ملفاه للرجبان ساعة وصوله

[معلومات العضو منيع مرزوق الروقي]

بسم الله الرحمن الرحيم

عنوان القصيدة
" ملفاه للرجبان ساعة وصوله "

مناسبة القصيدة : تبادل التكريم وتعزيز الصداقة بين الشاعر منيع مرزوق فهد الذيابي الروقي
وصديقه الشيخ شجاع بن محمد بن مجدل الرجباني الدوسري
إنه واعتزازاً بهذه القبيلة التي هي بمثابة رأس الرمح في نجد وأقل ما أصفهم به
فإنهم دولة تحت ظل دولة

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,

يا راكب اللي بالغ في كمولــــه
مع زين شكله راحة للمسافــر

جيب عباقرت اليابان اخلصولـــه
وبنوه بنيت محكمين الظمايـر

حسين وجه منسق في ميولــــه
وسطابه الخلفي عريض وكاسر

شيخ لبس بشته وربعه عنولــــه
شخصية بسكات تنهي وتأمــر

على الفقير اليوم صعب حصولــه
ما يشتريه من العرب غير تأجر

مركب هوامير الذهب والسيولـــه
اللي لهم في سوق الأسهم متاجر

من ديرة أم الدوم وجه رسولـــه
الجدي خلفه عن سهيل امتيـاسر

مهوي كما أهواي الصقور العجولـه
لا هو بلا مجنب ولا هو بجادر

متوجه يم الدواسر نزولـــــه
وراعيه ماله فالمحطات خاطـر

هواه في الوادي وناص زحولـــه
ما قدم عينه غير واد الدواسـر

واد عليه من الملامح كهولــــه
وفيه للري الصناعي محــاور

ملفاه للرجبان ساعة وصولــــه
في بيت شيخ ما يحسب الخسايـر

شيخ من الرجبان بانت افعولـــه
شجاع أبو تركي علي الطيب قادر
كريم يزها الطيب فعله وزولـــه
خطل اليمين إن جاء نهار التناحر

