المال كثره وقله

[معلومات العضو سالم بن صمهود]

حمدهادي المسردي يضرب على الاوتار الحساسه

قال من عدى حجـا نفنـوف عالـيضـايـقٍ صــدره وكـاثـرةٍ شطـونـه

ابـدع القيفـان مـن ضيقـات بـالـيوالغـنـاء ماهـيـب تخفـانـي لحـونـه

هاضني ياهل الوفـاء شـئٍ طرالـيوقلـت قـول وبعلـمـه لـلـي يبـونـه

أشهـد أن العـز فـي كثـر الحـلالـيوالعـرب مـن قـل مالـه يكرهـونـه

مـن معـه مـالٍ تـراه يصيـر غـالـيوالفقـيـر الـنـاس لازم يرخـصـونـه

يرخصه حتى الرفيـق اللـي موالـيوأسـرتـه لَـقـل مـالــه يبغـضـونـه

مـايـريـده لاعــمــام ولا خــوالــيويمكـن أن عيـال أبـوه يقاطعـونـه

والله لو هـو مثـل أبـو زيـد الهلالـيمـايـحـسـبـونـه ولا يـسـتـعـبـرونـه

والغنـي لـو كـان مايسـوى ريـالـيغـالـيٍ عـنـد الـعــرب ويـقـدرونـه

ويمدحونه كل مـا جـاء لـه مجالـيوأن بـدى لـه لازمٍ يقضـون شـونـه

لــو ذلـيـلٍ يخلـعـه زول الـظـلالـيمـا يكافـح لـو يدفـل فــي عيـونـه

أو بخيـل عـن مزايـا الجـود خـالـييـاخــذون بـخـاطـره ويجـامـلـونـه

وعندهم هرجه كما السمن الزلاليوالفقـيـر الـيـا هــرج يستنـكـرونـه

وكم يعـز المـال مـن جـالٍ هيالـيوكـم عزيـزٍ معسـرٍ كثـرت ديـونـه

وكـم ردي حيـث بيـده راس مالـيجـو عكفـان الـشـوراب يخدمـونـه

حـدت الحاجـة كريمـيـن السبـالـييسمعـون أمــر الــردي وينفـذونـه

وغيرت مجرى الدهر سـود الليالـيوالطلب طبـع الخلايـق عـن يكونـه

واليميـن اليـوم صـارت كالشمالـيوالـعـوارف مقـصـدي مايجهـلـونـه

كل من كثرت فلوسه مايبالي=وأن خطب عند الرجال يزوجونه

والبـنـي البـيـض حـلـوات الـدلالـيمن عجز في المرجلة عافن فنونـه

والـمـراجــل مـاتـهـيّـا لـلـرجـالـيغيـر مـن عـقـب اجتـهـادٍ يبذلـونـه

من بغا كسـب العـلا سهـر الليالـيوالكسـل يــرث لراعـيـه المهـونـه

صـدقـونـي يامـداغـيـش العـيـالـيوأتركـوا نـوم الضـحـى لاترقـدونـه

ودي أرشدكم ولو ما أرشدت حاليمنـصـحٍ بالـنـصـح لـلــي يقبـلـونـه

والرجـاء يالعارفيـن مـن الرجـالـيلابــدى مـنــي قـصــورٍ تكمـلـونـه

وأسمحوا لي يالنشاما فـي مقالـيوالـسـلام خـتـام لـلـي يسمـعـونـه

قـالـه الـلـي ذايــقٍ مـــرٍ وحـالــيلـه روابـع وأخلفـت بقعـاء ضنـونـه

حمد بن هادي المسردي القحطاني

 

 

 

 

[معلومات العضو نايف الخييلي]

اختيار اكثر من رائع

وقصيده لاشك جزله ومعبره ولشاعر كبير

أحييك على هذا الاختيار يابو فيصل

 

 

 

 

[معلومات العضو الشقرديه]

لاهنت على نقل القصيده الجزله

 

 

 

 

[معلومات العضو عبدالله الحافر الغييثي]

ارحب يابوفيصل بيض الله وجهك على هذه الرائعه لعملاق من عمالقة الشعر لاهنت وتسلم وتدوووووووووم

 

 

 

 

[معلومات العضو خيالية]

صـــح لســااان الشــاااعر ، الله يعــااافيك على نقلهااا

 

 

 

 

[معلومات العضو محمد بن سالم الخضراني]

سالم يعطيك لله العافيه اختيار يدل على ذوقك الرفيع