ركب الدواسر وشجاعتهم

[معلومات العضو الشكري]

السلام عليكم كثر الطلب على ذا السالفه وكان ودي اتاخر فيها وبذكر السبب في الاخير هذي القصه يرويها عيد بن مخيال ال سليمان يوم واجه الشيبان وعرفهم ورواها لهم ويمكن يصير اختلاف في النقل وهذا شي طبيعي حتا يمكن يجي واحد يقرا موضوعي ينقله بزياده او نقصان لكن الاهم المضمون كان عيد ابن مخيال مجهز المغزا على مطير وكان عنده من ظمن اللي بيغزون عده قبايل كا افراد ومن ضمنهم الدواسر واذكر الاسامي اللي وصلت في الروايه هديبان بن فالح بن شليله ومحسن بن فالح بن شليله وسحمي بن متعب اللي عرفناهم من الشكره وابن صادره الشرافا اللي عرفناه من باقي الدواسر وغيرهم والعقيد في ركب الدواسر هديبان بن فالح وكان مجتمع عيد ابن مخيال مع اللي عنده من العجمان ولا كان فيهم احد من الدواسر كلن يجهز المغزا الصبح الا سحمي ابن متعب من الدواسر اللي حاضرين مجلس ابن مخيال وفيه واحد ينقاله العساوي ( مهوب دوسري عليه السالفه ) ويحسب العيساوي ان سحمي ابن متعب انه عجمي ما يدري انه دوسري وسال العيساوي عن ذاك الركب ويشهم فعلمه ان ذاك الركب دواسر وقال العيساوي اظنهم ( .... ) قالها ويحسب كل الموجودين عجمان الا سحمي بن متعب قايم على حيله يرد عليه قال يا عيساوي قل امين قال امين قال سحمي جعل ذا المغزا مهوب مستور لين كلن يعرف ويبان فعله وعقبه عرف العيساوي ان سحمي دوسري ويظهر سحمي من المجلس ضايق ويتجه لهديبان بن فالح ويعلمه وعقبها يزهم الرفاقه تكفون يا دواسر الرجاجيل حاقرين ركبنا العلم تراه كذا ( وابشركم استجابت دعوة سحمي وكلن بان فعله ) يوم جا نهار المغزا الا ذي ابل مطير ماحولها احد وياخذونها الا مطير من وراها وتجي الطلابه ويتزاهمون مطير الا هم في وجه الركب وكلن يثور بندقه الا اول من ثارت بنقده في جميع الركب كله ابن صادرة الشرافا وجو مطير والله من الشجاعة فيهم الا مطير رادين الابل مانيب كانيها وقدهم ذلحين يبون روس الرجاجيل واركابهم الا والله واللي منع مطير ركب الدواسر ارتكولهم وتحامو من دون ربعهم الباقين هنا نرجع لدعوة سحمي ابن متعب ما منع مطير الا ركب الدواسر ويقومون مطير ويعقرون فرس ولد عم العيساوي ( ولد عم اللي يقول اظن الدواسر .... ) ويقوم يزهم في ولد عمه يفكه من مطير الا العيساوي يقوم ويهمل ولد عمه يبغا السلامه الا اقرب ماله سحمي بن متعب وهو يزهمه تكفا يبن شكر لا تخليني وعقبها يصيح سحمي ابن متعب على العيساوي وهو طاق يبغي السلامه مهمل ولد عمه المهم يقوله سحمي يا عيساوي رديفك رديفك يا لعنبا سباسيب ذا اللحا ما فك ولد عمك الا الدواسر ويعود سحمي للصويب وياخذه ويقوله ابشر باهلك ابشر باهلك ابشر بالسلامه والله ما نخليك ويرتكون صبيان الدواسر لمطير لين فكو ربعهم وجا الضرب والرمي بين الدواسر ومطير ويعودون الدواسر بالطايله ما واجه القوم وارتكا وبان فعله الا بالدواسر بعدها نشد سحمي بن متعب في السالفه وبذكر اللي حصل وسالفة العيساوي والله ما خفظت قصيدته وذا السبب اللي كان ودي اخرها لكن احفاده موجودين موجودين في المنتدى واللازم يجيبونها من شيبانهم يوم جدهم هو اللي نشد في الاخير كلن له فعله من القبايل اللي حضرو وكلهم فعلو في ذا الهيه لكن الدواسر هم الاكثر فيها وهم اللي كسبو الطايله هذا والله اعلم ان كان نسيت شي ما ذكرته السموحه ان حصل تقصير

 

 

 

 

[معلومات العضو ابو زيد الغييثي]

