مرشد البذال وقصه وقصيده

**معلومات** **العضو** · 01-10-2009, 02:24 PM

مرشد البذالي شاعر معروف وبارز توفي تقريبا قبل 35 سنه كانت له قصه واورد فيها

قصيده طويله .

كان مرشد نازل في مدينه وهو كان بدوي ومتعلق بالبداوه ويدور الفرص علشان يطلع للبر

ويتذكر حياة البداوه بماتحمله من صفاء النفوس وترابط ومعزه وكان كل ماطاح الربيع يطلع

للبر ويتمشى ويسير على البدو ويسولف معهم فالباديه معدنهم اصيل ويرحبون بالطرقي

ولايسالونه عن حاجته ويكرمونه .

المهم طلع مرشد في وقت ربيع وكان يلقط الزبيدي لحاله ولاحوله احد

متشطر عن قطين بدوا حوله يوم درى لاهاك البنت مع غنمها

خجلت البنت واستحت وفي ذلك الوقت كان العفاف والاصاله قويه في قلوب الناس

فلايمكن ان حتى يفكر مجرد تفكير بمايمس الحياء نشدها مرشد من اي العرب هي

وعن اهلها ويقول كانت من شدة حياءها مطمنه راسها وتفرقع اصبعه اذا ناظرت ,

درت ان مرشد طرقي ولاهو من اهل الديره وسالته عن حاجته قالها

جاي اتمشى والقط زبيدي شافت البنت الزبيدي اللي مع مرشد قليل

وعطته البنت بعض الزبيدي اللي معها وقالت حنا قريب من الديره

واي وقت نبغى الزبيدي نحصله اما انت جاي من بعيد ومتكلف المهم

اخذ مرشد الزبيدي سالها مرشد قال انتم مبطين هنيا

قالت لنا حول خمس سنوات راحت البنت من عند مرشد وتعلق قلبه بها

قعد مرشد في البر يومين ورجع للديره وقص قصته على واحد من اخوياه

ووصف مرشد حياء البنت وعفتها وحسن منطقها وكلامها نقد علاه رفيقه

وقال انت فاضي للعلوم هاذي لا تلقيها بال البنات واجد والعشق واجد تلقى غيرها ملايين .

رجع مرشد بعد حوالي ستة شهور لنفس محله ونوى يخطب البنت من اهلها

واخذ كسوه وقهوه وغيرها وراح يم اهل هاك البنت يوم جاء لمحلهم اليا هم

شادين ولا يدري مرشد وين ديارهم وزود على كذا انه بعد ماعرف اسم اهل البنت

قعد مرشد والندم يقطعه ومر على مكان لقاءه بالبنت وتذكر جميع ماجرى بينهم من كلام

ولم ينم تلك الليله واللي زاد في حزنه اصوات الذيب اللي تشعر بالوحده والغربه

اصبحه الصبح وماطاب عينه نوم وتمثل بقصيده طويله منها هذه الابيات :

