إكتب بيت شعر يعبر عن حالتك النفسيه الأن..

**معلومات** **العضو** · 21-06-2011, 02:22 AM

لكل شخص لحظات حلوه يتمنى انها ماتمر ..

ولحظات سيئه يتمنى زوالها باسرع وقت ... لذلك احببت ...

ان ادعوكم في هذا الموضوع لتسجلوا ذكرى لحظاتكم الجميله وربما الحزينه في بيت او بيتين..
من الشعر.. وياااارب تكون لحظات حياتكم من اجمل اللحظاااات ...

وأنا بالنسبه لي اليوم..

على الهون يادمعي من العين لاتنساب ...... دموع التهاني والتعازي لهاحفله

مطيحك.. سواًباسباب. والابدون اسباب...... مطيح العزيز اللي تحنه وتأسفله

اتمنى يعجبكم الموضوع ...
ومايكون مكرر..

دمتم بخير

**معلومات** **العضو** · 21-06-2011, 02:33 AM

لاهنت على الموضوع

لاصار عوج الهروج تفور منها الصدور
البعد خيرن من اصحاب الحكي وبركه

مانيب مجبور وصحابي طوال الشبور
في عالم من صقاط الهرج لهم اضركه

**معلومات** **العضو** · 21-06-2011, 02:39 AM

الله يعطيك العافيه ولاهنت

المجلس اللي يجلب الهم راعيه
............... خله لو تعجبك حمسة دلاله
خله لو أنك على الكبد تغليه
.............. واللي يزيد الجرح ماينشكاله

**معلومات** **العضو** · 21-06-2011, 09:28 PM

„

لَا اقْفَى مِن اغَّلَيْه مِنِّي ..فـ الْلَّه يَحْفَظُه ..
مّاهْو بِدَمِي ../..وَلَا مَالِي ../.. وَلَا عَبْدِي
كِتَآْب قَطَع الوَصْل مُاقْدر عَلَى رَفْضِه ..
لَكِن لِي الْحَق اقُوْل :- آَحـآَّاآه يَآ كـبـدَي

„

**معلومات** **العضو** · 21-06-2011, 09:34 PM

ناديت باسمك وانا مع زوجتي راقد...لين رفستني على بطني برجليها
وسويت نفسي مثقف واعي وناقد...واقول عادي مصير الوقت يرضيها
ويم كفختني طراق وصحت انا حاقد...الله يلعن غلاك ويكسر ايديها
واحترت انا وين ابلقى لي بدل فاقد؟....ولقيت وحده تهزز لي علابيها

**معلومات** **العضو** · 28-06-2011, 12:17 AM

اقتباس:

المشاركة الأصلية كتبت بواسطة مصوت بالعشا

ناديت باسمك وانا مع زوجتي راقد...لين رفستني على بطني برجليها
وسويت نفسي مثقف واعي وناقد...واقول عادي مصير الوقت يرضيها
ويم كفختني طراق وصحت انا حاقد...الله يلعن غلاك ويكسر ايديها
واحترت انا وين ابلقى لي بدل فاقد؟....ولقيت وحده تهزز لي علابيها

هههههههههههههههههههههههههههههههههههههههههههههههههه

يامصوت بالعشاء وهالبيات الجميله اضحك الله سنك

**معلومات** **العضو** · 21-06-2011, 09:40 PM

قالـوا لي اصبـر آخر الصبـر تبشيـر
واذكر عسى في دنيتك مايواسيـك

محــد له القـدره يـرد المقاديـــــر
والـضربـه الي ماتمــوت تقويـــــك

يالي تشــوف الحال وتقول ماغير
تضحـك!! عسى دنيا المسرات تدعيك

لاتحسـب الي لاضحـك دنيته بخيـر
مرات تضحـك من عظـم ما جرى فـيـك!!