يرتاح من جاله وينسى أعضولــه
في مجلس دايم من الناس عامــر

اثنى على اللي طيبات أوصولــه
ويثني عليه من العرب كل زايـر

وهنا من الشباب شايب رجولـــه
قد عاصر الدنيا على كل ظامـر

كريم سبلاً كل شامخ يطولــــه
صمعان حلال الامور العسايــر

وغيرهم عقبان صوله وجولـــه
دواسر يؤمن بهم كل كافــــر

لقيتلي دولة تحت ظل دولــــة
في وادياً زرع ونخيل وعمايــر

جنوب هضبة نجد هامة بطولـــه
شجعان وهل للكرم والتفاخـــر

فالواجبات المال ما حسبولــــه
وبصحونهم يفدع ظهر كل عـاقر

هم حاكمة واد الدواسر انزولـــه
يفخر بهم واد من الخير زاهــر

واد من الخــيرات خضر سهولـه
في ديرة ابن اقويد شيخ الدواسـر

نادر حراراً فــاز في كل صولـه
وقبيلته نــوادر مــن نــوادر

عدوهم تكبر عليـــه الحمــوله
لو هو طويل امساء من الذل قاصر

وصديقهم عنه الحــمول امحمـوله
ولو هو صغير أصبح من العز كابر

نجد ابتسم يـوم الدواسر لفولـــه
اخوان شما المعتلين الكواســـر

طريحهم يعـيش بالسقم حولـــه
وكسيرهم ما ينوجد له جبايـــر

يا ويل خصم في اللقا ناحرولـــه
عاثر ومن يمشي مماشيه عاثـــر

تاريـخهم في نجد يوم انز حولــه
يحكي عن الأبطال فعل ومآثـــر

حكا لهم نجد العذي وحكولــــه
وصاروا كما نجم على نجد ظاهر

إلـهم بتاريخ الجــزيرة فحولــه
عقبان ضد وكابر نسل كابــــر

أهل كرم من جالهم رحبولـــــه
جنابهم من كل الأدناس طاهـــر

نزح لهم شالح وجاهم وجولــــه
الجار نعم ونعم ذاك المجـــاور

يوم شالح عزوته ما ارسلولــــه
وقت اجتماع بينهم بالتشــــاور

شالح لقي عند الدواسر قبولــــه
بعد نزوحه من ديار الخنــــافر

يا عنك ما مالت بشالح عدولــــه
أصبح بعد كسر الجناحين جابـــر

وابن مطرف جالهم وفزعولــــه
ينخا الدواسر يا رجال المحاضــر

جا لآل زايد ينتخي ونتخولــــه
وصدوا عنه سهم العدو المخاطــر

أصبح بمان عايش في كفولــــه
ما يشتكي من ضيم الأيام زاجــر

خلوا كبــود المعتدين امعلولـه
كم واحد عنهم من الذل نايــــر

فنظارهم كل المتاعـب سهـــوله
والذل حطوله وراهم مقابـــــر


عقالهم يثنون في كل صو لــــه
وجها لهم عقال عند المحاضـــر

أسلاله تأصلة من حمولــــــه
فريس حرب وللمجالس عنابـــر

عنهم ردي الحض تقصر أخيولــه
وبهم كسير العظم يرقي المعاسـر

أنتم سنام الطيب وأنتم قبولــــه
أهل العقيدة للمساجد منابــــر

مرحوم جد جابهم وان تمولـــه
في أول زمانن يشوي الوجه غابـر

من سد مأرب جاك يشعب ذلوله
ما معه غير أمه وقطعة عشايــر

يوم حكام اليمن ما صفولـــه
على مفارقهم يزف البشـايـــر

يا بنت ياللي من ظلالك خجولـه
حضك بها الدنيا مثل حـظ هاجـر

ولدك زايد ثيب الله أرجولـــه
في وادياً جمه على السطـح فايـر

نزل بواد كل الأقوام حولـــه
جابه من السد اليمـاني أمهاجــر

ملطوم والملطوم نفسه زعولــه
واقل وصف انه شجـاع مغامــر

أهواء على الوادي ونزح اقفولـه
وله نية في عزمها مـا يخايـــر

واليوم واديهم بعرضه وطولــه
ينسب لهم والطيب حـاضر بحاضر

من حقي امد حكم بشعري وأقولـه
والمدح في أهل الطيب قـبلة خواطر

شعري ما يهدف للعطاء والعموله
شعر المديح ابطـيبين المخابـــر

في مدحكم نفس الذيابي بسولـه
ومع الشعر تغلب علـيه المشاعـر

وطيبكم فاق القياس أمحصولــة
ولأنتم بفي حاجة لكاتـب وشاعـر

أنتم سنام الطيب وأنتم قبولــه
أهل عقيدة للمساجد منابـــــر

___________________________________

الإهداء لقبيلة الدواسر

لشيخ شمل قبيلة الدواسر / مران بن متعب بن قويد الدوسري
للصديق العزيز / الشيخ شجاع بن محمد بن مجدل الدوسري
لشائب القبيلة / صمعان بن محمد بن غماجة الدوسري
وكذلك إهداء لكل فرد من أفراد قبيلة الدواسر حاضره وباديه

..........................................

ولكم تحيات الشاعر / منيع الروقي

 

 

 

 

[معلومات العضو ابوبدر المصارير]

ارحب هلا والله وغلا مرحبا مليون

بالشاعر الكبير منيع بن مرزوق الروقي

وصح الله السانك يالقرم واعتلى شانك وبيض الله وجهك قصيده جزله من شاعر جزل

ويستاهل الشيخ / شجاع بن محمد بن مجدل الرجباني الدوسري المدح وهو كفو له

ولا عليكم زود يالهيلا علومكم غانمه اول وتالي

وكل الشكر لك على الاهداء ومرحبا بك في محلك وابرك الساعات اللي شرفتنا فيها

 

 

 

 

[معلومات العضو أخو الشيوخ]

بيض الله وجهك ياعز روق وعز الله كفيت ووفيت


ومنبع الطيب مايورث الا طيب


وتقبل مروري

 

 

 

 

[معلومات العضو فيصل الشكري]

الشاعر القدير / منيع مرزوق الروقي


صح الله السانك يالقرم واعتلى شانك

ولا عليكم زود يالهيلا علومكم غانمه اول وتالي


تقبل تحياتي,,

 

 

 

 

[معلومات العضو الرجباني مشاري]

الشاعر القدير / منيع مرزوق الروقي


صح الله السانك يالقرم واعتلى شانك

ولا عليكم زود يالهيلا علومكم غانمه اول وتالي


تقبل تحياتي,,

وبيض الله وجهك يالسنافي


وافي وجزل

 

 

 

 

[معلومات العضو محمد بن سالم الخضراني]

ارررحب يامنيع الروقي تراحيب المطر



صح السانك ورحم لله شيبانك حيهم وميتهم وجعل يمناك مايجيها العطب



وفيت وكفيت يالشاعر العملاق ولا عليكم زود يالهيلاء عتيبه



قبيله وافيه وعزيزه على قلوبنا


يستاهل المدح ابن مجدل اللي عرفنا عليك


ويستاهل ابن قويد المدح


ويستاهلون الدواسر كافه المدح


لاهنت يالروقي وللمره الثانيه اقول صح لله لسانك ولله لايهينك



ولك التقدير والاحترام

 

 

 

 

[معلومات العضو غازي المسعري]

ارحب هلا والله وغلا مرحبا مليون منيع الروقي وصح الله السانك يالقرم واعتلى شانك وبيض الله وجهك قصيده جزله من شاعر جزل ويستاهل شجاع بن محمد ولا عليكم زود يالهيلا علومكم غانمه اول وتالي وكل الشكر لك على الاهداء ومرحبا بك في محلك وابرك الساعات اللي شرفتنا فيها

