امام مسجد يسمع نداء ابنه وهو ساجد ( قصه واقعيه)

[معلومات العضو أمـــيرتـــهم]

بسم الله الرحمن الرحيم






هذا الشخص العاصي يروي قصته بعد ان استقام


المهم كنا 5 من الشباب وصلنا الصباح و نصبنا خيمتنا على شاطئ البحر وكالعادة ذبحنا الذبيحة ووو الخ
أنا بصراحة وأعوذ بالله كنت الوحيد بينهم ما أصلي نهائيا يعني وقتها كان عمري 21 ولا أركعها
مع أن أبوي إمام مسجد و كنت أطيعه في كل شي يقوله ويامربه ألا الصلاة
وفي حياتي ماسمعتة يدعي على ماكان يقول غير الله يهديك ويصلحك بس
كان يقومني للصلاة أروح اخذ فره بالسياره وارجع بعد ما يخلصون
لأنه هو أول واحد يدخل المسجد وأخر واحد يطلع منه
عشان كذا مراح يفقدني
يعني كنت عاصي لدرجه مو طبيعيه,,,,

المهم بعد ما تغدينا جهزوا الشباب عدتهم يبغون ينزلون البحر يروحون رحلة غوص
وطبعا كان لازم واحد يجلس في الخيمة جلست أنا لأني موقد كذا في الغوص
جلست لوحدي في الخيمة وكان جنبنا شباب أذن واحد منهم وطلعت برى
شفتهم يتجهزون للصلاة قلت تجنبا للإحراج خلني انزل للبحر
اخذ لي شوط سباحه,,

المهم لبست ونزلت للبحر .. مشيت مشيت الين جيت في منطقه حلوه للسباحه موعميقه مره ولا قريبه
سبحت وسبحت وسبحت ومنطقة الشعيبة معروفه بالأجراف
تعرفون الأجراف أكيد,,

المهم تعبت شوي وقلت خلني أنام على ظهري وأهمل جسمي على أساس أريح شوي وارجع
سويت الحركة و جلست أطفو شوي وووفجأه حسيت أن واحد سحبني لتحت ونزلت تحت المويه
حاولت أوقف على ارض البحر وادف نفسي فوق على بالي أن المسافة مترين تقريبا
اثاريني وأنا أسبح بعدت ونزلت في جرف وأنا ما ادري وطبيت في منطقه عمقها 5 أمتار تقريبا
حاولت اطلع حاولت وحاولت مااقدرت حسيت كان فيه شخص فوقي وماسكتي مع راسي ويدفني لتحت
احاول بكل الطرق اللي تعلمتها في النادي ماقدرت اطلع

كنت في حاله ياشباب لا احسد عليها
كنت متلخبط واخبص في المويه حسيت أني ولاشي,
حسيت وقتها أني اضعف من الذباب
من منكم في يوم حس انه عاجز عن نفسه ؟
بدأ النفس يضيع النفس مني بديت احس بالدم يحتقن في راسي
بالعربي بدأت احس بالموووووت,,,,,

بديت أتذكر أبوي وأمي وإخواني وأقاربي وأصحابي وعيال الحارة والعامل في البقاله
وكلللللللللللل شخص مر علي بحياتي تذكرت كل شيء سويته وكلها في ثواني معدووده,,
وبعدها تذكرت نفسي ,,,!!!

بديت اسأل نفسي: صليت ؟ لا , صمت ؟ لا , حجيت ؟ لا, تصدقت؟ لالالالالالالالالالالالالا
أنت في طريقك لربك خلاص مفارق لدنياك مفارق لأصحابك كيف تبي تقابل ربك ؟؟؟؟
وفجأة سمعت صوت أبوي وهو يناديني باسمي ويقول قوم صلي
تكرر الصوت بأذني ثلاث مرات بعدها سمعت صوته وهو يأذن
حسيت انه قريب بيجي يطلعني صرت أنادي عليه وأصيح
باسمه والمويه تدخل في فمي
أصيح وأصيح مامن مجيب..

