهـم فيهـا سُكـارا=خُشـب ومسـنـده ومنافقيـنـا
علـى نغمـات يـادآن لادآنــا=وسرى ليل السمر يـا سامرينـا
نسـو الله ونسّـاهـم وبتـلاهـم=وعليهم سلـط اطغـى الضالمينـا
ولا أعم الجميع بمحـض قولـي=ولا آروج لـقــول القايلـيـنـا
لا زال الخير فـي الأمـه نحسـه=لاكــن الاغلبـيـه ملتهـيـنـا
وانا مقصر وغارق فـي ذنوبـي=لاكـن أحـب نهـج الصالحيـنـا
الا يالمعتصـم ماآرثـت يـومـاً=صميـدع راس بآسـه مايليـنـا
يفور الدم فـي صـدره وراسـه=مـن القـدس وبـلاد الرآفدينـا
ويحيي لصرختـه نخـوة ضميـرٍ=ذبحه الـذل مـن غبـر السنينـا
وصلاح الدين ما ينُجـب شبيهـه=يجي ويشـوف حـال المسلمينـا
يعيـد امجادنـا والــي فقـدنـا=ويطهـر قدسنـا مـن الغاصبينـا
ماأخـذ بقـوة يــرد بمثيـلـه=بـنـار مـشـوك وبالمارتيـنـا
يقـود الامـه بخـيـرٍ وشــرا=ويهـدم مابنـاء المستعمريـنـا
عساهـا تقنبـع الدنيـا بشـراره=نمـوت بعـز وشنـا خاسريـنـا
وتثور اقـوى البراكيـن بحممهـا=وتزلـزل مـن تلابيـب لسيـنـا
بليل أسـود مـن الكُحـل جنحـه=وصبـاحـه يالـنـا ولا عليـنـا
سقى عصر ام تينـه مـن يعيـده=ماعـاده غيـر محيـي الميتينـا
الا يالله تـعــز الـديــن يالله=بـعـونـك يالله ونصرمبـيـنـا

صح اللسانك ملايييييييييييييييييييييييييييييييييين انت والقحطاني
وبيض الله وجهك
اخوووووووووووووك ابوووووووووووزيد......