حـــي الرجـــــال وحــــي مــــا جاب اررررررررررررررررررررررررررحب تراحيب الحيا " الشكري " لاهنت يا شوووق البنت على هذا الموضوع الطيب و كفو كفو بلاد شكر و الشرافي يحروون بالطيب وافين جعلهم المعزة ولا خـــلا و لا عدم أبو زيد الغييثي

 

 

 

 

[معلومات العضو الشكري]

المشاركة الأصلية كتبت بواسطة ابو زيد الغييثي

تبقا تبقا الله يحيي نباك

يا مرحبا في ابو زيد ومروره اللي اسعدني ونور الموضوع

وعيدالله عليك مبارك

ولا شنت يا الغالي

ولا عليك ولا على ربعك قصور وافين موسعتن الحما

سلمت سلمك ربي من كل شر

 

 

 

 

[معلومات العضو ماجد الدوسري]

كفو والله بصبيان الشكرة وبالشرافا والدواسر كلهم ومشكور يالشكري على القصة اللي تطلق الوجه

 

 

 

 

[معلومات العضو الشكري]

المشاركة الأصلية كتبت بواسطة ماجد الدوسري

كفو والله بصبيان الشكرة وبالشرافا والدواسر كلهم ومشكور يالشكري على القصة اللي تطلق الوجه

ولا عليك زود يا ماجد ونعم فيك ووفي ربعك اللي انت منهم

والشكر لك على حضورك اللي اسعدني

 

 

 

 

[معلومات العضو الشامخ الودعاني]

كفوووو والله بصبيان الدواسر جعلهم بالمعزة امين .. لا هنت لاهنت لاهنت يا ناقل الموضوع تحياتي

 

 

 

 

[معلومات العضو نايف الخييلي]

الله يعافيك يالشكري
وطرح وافي
وكفوا بمن حضر سوا الشكره او الشرافي او من معهم , وسالفةً تطلق الوجه

جزيل التقدير

 

 

 

 

[معلومات العضو الشكري]

المشاركة الأصلية كتبت بواسطة نايف الخييلي

الله يعافيك يالشكري
وطرح وافي
وكفوا بمن حضر سوا الشكره او الشرافي او من معهم , وسالفةً تطلق الوجه

جزيل التقدير

وعافاك الله يا نايف

وشهادتن طيبه اعتز فيها

ولا عليكم زود يا خيالة الشرفا مخانير الرماح

والشكر لك طال عمرك وعلى مرورك الغالي سلمت ويسلم غاليك

 

 

 

 

[معلومات العضو الشكري]

المشاركة الأصلية كتبت بواسطة الشامخ الودعاني

كفوووو والله بصبيان الدواسر جعلهم بالمعزة امين .. لا هنت لاهنت لاهنت يا ناقل الموضوع تحياتي

يا مرحبابك يا الشامخ

ولا عليك زود طال عمرك

ولا شنت سلمت يا الغالي عسا يسلم غاليك

لا عدمتك

 

 

 

 

[معلومات العضو عبدالله الحافر الغييثي]

طولة بني عمي طولتي بيض الله وجهك على هذه السالفه اللي تنومس بيض الله وجهك علم غانم وانت راعيه

 

 

 

 

[معلومات العضو الشكري]

المشاركة الأصلية كتبت بواسطة خميس مطر الغييثي

صحيح يابو مطر

ووجهك ما يشين عسا عمرك طويل

ولا عليكم زود موسعين الحما

تسلم تسلم وسرني تواجدك الكريم يا الغالي

 

 

 

 

[معلومات العضو عبدالله الثاقبي]

السلام عليكم
ونعم في والله في محسن بن فالح وهديبان بن فالح وسحمي بن متعب
والله لايهينك يا الشكري على السالفه الى تبيض الوجه تقبل مروري يا الشكري

 

 

 

 

[معلومات العضو الشكري]

المشاركة الأصلية كتبت بواسطة عبدالله الثاقبي

السلام عليكم
ونعم في والله في محسن بن فالح وهديبان بن فالح وسحمي بن متعب
والله لايهينك يا الشكري على السالفه الى تبيض الوجه تقبل مروري يا الشكري

ونعم فيك يا الثاقبي

ووجهك ابيض والله يحفظك من كل شر والله يخليك لعين ترجيك

سلمت من كل شر

 

 

 

 

[معلومات العضو الخييلـي]

الله يعطيك العافيه يا الشكري

 

 

 

 

[معلومات العضو الشكري]

المشاركة الأصلية كتبت بواسطة الخييلـي

الله يعطيك العافيه يا الشكري

الله يعافيك ويقويك يا الغالي

سلمت