البارحـه جاوبـت لـي حـس عــاويذيبـا عـوى جاوبـت بالصـوت وايـاه

ذيبـا يـجـر الـصـوت كـانـه خــلاويوياقلبي اللـي جـاوب الذيـب بعـواه

والصبح بانـت فـي ضميـري اهـاويجريـت صـوتـا لـيـت خـلـي تـوحـاه

يـادار ماشفـتـي ضـبّـي المـطـاوياتــلا عـلامـي بــه غشـنـك رعـايـاه

وانـا علـى شـوف الحبّيـب شفـاويكـانــه هـنـيـا خبـريـنـي بمـسـسـاه

قالـت لـي الاوطـان قلـع ضحـاويالـيـوم راس الـرجـم هــذا تـوطـاه

امسـى هنيـا واصبـح الـيـوم نــاوييتلـي سـلـف بــدوا بعـيـدا معـشـاه

كشـف لهـم برقـا سديـدا عشـاوييخيـلـونـه يـــم خـشــم المـسـنـاه

يـبـون مـربـاعـا بـهــاك الـحــراوياليا زاف زملوقـه وشبعـت رعايـاه

اخذ الخبر ماهـوب خـرص وهقـاوياعطيـك علـم صويحبـك ويـن تلقـاه

ادنـى مرابيـعـه بخـشـم الـصـداويوبـيـوت مقيـاضـه بـقـريـه مـبـنـاه

مير اطلب الله لو صوابـك مخـاويكـم واحـدا قبـلـك عشـيـره تمـنـاه

يالعـيـن ماينـفـع كثـيـر الـشـكـاويالا علـى اللـي دبـر الغيـث وانـشـاه

يـاونـتـي ونـــة وحــيــدا جــــلاوياللـي سبـب دينـه مـن ادنـى دنايـاه

ولا خـلافـه مــن يـحــل الـدعــاويلا صـار ربـعـه مـنـه تـبـا المـثـاراه

عليـك ياللـي لــك بقلـبـي مـكـاويثــلاث كـويـات هـــوادي وعـرقــاه

عقبه فقـدت مـن المنـام الحـلاويوحتى متاعي قامت النفـس تجفـاه

يــا لايـمـي لـعـل مـالـك عـــراويبــلاه مــا ولـعـك بـالـحـب حـلـيـاه

مـن لايعـرف الحـب عنـده دعـاوييشـره علـى راع الـمـوده ويشـنـاه

ويقـول هـذا فـي مماشـيـه غــاويوحـنـا نــدل الـــدرب والـحـمـدالله

يالله عسـى مثلـه كثـيـر الـهـزاوييـبـلا ببـلـوى مــن لـسـانـه تـهــزاه

حـتـى يـعـرف ان المحـبـه بـــلاويويشوف مثل اللي من الحب شفناه

عـسـاه يـبـلا فــي محـبـة حـيـاويحب الهنوف اللي يحده على اقصاه

تفرى ضميـره فـريّ دلـو الـرواوياليا صفقاها الجـال مـن حـد ملقـاه

الـيـا لجلجـتـه بالنظـيـر السـهـاويكلامـهـا لبـيـه عــن قـولـتـن هـــاه

كلامـهـا للقـلـب مـثــل الـمــداوياللـي عـرف عـلـة مريـضـه وداواه

يـاربــي انـــي بالتـفـاتـك رجـــاويتلم شمل الولف من عقـب فرقـاه

لوتـنـفـع الـفـزعـات ولا الـنـخـاويعـلـى المحـبـه كــان كــلا نخيـنـاه

مار الرجاء والياس صـار متسـاويياقلـبـي اصـبـر فــي تدابـيـر الالــه

لـو مابقـي فـي حـالـك الا شــلاويمادبـر الوالـي علـى العبـد يـرضـاه

**معلومات** **العضو** · 01-10-2009, 02:33 PM

لآهنت يا ابومطر على القصه والقصيده

*

*

آحتــــرامي

**معلومات** **العضو** · 01-10-2009, 03:16 PM

لاهنت يابومطر على القصه والصيده

للشاعر المرحوم مرشد البذال

تقديري لك ولاختياراتك

**معلومات** **العضو** · 01-10-2009, 03:30 PM

لا هنت يابو مطر على نقلك لي القصه والقصيده

تحيااااااااااااااااااااتي لك

نايف ابن شميعان

**معلومات** **العضو** · 01-10-2009, 07:10 PM

شاكر ومقدر لكم طيب المرور
تحيه تقدير لكم احبتي

**معلومات** **العضو** · 01-10-2009, 07:24 PM

ذيبا يجر الصوت كانـه خـلاويوياقلبي اللي جاوب الذيب بعـواه
والصبح بانت في ضميري اهاويجريت صوتا ليت خلـي توحـاه
يادار ماشفتـي ضبّـي المطـاوياتلا علامي بـه غشنـك رعايـاه
وانا على شوف الحبّيـب شفـاويكانـه هنيـا خبرينـي بمسـسـاه

لاهنت على القصيده والقصه المميزه

تسلم يمنااااك لاعدمنااااااااااااك