حسيت بالملوحة المويه في أعماق جسمي
وبدا النفس يتقطع ,,
أيقنت بالهلاك,,حاولت انطق بالشهادة.. نطقت أشهـ.. أشهـ..
ولا اقدر أكملها كأن فيه يد قابضه على حلقي تمنعني من نطقها حسيت أن روحي خلاص بتطلع,,
وتوقفت عن الحركه,,
وهذ آخر شي كنت أتذكره,,

صحيت في الخيمه وكان عندي عسكري من خفر السواحل والشباب اللي جنبنا,,
أول ما صحيت قالي العسكري حمد لله على السلامة ومشي
سالت اللي عندي قلت منهو ذا ومتى جاء وكيف قالوا ما ندري

جانا فجأه وطلعك وزي ما تشوف مشي فجأه !!!!
سألتهم قلت شفتوني وانا في المويه قالوا مع أننا كنا على الشاطي لأكن قسم بالله ماشفناك
ما درينا عنك الايوم جاء العسكري وطلعك من البحر,,
مع العلم أن مركز خفر السواحل يبعد عن خيمتنا تقريبا حوالي 20 كيلو متر طريق بري
يعني يبيله تقريبا ثلث ساعة عشان يوصل لنا أذا جاه بلاغ....
وحادث الغرق صارت في دقائق معدوده
واللي جنبنا وهم اقرب ناس مني وقتها يحلفون انهم ما شافوني

كيف شافني العسكري وجاني ؟؟؟
وربي اللي خلقني ليومكم ذا ما اعرف كيف وصل لي ..!!

ودق جوالي مسكته ألا وهو أبوي بدت الأمور تتلخبط عندي بدا التشويش قبل شوي سمعت صوته والحين يتصل؟؟
رديت عليه كفيك وش أخبارك سألني قالي أنت بخير وكررها كذا مره
طبعا ما ابي اعلمه عشان مايقلق سايست الأمور وقفلت..

قفلت من عنده و قمت صليت ركعتين في حياتي ماصليت مثلها
ركعيتين جلست اصليهم في نص ساعه
ركعتين صليتها من قلب صادق
وبكيت فيهم الين انبح صوتي

في نفس اليوم يوم رجعوا الشباب قلتلهم أنا ماشي ورجعت للبيت
اول مارجعت كان ابوي موجود
اول ما فتحت الباب الا وهو في وجهي قال تعال ابيك
جيت معاه قال امنتك بالله وش صار معاك اليوم العصر ؟؟
تفاجأت واندهشت وتبلعمت ما قدرت اتكلم...
حسيت كأن عنده خبر !!
كرر السؤال مرتين...
المهم حكيت له بالتفصيل الممل

قالي والله اني سامعك تناديني وانا ساجد السجود الثاني في آخر ركعه وكانك في مصيبه مابعدها مصيبه
انت تناديني بصياح واحس قلبي يبي يتقطع وانا اسمع صوتك وما دريت عن نفسي الا وانا ادعيلك بأعلى صوتي والناس تسمع ,, وفجاه حسيت كأن واحد كب علي مويه بااااارده,

طلعت من المسجد بعد الصلاه واتصلت عليك على طول والحمد لله رديت علي وحسيت اني ارتحت اكثر,,
لكن ياولدي الصلاة انت مفرط فيها وعلى بالك
الدنيا بتدوم لك ماتدري أن ربك يقدر يقلب حالك في ثواني
وهذا شي بسيط من اللي يقدر ربك يسويه فيك,,
لكن ربي كاتب لك عمر جديد......

عرفت أن اللي أنقذني من الموقف كان برحمة الله اول شي ثم دعوة ابوي لي,,
وهذه لمسه بسيطة من لمسات الموت لكي يرينا الخالق عز وجل أن الإنسان مهما بلغت قوته وبطشه
يصبح اضعف مخلوق أمام بطش الله وجبروته عز وجل
ومن يومها ماغابت عن بالي الصلاة ولله الحمد



ويا شباب عليكم بطاعة الخالق وطاعة الوالدين
صدقوني من بر والديه مراح يخيب ابد,,
برهم أساس سعادتك في الدنيا وتوفيقك وحمايتك من الشرور بعد طاعة الله عز وجل,,,
اللهم اغفر لي ولوالدي وللمؤمنين والمؤمنات وتب عليهم وارحمهم برحمتك
اللهم أمين



أمـــــــــيرتــــــــــهم

 

 

 

 

[معلومات العضو abuadeeb]

قصة مؤثرة جــــــدا وفيها موعضة لـــنا نسأل الله الهداية لنا ولكم

 

