ياعابد الصورة على بيض الاوراق - الشاعر رشيد الزلامي

[معلومات العضو فالح الشكره]

وللشاعر ايضا قصيدة يمتدح فيها اعلام الشعر النبطي ويذم من يسمون انفسهم شعارا وهم ليس كذلك ، فارجوا ان تنال اعجابكم

الشعر ماني مقترح دستوره=ولاني وكيل أدم على مذخوره
ولكن من شيٍ يحز بنفسي=هاضت به افكاري وهي مجبوره
شعر النبط شفته بوسط الشارع=يمشي ويسحب رجله المكسوره
وما شاهدت عيني عرفت اسبابه=زان الزمان وبانت المصروره
الشعر سارت هيبته ماطيه=تشاوتوه الربع مثل الكوره
يشوته الفارس وجاه الحارس=ينقز على رجله ويلطم زوره
واهدافهم يا للأسف مكشوفه=اغراض شخصيه وصوت وصوره
يستخدمون الشعر لبسط حاجه=وش هالبشر منهيةٍ مأموره
إما هذم رَجلٍ بدون مبرر=او يمدحه مدحٍ يمس شعوره
مدحه بوجهه يعتبر مسبه=إذا كان يعرف مستواه ودوره
ولا تهيض عمنا متغزل=واعطى الجهاز الحر من ميسوره
يصف بنات الناس وصفٍ خاطيء=وداوم بحلقٍ كنه الماصوره
ثم قال أنا شاعر وجاك محدر=يعدّ حاله ناجحٍ من دوره
هو ما درى ان الشعر مضلومٍ به=وإنه بشر وصحته محظوره
يا من ظلمت الشعر خاف من الله=خله يعيش وحالته مستوره
يا الربع كلمة شعر تبغى شاعر=مثل السديري يوم غاص بحوره
وابن ربيعه والخلاوي راشد=ولا عبيد العلي يوم عصوره
ومثل القضاه ومحسن الهزاني=وابن شريم اليا رفع باكوره
وابن حميد وشالح القحطاني=ولاهي عن اهل المعرفه مقصوره
ولاني مجامل مع هذا والثاني=اعدّ شعار النبط وابحوره
واللي ما هو قنعان ينشد عني=يزورني للبحث ولا زوره
وعندي اللقاء كلٍ يجرب حظه=ولاني وكيل أدم على مذخوره

وله ايضا هذه القصيده

ألا يا الله إني طالبٍ طاعتك ورضاك=وعلمٍ ليا ذكروا هل الخير نذكر به
أنا في رجى عطفك و أنا ملتجي بحماك=تفرج هموم القلب يافارج الكربه
إليا ذعذع الغربي وحرك غصون الراك=وناح الحمام بعالي الصوت يجهربه
أجاوب حمام الورق يا لايمي عساك=يحدك زمانك يم من لا تبي قربه
ذليلٍ إليا جيته وحيدٍ تجر خطاك=كسيرٍ وقلبك واهج النار تسعر به
ألا يا حمام الورق ماشفته ولا جاك=ترى ينفع المهموم علمٍ يبشربه
عن الدار و أهل الدار و السر مايخفاك=وحيدٍ تحداه الزمن و أقلع بسربه
من أول يجوز العذر للي يروح هناك=و أنا اليوم حالي عذر ويش أتعذر به
مسكها حكيم الراي و أندارت الأفلاك=وقاد السفينه و أبحر النور مع دربه

 

 

 

 

[معلومات العضو عبدالرحمن الشرافي]

يا الربع كلمة شعر تبغـى شاعـر=مثل السديري يوم غاص بحـوره
وابن ربيعـه والخـلاوي راشـد=ولا عبيد العلـي يـوم عصـوره
ومثل القضاه ومحسـن الهزانـي=وابن شريـم اليـا رفـع باكـوره
وابن حميـد وشالـح القحطانـي=ولاهي عن اهل المعرفه مقصوره
ولاني مجامل مـع هـذا والثانـي=اعـدّ شعـار النبـط وابـحـوره
واللي ما هو قنعـان ينشـد عنـي=يـزورنـي للبـحـث ولا زوره

الله الله الله الله

اخوي فالح

عز الله انك عرفت تختار يالقرم

وبيض الله وجهك

وصح الله لسان الزلامي وبيض الله وجهه على هذه القصيدة الجزله


واتمنى يا فالح انك تنزلها في موضوع جديد لحاله او انزلها انا عنك يالقرم


تحياتي لك

 

 

 

 

[معلومات العضو فالح الشكره]

المشاركة الأصلية كتبت بواسطة عبدالرحمن الشرافي

يا الربع كلمة شعر تبغـى شاعـر=مثل السديري يوم غاص بحـوره
وابن ربيعـه والخـلاوي راشـد=ولا عبيد العلـي يـوم عصـوره
ومثل القضاه ومحسـن الهزانـي=وابن شريـم اليـا رفـع باكـوره
وابن حميـد وشالـح القحطانـي=ولاهي عن اهل المعرفه مقصوره
ولاني مجامل مـع هـذا والثانـي=اعـدّ شعـار النبـط وابـحـوره
واللي ما هو قنعـان ينشـد عنـي=يـزورنـي للبـحـث ولا زوره

الله الله الله الله

اخوي فالح
عز الله انك عرفت تختار يالقرم
وبيض الله وجهك
وصح الله لسان الزلامي وبيض الله وجهه على هذه القصيدة الجزله
واتمنى يا فالح انك تنزلها في موضوع جديد لحاله او انزلها انا عنك يالقرم
تحياتي لك

يامرحبا فيك ياعبدالرحمن الشرافي ،،،،، شرفتني بمرورك يالقرم وانت تامر امر ابنزلها بموضوع جديد.

وتقبل تحياتي