قصيده أبن شفلوت القحطانى

[معلومات العضو عبدالله أبن مصلح]

 

 

 

 

[معلومات العضو عبدالله أبن مصلح]

الحقيقه انها قصيده مليانه واعجبتنى .....

الطيب فرصه والجمايل توافيق=ومن لاتوفق ماكتب له جماله
ومن لارقى للطيب روس الشواهيق= مازان له وقته على ما بداله
ومادام لفعول الجمايل عشاشيق= كسب الجمايل ما يجي بالسهاله
ولو انها تشرب مع فكت الريق= كلن خذاله كل ما اصبح بياله
وطيب منوه للقلوب المشافيق= كلن يتوق ومنوته راس ماله
والمدح ما يزهي على الرجل ويليق= الا لا صارت وافيات خصاله
يستاهله رجلن يفك المزانيق =اللي يقال ونعم لا جاء مجاله
ومن ساقته نفسه وهو مابعد سيق= لا جل الجميل يزين الله فاله
والمرجله مهي بتحتاج تنسيق = من بين قلب الى عشقها وباله
ومن عادة الدنياء تخون المواثيق= تفتر مكرتها سوات المحاله
ولولا اللوازم ما عرفنا المخاليق = من نعرف الرجال لين نعناله
ولكفؤ تظهر فزعته حزت الضيق= وينشاف فشده بعين العداله
نسل الرجال متعبن الملاحيق = متوسطن من بين عمه وخاله
واللي يطيق ولا بغى قال ما طيق = تحرم عليه المرجله وشكاله
ولهينه تكبر على اللاش والهيق= له فالرخا قاله وفضيق قاله
والطيب شاره والضماير صناديق =واللاش طيبه ما تعدى ضلاله
وانا اسبر قلوب الرجال المغاليق= وصامتن اقطع غايته من مقاله
وما دام في الدنيا رجال ومطاليق=نصيتهم واللا ش مالي وماله

سعد بن مناحى ابن شفلوت

 

 

 

 

[معلومات العضو عبدالرحمن الشرافي]

ولكفؤ تظهر فزعته حزت الضيق= وينشاف فشده بعين العداله
نسل الرجال متعبن الملاحيق = متوسطن من بين عمه وخاله
واللي يطيق ولا بغى قال ما طيق = تحرم عليه المرجله وشكاله
ولهينه تكبر على اللاش والهيق= له فالرخا قاله وفضيق قاله

اخوي / سعود



الله لا يهينك على ذكر هذه القصيدة الجزلة

وهذه القصيدة منتشره بالرساءل على الجوال

ولا كنت اعرف راعيها ولا تكملتها




فبيض الله وجهك


وصح الله لسان ابن شفلوت




لك مني فائق الشكر والتقدير

 

 

 

 

[معلومات العضو عبدالله أبن مصلح]

اخوى / سالم الغريرى الله يقويك ويشرفنى مرورك طال عمرك

 

 

 

 

[معلومات العضو عبدالله أبن مصلح]

اخوى / عبدالرحمن الشرافى ومن قال ما يهان ...والله انها ابرك الساعات ... ويشرفنى مرورك طال عمرك

 

 

 

 

[معلومات العضو عبدالله أبن مصلح]

اخوى / عبدالرحمن الشرافى بيض الله وجهك على تعديل ( تنسيق ) القصيده

 

 

 

 

[معلومات العضو سالم الغريري]

صح لسانك ولسان الشاعر


واحسنت يا سعود على الاختيار الرائع


وعساك على القوة