وعدكم الليلة بعد العشاء يا شعار... نبيها عيدية

**معلومات** **العضو** · 08-11-2005, 05:10 PM

الاخوان الشعراء في قسم المحاورة وفي غيره من الأقسام وش رايكم الليلة نسري على المعنى ونحلق بالصفوف في محاورة أو محاورات تعتبر عيدية للمنتدى وأهله.

أنا راح أكون متواجد إن شاء الله بعد العشاء وإن بغيتوني أمسك الصفوف جاهز وان بغيتوني أرتبها جاهز وان احتديتوا علي كشاعر فالمعين الله.

وعدنا بعد العشاء يا لنشامى وكل عام وانتم بخير،،
أخوكم التغلبي

**معلومات** **العضو** · 08-11-2005, 10:05 PM

أفا لا شعار و لاصفوف ولا حتى تعليق ولا ، وش بلا الربع بس يتصفحون ويمشون ؟؟؟!!

يا جماعة ترى الامر هين ، ودكم تلعبون ولا نسري ؟؟

**معلومات** **العضو** · 08-11-2005, 10:34 PM

سلام لاهل الوفا مني بردية ************* ردية صادفت لايام عيدية

وعقب التحيات يسري الليل سارية *********** واللي نوى حاجته لابد يقضيها

سلام يا لابة من سالفات الوقوت ............ كل النواميس والطالات تحريبها

وين الشعاعير قبل الوقت منا يفوت.......... نبي لنا ليلة في العيد نسريبها

**معلومات** **العضو** · 08-11-2005, 11:11 PM

يالربع هذه المحاولةالأخيرة :

نادوا لي المسعري واعطوا فتى الجود صوت ... ولاّ بومحسن* عشير البنت وصحيبها

الليل.. ذا ليلكم يا لابسين البشوت ..................... واللي معه سالفة ينزل يغنيبها

*: المقصود مشرفنا الغالي ابو عبدالمحسن المسعري ........... والنداء للعموم

**معلومات** **العضو** · 08-11-2005, 11:18 PM

مرحبا ومسهلا يا بوزايد واعتبرني أول الواصلين وأول الصفوف وبانتظار باقي الاخوان الشعار والصفوف

يالله ياجماعة لاتخلونا وترى ابوزايد ما قصر وانتظر واجد

اللييييييييييييييييييييييييييييييييييييييييييل اللييييييييييييييييييييييييييييييييييييل

**معلومات** **العضو** · 09-11-2005, 12:21 AM

الأخ الشاعر: ابو زايد التغلبي

أولاً: نورت ساحة المحاورة بوجودك طال عمرك من غير قصور في باقي اخواني الشعار.

ثانياً: صح لسانك على هالأبيات الرائعة كروعة حضورك وأنت لست غريب على الأبداع.

ثالثاً: مما يسعد أي شاعر أن يلعب مع شرواك والإحتكاك بك ، وأشوفك طلبتني أنا أو

المسعري أو فتى الجود ، فالبنسبة لي أرجو أن تعذرني لأني ماحضرت الليلة إلا متأخر

وومقتفينا دوام طال عمرك ويمكن بعد وراي سفر لذلك أرجو أن تعذرني ونعوضك

فالمقبلات إن شاء الله.

ولعل أحد الشعراء يحضر بدري وتثرون هذا المنتدى بالعلوم الغانمة والجزلة.

**معلومات** **العضو** · 10-11-2005, 11:49 PM

يعطيكم العافيه ياشعار

واصلوا الله لايهينكم

**معلومات** **العضو** · 11-11-2005, 12:27 AM

ارحب يا ابوزايد

وارحب يا ابوشجاع شجعتنا بوجودك

واستلم يا ابوزايد الله يطول عمرك على طاعه

الحر حر يتعلى في مراقيبه

والدرب واضح علامك قمت تخطيبه

صايم وجانا بحوته ثم جا ذيبه

واللي نوى حاجته لابد يقضيها

لاعب المنتخب في كل يمه يشوت=الجماهير تبغى القول ويصيبها
عادت عقاب سجات الخلا حول نوت=والذيابه خلاها من عذاريبها

**معلومات** **العضو** · 11-11-2005, 01:01 AM

مرحبا ومسهلا يا بو شجاع ياخوي وين أنت وباقي الربع من يومين

وارحب يا الحر واعذرني يوم تأخرت دقايق بس أعشي الشايب الله يطول عمره وعمرك وراجع لك :

اللييييييييييييييل الليييييييييييييييييل يا مال الغنيمة

**معلومات** **العضو** · 11-11-2005, 01:08 AM

والبقا يا ابوزايد

واخذ راحتك الله يطول عمرك على طاعته

والله يخلي لك شايبك ويرضيه عليك

وبقوا لي من العشا تراني ماتعشيت

**معلومات** **العضو** · 11-11-2005, 01:20 AM

استلم يا لذيب:

الملعبة بنت ياحوران مخطوبـــــة **** مبنية دارها طوبة ورا طوبـــــة

ورجل تجي يمها فالحال معطوبة **** واللي نوى حاجته لابد يقضيها

أنت في الملعبة لكن من دون بوت ............... كيــف باللــه كــورتنـا تنوّي بهــا

استرح يا عميل الخير والعب بلـوت ................ قبلك رجال تبغي البنت وتهيبها

**معلومات** **العضو** · 11-11-2005, 01:32 AM

لاهنت يا ابوزايد

واسمح لي انا باطلع من النت

استمتعت واستفدت وتشرفت باللعب معك

وان شا الله تجمعنا مناوشات اخرى

ولاهنت لاهنت لاهنت

اخوك الحر

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية