حمساء ال قويد ترد على جسور آل شايب

[معلومات العضو فيصل القحطاني]

اي نعم طال عمرك عندي ملاحظه على بداية الموضوع
وعلى الرديه اللي حصلت بينهم ممكن نتناولها؟
ولا ابد ما من حزازيات الدواسر ربعنا وعوانينا

 

 

 

 

[معلومات العضو ابو زيد الغييثي]

المشاركة الأصلية كتبت بواسطة فيصل القحطاني

اي نعم طال عمرك عندي ملاحظه على بداية الموضوع
وعلى الرديه اللي حصلت بينهم ممكن نتناولها؟

وين الملاحظه ؟

هل تقصد انها لم تحصل !

ام ماذا لكي يتم مناقشتها على رويه

دون حزازات

 

 

 

 

[معلومات العضو فيصل القحطاني]

لا حصلت ولكن ليس كما ذكرتم يا اخوان
فالذي يسوق العطفه لا يسوقها الا في حرب
وانتوا تقولون راحوا فرسان الدواسر !!

ونزلوها فاضيه اذا لماذا يسوقون العطفه

 

 

 

 

[معلومات العضو ابو زيد الغييثي]

المشاركة الأصلية كتبت بواسطة ابو زابن المسعري

نزلوا بعض من قبائل ( آل سعد ) من قحطان على عد لدواسر بدون استأذان منهم

فذهب لهم مجموعه من الفرسان وامروهم ان يرحلوا بالقوه

فطووا بيوتهم واستجابوا للامر

ولكنهم رجعو مرة ثانيه

بعد ذهاب فرسان الدواسر إلى جهه اخرى بعيده عنهم بعض الشي

فقالت الشاعره جسور بنت ناصر ال شايب القحطاني

ياطيـر علـم جمعنـا والدواويـر=ان حن على دار الدواسـر نزلنـا
وان حن على جال الرفيعه مصادير=وان البيـوت الـى طونـا تبـنـا

فردت عليها الشاعره حمسا ء بنت ابن قويد

ياطيـر علـم حفنـا والـدواويـر=لاياخـذون العفـو والومـن منـا
لابد مـن يـوم عليهـم مساييـر=وان البيـوت الـى تبنـا طـونـا
جمرتس رماد وخامدن كنه مانيـر=ناطـا عليـه بخيلنـا الـى تعنـا
نركز غلبنا فوق هجف مضاهيـر=غلبـن بلجحـات الادامـي تحنـا
زايـد تحنـى خيلهـا فالمعاسيـر=وليا جهلتى فنشـدي الذيـب عنـا
صيور ماناتي على قـب ونغيـر=ونعدي الـى وازيـن فـي وطنـا

هذا هو الموضوع اليس كذالك

المشاركة الأصلية كتبت بواسطة فيصل القحطاني

لا حصلت ولكن ليس كما ذكرتم يا اخوان
فالذي يسوق العطفه لا يسوقها الا في حرب
وانتوا تقولون راحوا فرسان الدواسر !!

ونزلوها فاضيه اذا لماذا يسوقون العطفه

اخي فيـــصل القحطاني

اظن اخي ابو زابــن لم يذكر " الريشه " او " العطفه "

بل ذكر فرسان انطحوا فرسان !

وهذي عوايد الشيبانا وشيبانكم الله يرحمهم جميع

 

 

 

 

[معلومات العضو فيصل القحطاني]

طال عمرك تقابلوا وحصلت المعركه والعطفه هي اللي تحمس الفرسان
فلا تقلل من شأنها ودارت على الدواسر
وكانت الرديه كما يلي ولسيت كما ذكر:
قالت القحطانيه
يـاطـيـر خــبــر ربـعـنــا والــدواويــر ان حـن علـى دار الـدواسـر نزلـنـا
ون حن على جال الرفيعه مصاديـر ون الـبـيــوت الــــى طــونــا تــبـــا
فقالت الدوسريه
يـاطـيـر خــبــر حـفـنــا والــدواويــر لايـاخــذون الـعـفـو والـومــن مـنــا
لابــد مــن يـــوم علـيـهـم مـسـايـر وان الــبــوت الــــى تـبـنــا طــونــا
فقالت القحطانيه
جمرتس رماد وخامدن كنه مانير نـاطـا علـيـه بخيلـنـا الــى تعـنـا
نركز غلبنا فـوق هجـف مضاهيـر غلبـن بلجـحـات الادامــي تحـنـا
وردت الدوسريه
زايـد تحنـى خيلـهـا فالمعاسـيـر وليا جهلتى فنشدي الذيب عنـا
صيـور ماناتـي علـى قـب ونغيـر ونعـدي الـى وازيـن فــي وطـنـا


والموضوع كله عن العطفه اصلا عنوان الموضوع القحطانيه والدوسريه
انتوا كاتبينه
وسلامتكم اتمنا انكم تقبلون النقاش وشكرا على اعطاءنا الفرصه
في النقاش

 

 

 

 

[معلومات العضو ابو زيد الغييثي]