**معلومات** **العضو** · 22-06-2011, 12:01 AM

يا اهلي والقلب عيّا لا يطيب .. علتي بالقلب عله داخليه
اتعالج وحيرت الطبيب .. وما لقى لي دواء بالصيدليه
قال حيرتني وامرك عجيب .. علتك ما بعد مرّت عليه
قلت طبي انا جمعه حبيب .. غير هذا فلا به طب ليه
اشكي الحب مالي من مجيب .. ما دروا عن جروحٍ بي خفيه
المواصل علي امره صعيب .. خبروا نور عيني بالقضيه
خبروه اني باسبابه عطيب .. اسهر الليل وعيوني شقيه
ان تكرم بوصله لي اطيب .. وان جفاتني انا زرت المنيه
يا حياتي حرام منك تعذيب .. كيف تهجر بلا ذنب وخطيه
بالهوي شبت انا قبل المشيب .. والله اللي كتب هذا عليه

**معلومات** **العضو** · 22-06-2011, 12:45 AM

:

أحرموني [ منّكْ ] وأكرموني ألـم
كثــر اللّـه خيرهَـم أوجُعووونِـي .!

**معلومات** **العضو** · 22-06-2011, 06:28 AM

اللي عطآك لسآن .! معطيني لسآن
و أقدر أحطّك بين ضرسي و نآبي

/
\
/

لكنّ أسكت و آتجآهل على شآن
ما أفتح لـ ( رديآن المخآليق ) بآبي

**معلومات** **العضو** · 22-06-2011, 04:18 PM

أمنتك الله يابعد كل غالي
أمنتك الله واحفظ حبنا زين
بعدك ترا ماعاد شي بقالي
ماعاد باقي لي سوى دمعة العين
ما أنساك لو يمشون حولي عيالي
ببقى أذكرك لو راحت سنين وسنين

**معلومات** **العضو** · 22-06-2011, 08:43 PM

انادمع عيني ..بالدقايق... وبالساعات......ولاهي على فرقاالمحبين .مستره
هواجيس قلبي كل ماقلت راحت جات.......تعودعلي باليؤم خمسة عشرمره

**معلومات** **العضو** · 22-06-2011, 10:40 PM

ابدي كلامن فالحشى كن مكنون
كنه وكن إهموم فرقا وليده

يوم الفراق الناس صاحو و يبكون
وأنا دموع العين تذرف جديده

إمكتفن بالحزن ضـايـق و مغبون
ونيران قلبي يانديبي إمقيده

فاليوم لول مثل طفلن ومجنون
غـزاه جرثومن وأتلف وريـــده

واليوم لاخر قيد وصار مسجون
في غرفة الانعاش محدن يفيده

ياكود ربن مسوي الكون بالهون
ربن خلق كونه ويرحم عبيده

فتزايد الجرثوم والحال في دون
وأقفابه المرسول وانهاء مديده

فرجيك يامنشي سحاب به امزون
ترحمه يرحمان واتعيد عــيده

واختامها صلو عدد من يطوفون
على نبي الله رسول العقيده

**معلومات** **العضو** · 25-06-2011, 06:17 AM

أحِطّ إيدِي عَلَى صَدْري عَشَآن أتآكّد إنّ لي قَـَلـْبْ ..!
. . . . . . . . . . وَ أخَآفْ أحْكِي وَ أنَـآ مَخْنٌوق وَ أبْكِي وَ أسّتِحِي مِنّي ..!

عُقُب هَذَآ العُمٌر كِلّـه أستِحِي لآ أقٌوْل مِآنِي صَلّب ..!
. . . . . . . . . . . . . بَعدّ مآ كِنتْ لآ ضَآقَت عَلّي أَصِدّ وَ أغَنّــي .!

**معلومات** **العضو** · 25-06-2011, 06:51 AM

؛

خل الكلام اللّي من الكذب .. مصنوع
وإخذ الكلام اللّـي تـذوق إنتفاعـه

ماكل هرج يمر " اذانيك " .. مسموع
اربع ارباع اللّـي يمـرّك إشاعـه

لو الحكي بفلوس او شيك .. مدفوع
يمديك ضامي ل الكلام .. وسماعـه

ياشينها لاجاتك " همومك ".. جموع
ولاعاد عندك ل المواجه .. شجاعه

وياشينها لو كان لك حق مشـروع
واقربهم ل قلبك سعى فـي ضياعـه

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية