الطيب وهبة

[معلومات العضو شافي بن راشد النتيفات]

للتعديل في الشطر الاخير


الطيب وهبة من عزيز الجلالي
لوهو وراثة ماتردى ولد شـيخ
ولا يقاس بزين لبس وجمالي
معياره منافس وجيه المطانيخ
السوق حامي والدراهم حلالي
وسعر الذهب ما ينتقارن ببطيخ
واللي ضمن ربحه ولوهو ريالي
ماهوب مثل اللي سوات الشواريخ
دايم وهو من شين فعله يلالي
ودك على القلة يعرقاله . بصيخ
الرجل لا من طب بين. الرجالي
فيذكر فعل جده وذيك . التواريخ
المرجله ماهيب لعب ودلالي
للي تلابيبه.. .. كبار .ومنافيخ
تبغالها اصوك . راس يرقا الطوالي
لو دونها جيش ن .وقوة صواريخ
يسقي بني عمه . قراح ن زلالي
وعلى العدى سم ن ذحاح وتوبيخ
واليا وقف متنه يشيل الثقالي
ما يشتكي لو عظمه يروح تشليخ
هذا ترى اللي خوته راس مالي
ما هوب خبل وسط بزرانه يشيخ
راحت حياته خدمة ام العيالي
ينذخ وراها مثل ماينذخ الذيخ
من اولا ن مايحسب من الرجالي
واليوم تباااعه ... ينادونه الشيخ


شافي بن راشد النتيفات

 

 

 

 

[معلومات العضو نآصر البدراني]

صح لسانك واعتلى شانك

وافي وعلومك وافيه وكاسب الطيب والمرجله

تحيتي وتقديري

 

 

 

 

[معلومات العضو راشد المسعري]

صح لسانك يابو شالح
ننتظر جديدك دايم بكل شوق ،،،