ياسيدي جانا من القاضي الحيف ..

[معلومات العضو سعد بن سويحل الخضران]

بسم الله الرحمن الرحيم
قصيدة معاناه موجهه لسمو سيدي أمير منطقه الرياض سلمان بن عبدالعزيز حفظه الله ..

ياسيدي   جانا   من   القاضي    الحيفقاضي   ردى   ماهو   بقاضي    شريعه

أحمد  ولد  صالح  وله   الاسم   تعريفقاضي   عنيزه   والردى    له    طبيعه

ياسيدي    سلمان    يامكرم     الضيفسلمان  تسعام  أهل  النفوس   اللكيعه

مقابله      سلمان      عزً      وتشريفومن   غيبته   ضاقت   علي    الوسيعه

أبوك حكم بالسيف من السِيف  للسِيفمن  اقصى  تبوك  ألى   حدود   الوديعه

يمشي  وراه  الجيش   وجمعً   مراديفومع    جرته    تشبع    سباعً     مجيعه

خلاّ    جميع    الناس    ربع    ومواليفلولا     معزي     كان     راحو     نزيعه

ماجاه    حكمه    بانتخاب    ومضاريفألا      بحد       المرهفات       الشنيعه

سلمان ينصف من شكا الضيم وضعيفوانتو     سندنا     والحصون      المنيعه

أراجع    من    العام    تعبان    ومعيفلاجيت    يوم    السبت    قالو     تبيعه

ياسيدي     قلّت     علي      المصاريفوالراتب     وقف     ماستفدنا     بريعه

موقفه   من   حرف   الوضع    تحريفيمكن    يحطه    في    حسابه    وديعه

خمسه وخمسين ألف ينهب على الكيفوهاذا   تصرف    من    ضميره    يبيعه

فهد   يعرف    اللي    يخفّا    بالارشيفخلّه    يقول    اللي    يعرف     ويذيعه

وسعود    يعرف    صرفها    والتكاليفيمكن   يحط    أرقام    عنده    فضيعه

متغطرسن    بالكبر     كبرً     بتسويفيضلم      ويبغانا      بضلمه       نطيعه

يفكر    أنه    ينهي     الوضع     ويخيفنموت     ولانرضا      بضلم      وهزيعه

ياسيدي    سلمان    يامكرم     الضيفسلمان  تسعام  أهل  النفوس   اللكيعه

..

اخوكم
سعد بن سالم بن سويحل الخضران الدوسري

 

 

 

 

[معلومات العضو ناصر بن فهد]

صح لسسانك ي ابو سلطان

والله يسمع شكواك وينصرك ع القاضي ويرجع حقك ي ابوسلطان

 

 

 

 

[معلومات العضو مبارك بن شافي النتيفات]

صجح لسانك يابوسالم واعتلى شانك

 

 

 

 

[معلومات العضو اسد الوادي]

لاهنت يا اخييي الشاعر
سعد بن سويحل الخضران
كلمات روعه وصح السانك
وسلمت الأيادي على القصيده الجزله
وفي انتظار ابداعكم



يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه

&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور

 

 

 

 

[معلومات العضو شافي بن راشد النتيفات]

صح لسانك يابوسالم والله يرد الحق لك ومادام سلمان واخوانه موجودين
ان شاء الله مايضيع حق لاحد الله يعزهم ويرفع شاننا وشانهم

 

 

 

 

[معلومات العضو غازي المسعري]

صح لسانك يابوسالم والله يرد الحق لك ومادام سلمان واخوانه موجودين
ان شاء الله مايضيع حق لاحد الله يعزهم ويرفع شاننا وشانهم

 

 

 

 

[معلومات العضو عبدالرحمن بن فلاح آل بريك]

صح لسانك يا طويل العمر .

وأسأله الله في هذا الوم المبارك أن يقضي حاجتك وأن ينصرك على من عاداك ..

 

 

 

 

[معلومات العضو راشد المسعري]

الله لله صح لسانك يابن سويحل

والله ينصر كل مظلوم

والقضاء مهمة صعبة وقد قيل ولا أدري هل هو حديث أم أثر

( قاضي في الجنة وقاضيين في النار )

والله يعين اللي مايحكم بالعدل على الثانيه

تقبل ودي وتقديري ،،،،

 

 

 

 

[معلومات العضو حفيد الأمراء]

ابن سويحل


الاخ العزيز


وابن العم الغالي


والشاعر المعروف بجزل القصيد

سلام الله عليك

ومرحبا ثم مرحبا عداد براق تلالا

قلت فأبدعت

ونشرت الجواهر المخفية في صدرك

عبر منتدانا الرائع

واعلم ان المظلوم لابد ان يأخذ حقه مهما طال الزمان او قصر

(ولايضيع حق وراه طلابه)

والله مع المظلوم ثم ملوكنا الكرام

ابن سويحل

صاحب المعاني القوية

صدقني

انني استمتعت وانا اطالع قصيدتك

من احساس صادق

بعبر عن عزة نفس الشاعر ورفعتها

ابا سلطان

امر هام

اكثر من الدعاء في الثلث الاخير من الليل

حينما ينزل الله جل جلاله منزل يليق بجلاله

ولن تخيب من رب رحيم

يقبل دعوة المظلوم ولو كان كافرا

واعلم ان البرامكه حينما سجنوا

قال كبيرهم

اصابتنا سهام الليل ونحن غافلين

واعلم انك لن تغفل عن هذا الوقت العظيم


واخيراً

شاكرين لك روعة قصائدك ولاتطيل علينا الغيبه

تقبل مني كامل ودي واحترامي

 

 

 

 

[معلومات العضو سعد بن سويحل الخضران]

المشاركة الأصلية كتبت بواسطة ناصر بن فهد

صح لسسانك ي ابو سلطان

والله يسمع شكواك وينصرك ع القاضي ويرجع حقك ي ابوسلطان

صح بدنك يابو فهد
ولاهنت على مرورك

توضيح :

القاضي أسم اسرته وليس بقاضي شرع

تقبلو تحياتي
ابن سويحل