قصة ناقة عبدالله الشمالي

[معلومات العضو بن واصل البدراني]

قصة ناقة عبدالله الشمالي
هذه القصة جرت على رجل من قبيلة الدواسر اسمه عبدالله بن مفرح ويلقب (عبدالله الشمالي) وكان عنده ذلول طيبة أحسن عسفها وأسماها ( الهدَيّة ) وكانت سريعة وتطوي المسافات في وقت وجيز , ومحبة الرجل لناقته غير مستغربة وكذلك موالفتها له , فالإبل تعرف صوت صاحبها وتحن عليه , وأصيب عبدالله الشمالي بمرض الجدري الذي كان شائعا في حينه بين الناس, ولزم الفراش قرابة شهرين , وكانت الناقة قد أحست بما أصاب صاحبها , فأخذت تأتي وترفع رواق بيت الشعر برأسها تطالعه وتحن ( تصدر صوتا حزينا ) وبعد مدة توفي صاحبها فكانت الناقة تأتي للبيت وترفع الرواق برأسها وتنظر الى مكانه خاليا ثم تسري فكانت ابنه الشمالي واسمها سارة تعقل الناقة حتى لا تسري في الليل وظلت الناقة نصف شهر وهي تهجرع بالحنين , وكان عندهم جار اسمه ( حصيبان ) من قبيلة عنزة أيقظت الناقة ذات ليلة وهي تهجرع بالحنين فأثارت الأحزان في نفسه وذكرته بجاره المتوفى فقال :


من لقلبٍ هيّضه حسّ الهدَيّه=هجرعت بالصوت من عقب الشمالي
يا ذلول القرم حَمّاي الردِيّه=اصبري عقبه على سقم الليالي
ذكـّرَت بالحب من عينه شقيّه=ذاكر ٍ في نجد خلان ٍ وغالي
عقب فقده ما توالف للرعيّه=تطرده ساره على روس المفالي
عزتي للقرم حطـَّوا له بنِيّه=عزتي للقرم من قبر ٍ هَيالي

(( ابن واصل البدراني الدوسري ))

 

 

 

 

[معلومات العضو ماعليكم زود]

لاهنت يابن واصل
بارك الله فيك
وجزاك الله خير

 

 

 

 

[معلومات العضو شموخ بدويه]

يابرى حالى

 

 

 

 

[معلومات العضو أبـ ريماس ـو]

قصه جميله وقصيده اجمل الف شكر على الموضوع

 

 

 

 

[معلومات العضو ابو فهد الغييثي]

يعطيك العافيه على القصه


ولاهنت على كل حال

تحيااااااااااااتي

 

 

 

 

[معلومات العضو ابو زيد الغييثي]

لاهنت يا بن واصل

أما الشمالي هو : عبد الله بن مفرح من الحراقين من آل منصور من آل اسلمة الغييثات
جلا صوب الشمال بسبب دم كان عليه وبذالك لقب بــ ( الشمالي )


وقد قال جاره هذه الابيات بعد ان سمع ناقته (( تهجرع بالحنين )) لوفاته حيث كان يحبها حبا شديد فقال العنزي هذه الابيات :-

يا مل قلب هيضه حس الهديه =هجرعت بالصوت من عقب الشمالي
ياذلول القرم حماي الرديـه =اصبري عقبه على سقـم الليالـي
ذكرت بالحب من عينه شقيه =ذاكـر فـي نجـد خـلان وغالـي
عقب فقده ماتوالف للرعيه =تطرده ساره (1)علـى روس المفالـي
عزتي للقرم حطولـه بنيـه =عزتي للقـرم مـن قبـر هيالـي
عادته بالكون يثني للرديـه =ينسـم الحفيـات ريـف للهزالـي

 

 

 

 

[معلومات العضو الحريجي]

اشهد ان الأبل لامن حنّت .. هجرعت على اللحن الحزين .. ** والله يرحم عبدالله الشمالي الغييثي الدوسري صاحب الناقه الهديّه .. وصح لسان الشاعر العنزي حصيبان .. اقدى بالأبيات الي رثى بها خويه الغييثي الدوسري راعي الناقه .. ** لاهنت يابن واصل على ذا القصه الي واصلنا علمها من قبل مانقراها بالنت .. ** تقديري..

 

 

 

 

[معلومات العضو محمد الولامين]

بيض الله وجهك يابن واصل على القصه

ولاهنت على كل حال

 

 

 

 

[معلومات العضو ابن نابت]

مشكور يابن واصل

والف شكر يابوزيد الغييثي ، لإنك جاوبت عن من هو عبدالله الشمالي

لإنه كان يشغل تفكيري