 

 

 

 

[معلومات العضو فهد الغريري]

الشاعر العزيز والاخ الكريم :منيع مرزوق الروقي" ارررررررحب ثم اررررحب ترحيبةٍ تحمل جزل القصيد في مقامك العالي والله يابو مرزوق مدري من اين ابدى الكيبور تعطل والانامل يبست والقلب زاد نبظه مما شاهد جزل القصيد وقوت المعاني التي تحملها ما شاء الله تبارك الله اسال الله رب العرش العظيم ان يهنيك في عمرك وان يبارك في احساسك وان يقاك من كل شر هذا القصيد الذي يرن في الاذهان ويشربه الفؤاد صح الله السانك وعتلا شانك وزادك الله من زوايد فضله التي لا تنقضي حبت خشم على مابديت من جزل القصيد. ونعم فيك وفي ربعك عتيبية ويستاهل شجاع بن محمد جعله المعزه ولا عليكم زود يالهيلا علومكم غانمه اول وتالي (وقصيده تستاهل التثبيت) تقبل مني فائق التقدير والاحترام والاعتزاز في شخصك النبيل اخوك / فهد بن هادي الغريري

 

 

 

 

[معلومات العضو راشد المسعري]

منيع بن مرزوق الروقي

ارحب واسهل يالقرم وصح لسانك وسلم فكرك والنعم بك وبالروقة وبعتيبة الهيلا ورجالها الأكارم والطيب ساسكم ولاهوب غريب عليكم ياطويل العمر .

وبالنسبة للشيخ شجاع بن محمد وإخوانه وأبنائهم فشهادتنا فيهم مجروحة وهم كفو ورجال يستاهلون ماقيل فيهم ومن قدم الطيب يلقاه.

وما دام الدعوى مزارق طيب يالروقي فأنا قريت بيت في أحد المنتديات يقول:-

الطيب مابين المخاليق قسميننصفه مع الروقة وباقيه للناس

وهو طبعاً توقيع لأحد الأعضاء في المنتديات والا الطيب موزع للمخاليق كلهم وكل القبايل والنعم وفيهم حقهم من الطيب والشجاعة وكل الصفات الطيبة.

لا اطيل عليك ولكن اقول مرحبا بك ومسهلا في منتدى الدواسر الرسمي وبيض الله وجهك وتقبل ودي وتقديري ،،،،

 

 

 

 

[معلومات العضو ابو زابن المسعري]

ارحب هلا والله وغلا مرحبا مليون

منيع الروقي

وصح الله السانك يالقرم واعتلى شانك وبيض الله وجهك قصيده جزله من شاعر جزل

ويستاهل شجاع بن محمد

ولا عليكم زود يالهيلا علومكم غانمه اول وتالي

وكل الشكر لك على الاهداء ومرحبا بك في محلك وابرك الساعات اللي شرفتنا فيها

 

 

 

 

[معلومات العضو معزي]

المشاركة الأصلية كتبت بواسطة فهد الغريري

صح الله السانك

 

 

 

 

[معلومات العضو دغش محمد الصخابرة]

الشاعر القدير / منيع مرزوق الروقي


صح الله السانك يالقرم واعتلى شانك

ولا عليكم زود يالهيلا علومكم غانمه اول وتالي


ويعطيك العافيه ....

وتقبلوا تحيااااااااتي ,,,

ودمتم بحفظ الرحمن

 

 

 

 

[معلومات العضو منيع مرزوق الروقي]

يعطيكم الف عااااااااااافيــــــــــــــــــــــــه

وهذا اقل ما يقدم لكم

تستاااااااااااهلووووووووووون اكثر من قصيده

ومهما قلت ما راح اوفي بحق هالشيخ والصديق و الدواسر بشكل عااااااااااااااام

قبيله وسبعين الف نعـــــــــــــــــــــــــــم

اسعـــــدني مروركم وردودكم الرائعه

 

 

 

 

[معلومات العضو يحيى الودعاني]

صـــــــــــــــــــــح لسانك و اعتلا شانك

لا فظ فوك

وافي ولد وافي


لاهنت

 

 

 

 

[معلومات العضو عبدالله الحافر الغييثي]

ارحب هلا والله وغلا مرحبا مليون بالشاعر الكبير منيع بن مرزوق الروقي وصح الله السانك يالقرم واعتلى شانك وبيض الله وجهك قصيده جزله من شاعر جزل ويستاهل الشيخ / شجاع بن محمد بن مجدل الرجباني الدوسري المدح وهو كفو له ولا عليكم زود يالهيلا علومكم غانمه اول وتالي وكل الشكر لك على الاهداء ومرحبا بك في محلك وابرك الساعات اللي شرفتنا فيها