نومك طرب وانا بنومي هواجيس

**معلومات** **العضو** · 13-12-2009, 08:48 AM

بسم الله الرحمن الرحيم
هذي قصيده للشاعر المعروف تركي ابن حميد يرحمه الله
وان شاء الله بتعجبكم
ويقول فيها

نومك طرب وانا بنومي هواجيـس
ما ساهرك بالليل كثـر الهمومـي
أسهر اليا نامت عيون الهداريـس
بالليل اساهر ساريـات النجومـي
أونس بقلبي مثل صلي المحاميـس
الله يلـوم اللـي لحالـي يلومـي
قالوا جهلت وقلت جهلٍ بـلا قيـس
الجاهل اللي ما يعـرف اليمومـي
أشوف عـدلات الليالـي معابيـس
ولا احدٍ من الدنيا عظامه سلومـي
البني ما يصلح على غير تأسيـس
ومن لا تعلّم مـا تسـر العلومِـي
ولا خير في كثر الحكي والتماليـس
وقولٍ بـلا فعـلٍ يجيبـه وهومِـي
واليا ركبت معالجـات المضاريـس
يبدا على كبدي لهيـب السمومِـي
بالليل أصالي حاميـات المحاميـس
والصبح أصالي كل قبّـا وكومـي
واقفن بنا مثل النعـام المماريـس
ليا خف عجلٍ مع رفيع الحزومِـي
نستلحق اللي يطلبـون النواميـس
اللي مع الاقصين وادنـا اللحومـي
ولومي على اللي ينقلون العبابيـس
صنع الفرنج وكل رامـي لحومـي
وشلف ٍ تركّب بالرماح المناسيـس
وسلت المهار وكـل قبّـا قحومـي
والعز فوق معسكرات السواديـس
اليا قصدت اللي بالاشيـا رحومـيِ
قـب ٍ تنـازا بالنشامـا كراديـس
والطيـر فـي روجاتهنّـه يحـوم ِ
إن جن بالميدان مثـل الدواويـس
وتعاقبوا مـن فوقهـن السهومـي
عرج باهلهـن كنهـنّ القرانيـس
على الطريح مصوبرات ٍ كظومـي
حتى يزين لنـا المثـل والتوانيـس
والكيف طاب لمن يفـكّ القحومـي
ومن لا يقلّط شذرة السيف والكيس
يصبح عليه مـن الليالـي ثلومـي
ومن لا خذا الدنيا بميـز ٍ وتقييـس
مثل الذي يسبـح ببحـر ٍ يعومـي
كلّ القلم مـن كتبنـا بالقراطيـس
والخيل من كثـر الدلاليـج تومـي
وشيخ ٍ لنا يعطى الفقارا المفاليـس
عسـاه بالدنيـا بعـز ٍ يـدومـي
حر ٍ ليـا دبّـت عليـه النواميـس
اليا اعترض جول الحباري صرومي
اليا اكترب من بعض الاشيا سبابيس
أعـزم ولا بـد الفـرج للعزومـي
ثوب الفرح لبسك نظيف الملابيـس
إن قيل بايـام الكـرب والزحومـي
واعمل وتلقا وافهم العلم بالقيـس
ودنياك لو زانـت تراهـا نقومـي
تضحك وتخفي لك خفي الهناديـس
تفطر لنا يـوم ٍ ويـوم ٍ تصومـي
أربع سنين ودمع عينـي أماريـس
العين تسهر كـن فيهـا هزومـي
يجلي صدا قلبي ضبيح المهاريـس
ليا جاك شرّاب الحشايش يعومـي
ودلال فوق النـار دايـم محابيـس
إكرامهـن حـق ٍ علينـا لزومـي
من صنعة الصبّة وخمس ٍ تخاميس
وبريّة ٍ تعمـل بهـن كـل يومـيِ
وابهارهـا عشـر ٍ بليـا دنافيـس
كيـف ٍ يعـدّا للنشامـا القرومـي
عدّه لحمّـاي الجيـاد المراويـس
والا الحصان اللي بقينـه وهومـيِ
وصلوا على سيد البريـة بتدريـس
صفوة قريش اللي مشى باليمومـي
عدّ النبات وعّـد ذاري الطعاميـس
واعداد ما يمطر سحـاب الغيومـي

