بر الوالدين

[معلومات العضو تآج روس السلاطين]

القصه يرويها الشاعر ابوراكان البلوي ويقول ........عندما كنت في الرياض مقر عملي اتصل بي احد الاشخاص ينقل لي رساله من والدي رحمه الله يقول فيها (اذا كان عندك عمل او مشغول عليك الاتصال على احد الاشخاص المقربين لتوصيلي لمراجعة المستشفى )
وليس من المعقول ان ارسل شخص يخدم والدي بدلاً عني وانا على قيد الحياه وكتبت هذه الابيات :



ابوي انا باجيه لو كنت مشغول
عن جيته مافيه شغل يحداني
ماني بمرسل له من الناس مرسول
في خدمته ماحدن يسد بمكاني
يبشر بعزه ياعسى عمره يطول
واجب علي اجيه لو مادعاني
وليا دعاني جيت عجلن على طول
ماني من اللي ينقطع بالمثاني
لو اعتذرت العذر ماهو بمقبول
كيف اعتذر عن واجبي في زماني
عيبن علي ادور العذر واقول
بعض المواقف مابها قول ثاني
والوالدين حقوقهم مابها قول
تاجب علينا مثل صوم رمضاني.

 

 

 

 

[معلومات العضو حمد ابن فهد]

الله على ذائقتك الرفيعه سلمت وصح لسان الشاعر البلوي وعز الله ان الوالدين مهما فعلنا مالحقنا ربع ماسووه فينا

 

 

 

 

[معلومات العضو بنت الذيب]

والوالدين حقوقهم مابها قول
تاجب علينا مثل صوم رمضاني


صح لسان شاعرها

وتسلم يمينك اخوي تاج على طيب اختيارك

بارك الله فيك

 

 

 

 

[معلومات العضو كايده]

سلمت يمينك ع النقل وجعلها محرمه عن النار
وصح لسان شاعرها
والله يطول بعمر ابائنا وامهاتنا على طاعته وعبادته وهم بصحه وسلامه
ويرحم من مات منهم ويغفر له ويجعله بجنه الفردوس

 

 

 

 

[معلومات العضو تآج روس السلاطين]

شاكرمروركم ويعطيكم العافيه وبناسبة عيدالفطرالمبارك كل عام ونتم بخير ومن العايدين بعون الله