المشاركة الأصلية كتبت بواسطة فيصل القحطاني

طال عمرك تقابلوا وحصلت المعركه والعطفه هي اللي تحمس الفرسان
فلا تقلل من شأنها ودارت على الدواسر
وكانت الرديه كما يلي ولسيت كما ذكر:
قالت القحطانيه
يـاطـيـر خــبــر ربـعـنــا والــدواويــر ان حـن علـى دار الـدواسـر نزلـنـا
ون حن على جال الرفيعه مصاديـر ون الـبـيــوت الــــى طــونــا تــبـــا
فقالت الدوسريه
يـاطـيـر خــبــر حـفـنــا والــدواويــر لايـاخــذون الـعـفـو والـومــن مـنــا
لابــد مــن يـــوم علـيـهـم مـسـايـر وان الــبــوت الــــى تـبـنــا طــونــا
فقالت القحطانيه
جمرتس رماد وخامدن كنه مانير نـاطـا علـيـه بخيلـنـا الــى تعـنـا
نركز غلبنا فـوق هجـف مضاهيـر غلبـن بلجـحـات الادامــي تحـنـا
وردت الدوسريه
زايـد تحنـى خيلـهـا فالمعاسـيـر وليا جهلتى فنشدي الذيب عنـا
صيـور ماناتـي علـى قـب ونغيـر ونعـدي الـى وازيـن فــي وطـنـا

عجبي اخي فيصل القحطاني

البيتين الاولين فقط هم للقحطانيه


وباقي الابيات هي لحمسا بنت قويد

وانا ما نفيت العطفه ولكن قلت ان الموضوع لم يذكرها

وانت يا خوي خليتها

قلطه بين حمسا وجسور

وهذا عاري من الصحه

والمعركه كانت نتيجتها هزيمه قحطان

ولكنك هداك الله اخذت الابيات التي تثبت هزيمة قحطان

وجعلتها من ابيات القحطانيه

جمرتس رماد وخامدن كنه مانير = نـاطـا علـيـه بخيلـنـا الــى تعـنـا
نركز غلبنا فـوق هجـف مضاهيـر =غلبـن بلجـحـات الادامــي تحـنـا

فتق الله في نفسك ولا تحرف على هوائك

لان هذه الابيات ثابته لحمساء وليس لجسور

 

 

 

 

[معلومات العضو ابو زيد الغييثي]

يتم اغلاق الموضوع

حتى يرد الاخ بو زابن المسعري والاخ عبدالله بن قويد

على مزاعم فيصل القحطاني من زور وبهتان

 

 

 

 

[معلومات العضو ابو زابن المسعري]

الاخوة الكرام القصه هي كما ذكرت وهي معروفه

والابيات الوارده من الطرفين تثبت ما اقول

نزلوا القحاطين في حدود الدواسر

والدليل قول جسور

ياطيـر علـم جمعنـا والدواويـر=ان حن على دار الدواسـر نزلنـا

فطردوهم الدواسر ولكنهم رجعوا ونزلوا مرة اخرى

والدليل قول جسور

وان حن على جال الرفيعه مصادير=وان البيـوت الـى طونـا تبـنـا

الشطر الاخير من البيت يدل على ان البيوت التي طويت بسبب طرد الدواسر لهم في المرة الاولى

رجعوا وبنوها مره ثانيه

فرجع الدواسر لهم ودارت بينهم معركه انتهت بهزيمة قحطان

وطردهم من ارض وحدود الدواسر

الارض التي تتمناها كل القبائل لغزارة مائها وطيب مرعاها

وتقول حمساء

ياطير علـم حفنـا والدواويـر=لاياخذون العفـو والومـن منـا
لابد من يـوم عليهـم مساييـر=وان البيوت الـى تبنـا طونـا
جمرتس رماد وخامدن كنه مانير=ناطا عليه بخيلنـا الـى تعنـا
نركز غلبنا فوق هجف مضاهير=غلبن بلجحات الادامـي تحنـا
زايد تحنى خيلهـا فالمعاسيـر=وليا جهلتى فنشدي الذيب عنـا
صيور ماناتي على قب ونغيـر=ونعدي الى وازين فـي وطنـا

وسلامة الجميع

 

 

 

 

[معلومات العضو مقام الدواسر]

والله وكفوا يال قويد
صفحة طويت من عبق ماضينا الجميل
عندما كانت الحياه صعبه وفي نفس الوقت
جميله كجمال اهلها..

بالنسبه للقصه فهي من القصص القديمة
التى اشتهر اصحابها بالشجاعه والصبر في النزال
وهي تسمى عند بعض العرب بجريرة بن ترفه
الذي جر اهل تثليث واهل الجنوب لنزال عدة قبائل لقصد الكسب
ففي كتاب اضنه كتاب الضياء ذكر هذا الرجل وانه منع قبائل اهل نجران
من الماء لمده طويله.
وفي مجريات هذه الجريرة او المسيره اصطدم بقبيلة الدواسر وكانت ابنته وتسمى جسور
شاعره وتطرقت انها وقومها نزلو بلاد الدواسر
فكان النزول ومن ثم الهروب من حرب الدواسر اتجاه تثليث والعين
فصورت لنا بنت الكرام حمساء بنت بن قويد هذه المعركة وهروب العدو من المكان

رحم الله حمساء وجسور فقد قدمو لموروثنا الشعبي هذه الملحمة الرائعة
التى تتجسد فيها روح الوفاء وروح التضحيه وان وصف المعارك والايام
لايقتصر فقط على الرجال بل يمتد حتى يصافح مضارب حفيدات الاكرمين.....

تقبلو مروري..

 

 

 

 

الله يرحم حمساء بنت معدي بن قويد

نبذة عنها رحمها الله

هي حمساء بنت معدي بن سلطان بن قويد

أشتهرت بركوب الريشة في معركة المعتلا

وهي أخت لـ وديكان و محماس و بادي أبناء معدي بن قويد

وهي كذالك عزوتهم الى الوقت الحالي .

رحمهم الله جميع .

 

 

 

 

[معلومات العضو جليل المحزم]

ونعم بال قويد كلهم اخوان حمساء واخوان الجازي علومهم كلها ترفع الراس