**معلومات** **العضو** · 14-12-2009, 12:49 PM

أونس بقلبي مثل صلي المحاميـس
الله يلـوم اللـي لحالـي يلومـي

صح الله لسانك يااخوي ولسان القايل مدد بلاعدد على هالجزلة الطيبة
استمعت بها جداااااااا

**معلومات** **العضو** · 15-12-2009, 04:05 AM

اقتباس:

المشاركة الأصلية كتبت بواسطة شيهانه بكف صقار

أونس بقلبي مثل صلي المحاميـس
الله يلـوم اللـي لحالـي يلومـي

صح الله لسانك يااخوي ولسان القايل مدد بلاعدد على هالجزلة الطيبة
استمعت بها جداااااااا

والسانك يشيهانه شاكر لك مرورك الضاوي
لس تحياتي وتقديري

**معلومات** **العضو** · 14-12-2009, 03:22 PM

صح السانه

قصيده جزله وفيها حكمه

لاهنت على نقلها

**معلومات** **العضو** · 15-12-2009, 04:08 AM

اقتباس:

المشاركة الأصلية كتبت بواسطة عاشق هريسان

صح السانه

قصيده جزله وفيها حكمه

لاهنت على نقلها

الله يحييك يعاشق اهريسان والسانك يخوي
شاكر لك مرورك الكريم

**معلومات** **العضو** · 14-12-2009, 03:47 PM

ولاخير في كثر الحكـا والتماليـس=وهرج ٍ بلافعل ٍ يجـي بـه نقومـي
(( ومن لايدوس الراي من قبل ماديس=عليـه داسـوه العيـال القرومـي ))
ومن لايقلط شذرة السيف والكيـس=يبدي عليـه مـن الليالـي ثلومـي

لاهنت يا نسل الاجاويــــد على هذا النقل للامير الشيخ

تركي بن صنهات بن حميـد ولقد سقط من نقلك للابيات

البيت الاشهر في هذه القصيده وهو ما وضعته اعلاه

بين قوسين

أخوك / ابو زيد

**معلومات** **العضو** · 14-12-2009, 05:12 PM

صح للسان الشاعر ولاهنت على نقل القصيده الجزله

**معلومات** **العضو** · 14-12-2009, 07:09 PM

صـــــــــــح لســـــان قـايـــلها ...
وتـــسلم يــــمين نــــاقلــها ...
عـــسى مــا ننــحرم مـــن جــديــدك ...

**معلومات** **العضو** · 15-12-2009, 04:33 AM

اقتباس:

المشاركة الأصلية كتبت بواسطة من دار ابو مشعل

صـــــــــــح لســـــان قـايـــلها ...
وتـــسلم يــــمين نــــاقلــها ...
عـــسى مــا ننــحرم مـــن جــديــدك ...

يمرحبا والله ويمناك شاكر لك مرورك العطر
تقبل تحياتي وتقديري

**معلومات** **العضو** · 15-12-2009, 04:17 AM

اقتباس:

المشاركة الأصلية كتبت بواسطة متعب الصخابره

صح للسان الشاعر ولاهنت على نقل القصيده الجزله

لاهنت يمتعب شاكر لك مرورك
لك تحياتي

**معلومات** **العضو** · 15-12-2009, 04:13 AM

اقتباس:

المشاركة الأصلية كتبت بواسطة ابو زيد الغييثي

ولاخير في كثر الحكـا والتماليـس=وهرج ٍ بلافعل ٍ يجـي بـه نقومـي
(( ومن لايدوس الراي من قبل ماديس=عليـه داسـوه العيـال القرومـي ))
ومن لايقلط شذرة السيف والكيـس=يبدي عليـه مـن الليالـي ثلومـي

لاهنت يا نسل الاجاويــــد على هذا النقل للامير الشيخ

تركي بن صنهات بن حميـد ولقد سقط من نقلك للابيات

البيت الاشهر في هذه القصيده وهو ما وضعته اعلاه

بين قوسين

أخوك / ابو زيد

الله يحييك يبو زيد مرورك مما يسرني ويفرحني لك تحياتي وتقديري