النصيحه:لشاعر سويد ابن راشد الحقباني

[معلومات العضو عبدالرحمن الشرافي]

المشاركة الأصلية كتبت بواسطة ابن عمير

والضيف لامن جاك هات الذبيحه =كم واحدن خلاء كنوزن جمعها
وعانيك لامن جاك يرجي المنيحه =جزل العطايا و التراحيب معها
والجار لو تشكي خطاه وفحيحه =استر اعيوبه لو كلن سمعها
وتراء رفيقك لا حشمته مديحه =اللي الى بانت افتوقك رقعها
والنفس جنبها دروب الفضيحه =والمفلح اللي عن هواها منعها
وسرك بصدرك احفظه لا تبيحه =كم واحدن ابداه روحه شنعها
وهرج القفاء اياك لا تستبيحه =ودع النميمه يافتى الجود دعها
واتعب على سمع العلوم الصحيحه =و لا تصدق كذبته لا بدعها
وخل اجتهادك بالدروس الصريحه =و العلم تدري كم بيوتن رفعها
و لا ترافق للنفوس الشحيحه =اللي تشح بمالها من طمعها
واحذر مرافقت الوجيه القبيحه =ابعد وحاول لا ينوشك طبعها
و الكلب لامنه قذاك بنبيحه =عليك باللي هامته يقتلعها
وان جاء نهارن فيه قومه وطيحه= أسحب ذخيرة شايبك وادرعها
وتراء العمر لو طال قافيه صيحه=و لا حد مخلد بالحياة و متعها
وأعيد واقول الدين النصيحه=وسنة نبيك واجبن تتبعها

	الاخ / ابن عمير الحقباني الله لايهينك على نقل هذه الدرر والحكم وقصيدة في قمة الروعه والحكم والجزاله وصح الله لسان الشاعر / سويد ابن راشد الحقباني على هذه الجزله المليئة بالنصائح والحكم ولا تحرمنا يا ابن عمير من جديد الشاعر / سويد الحقباني ولك مني فائق التحية والتقدير