 

 

 

[معلومات العضو أمـــيرتـــهم]

المشاركة الأصلية كتبت بواسطة abuadeeb

قصة مؤثرة جــــــدا وفيها موعضة لـــنا نسأل الله الهداية لنا ولكم

حياك الله اخوي.. لاهـــــــنت على المشاااركه
جزااااااك الله خــــــــير


أمــــيرتـــــــهم

 

 

 

 

[معلومات العضو الزين]

شكـــــــــــــــرا يا أميـــــــــــرتهم


قصه مـــــــــــــؤثره جدا نسأل الله الهدايه للجميع

حديث عن الرسول عليه الصلاة والسلام (( العهد الذي بيني وبينهم الصلاة فمن تركها فقد كفر))



اللهم اغفر لي ولوالدي وللمؤمنين والمؤمنات وتب عليهم وارحمهم برحمتك
اللهم أمين

الزين

 

 

 

 

[معلومات العضو أمـــيرتـــهم]

الزين ارحــــــــبي يا الغـــــلا

اشكرك على مشاركتك.... لاهنتي


أمـــــــيرتـــــــهم

 

 

 

 

[معلومات العضو شوق2]

	والله يالغاليه انك حدرتي دمعتي00 تدرين متى يوم قريت العباره الي يقول فيها الوالد (ومادريت عن نفسي الا وانا ادعي لك بأعلى صوتي) جزا الوالد على الله0 وجزاك الله خير الجزاء على هالموضوع القيم والمؤثر تقبلي مروري وجزيل شكري وتقديري0

 

 

 

 

[معلومات العضو تاليا]

قصة رائعه ومن كاتبه اروع

وترى ان الله يمهل ولا يهمل

تشكراتي

 

 

 

 

[معلومات العضو ابوهديل]

الصلاة وما ملكت ايمانكم الصلاة

يالله رحمتك يا الله

شكرا اميرتهم شكرا شكرا

 

 

 

 

[معلومات العضو أمـــيرتـــهم]

المشاركة الأصلية كتبت بواسطة شوق2

شووق حياااك الله يا الغــــلااا
يســــــلمووو على مرورك الحلووو... الله يجزاااك خير
وياجعل عينك ماتذرف غير دموووع الفرح يارب


أمــــــــيرتــــــــــهم

 

 

 

 

[معلومات العضو أمـــيرتـــهم]

المشاركة الأصلية كتبت بواسطة تاليا

قصة رائعه ومن كاتبه اروع

وترى ان الله يمهل ولا يهمل

تشكراتي

تاليا .. ياهــــــــــلا ومليووون غـــــــــــلا
اسعدني مرورك... الله يعطيك العافيه



أمـــــــــيرتــــــــــهم

 

 

 

 

[معلومات العضو أمـــيرتـــهم]

المشاركة الأصلية كتبت بواسطة ابوهديل

الصلاة وما ملكت ايمانكم الصلاة

يالله رحمتك يا الله

شكرا اميرتهم شكرا شكرا

ابوهديل ... حياك الله اخوي
لاهنت على مشاااااااركتك... جزاااك الله خير


أمــــــيرتــــــــهم

 

 

 

 

[معلومات العضو أبونواف الدوسري]

أختي أميرتهم

الله يجزاك خير ويوفقك ويرحم والديك

قصه فيها الكثير من العبر

تقبلي تقديري وأحترامي

 

 

 

 

[معلومات العضو أمـــيرتـــهم]

المشاركة الأصلية كتبت بواسطة أبونواف الدوسري

أختي أميرتهم

الله يجزاك خير ويوفقك ويرحم والديك

قصه فيها الكثير من العبر

تقبلي تقديري وأحترامي

ابو نواف ياهــلاا ومرحـــــباا
اسعدني مرورك الكريم... لاهنت
جزااااااك الله خير



أمـــــــــيرتـــــــــهم

 

 

 

 

[معلومات العضو العماني]

أختي أميرتهم

الله يجزاك خير ويوفقك ويرحم والديك

قصه فيها الكثير من العبر

تقبلي تقديري وأحترامي

 

 

 

 

[معلومات العضو بنت الاشراف]

جزاك الله خير على القصه الموثره والتى فيها موعظه عظيمه
تقبل الله منا ومنكم صالح الاعمال