قصيدة قالتها واحده لزوجها قبل وفاتها بساعات رحمها الله

[معلومات العضو ابو طارد]

هذه قصيدة قالتها واحده لزوجها قبل وفاتها بساعات، غفر الله لها ولإموات المسلمين، وصيتها بالقصيده طيبه،،كانت مريضة جداً وطال بها المرض،، وكان زوجها يذبح لها الذبايح لتسليتها عن المرض،، ويبحث عن راحتها ،، وقالت

ترى الذبايح و أهلها ما تسليني =أنا أدري إن المرض لا يمكن علاجه
أدري تبي راحتي لايا بعد عيني =حرام ما قصرت يديك في حاجه
أخذ وصاتي وأمانه لا تبكيني =لو كان لك خاطرٍ ما ودي إزعاجه
أبيك في يديك تشهدني وتسقيني =أمانتك لا يجي جسمي بثلاجه
لف الكفن في يديك وضف رجليني =ما غيرك أحدٍ كشف حسناه واحراجه
أبيك بالخير تذكرني وتطريني =يجيرني خالقي من نار وهاجه
سامح على اللي جرى ما بينك وبيني =أيام نمشي عدل وأيام منعاجه
همي عيالي وأنا اللي فيْ ..كافيني =علمهم الدين تفسيره ومنهاجه

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

أبو طارد

بيض الله وجهك على النقل المميز

ورحم الله الشاعره على هذه القصيده الطيبه

عاطر التحايا

 

 

 

 

[معلومات العضو الواضح]

لا هنت يابو طارد




على إيراد هذه القصيدة المعبرة جداً




ورحم الله الشاعرة وأموات المسلمين

 

 

 

 

[معلومات العضو الباشق]

تسلم اخى ابو طارد على نقل هذه القصيدة المعبرة

اما عن الشاعرة فهى شاعرة فذة رحمها الله

وقد قالت هذه القصيدة وهى على فراش الموت

ومن منا لايعرف الشاعرة المشهورة ( عابرة سبيل)

وهى شاعرة غنية عن التعريف

اشكرك لابراز هذه القصيدة للاعضاء

اخوك

الباشق

 

 

 

 

[معلومات العضو النتيفات]

أبو طارد بيض الله وجهك على هذه القصيدة ورحم الله الزوجه واسكنها الله فسيح جناته