رفقتن ماهيب لله يخسر سوقها

**معلومات** **العضو** · 18-12-2012, 10:06 PM

صار لي موقف وانا رجل حساس الشعور = اعرف اللي تقصد الناس من منطوقها
وقالو اهل المعرفه من قديمات العصور = رفقتن ماهيب لله يخسر سوقها
والخطاء وارد ولا بد من بعض القصور = ويا عسى ما نسلب اهل الحقوق حقوقها
وين ابلقالي رفيقن على الزلة صبور = كل ماجاته خطيه شقح من فوقها
لو يطول الوقت بيني وبينه مايبور = يحتمي عرضي وانا رفقته ما بوقها
ماتسمع هرج حاسد ودقات معثور = والعلوم الطيبه ناهجن طاروقها

للشاعر
راجح العجمي

**معلومات** **العضو** · 18-12-2012, 10:22 PM

صح لسان شاعرها

وصح اختيارك وذوقك يااخوي بوحسين

يعطيك العافيه ربي لاهانك

**معلومات** **العضو** · 27-12-2012, 10:07 AM

يهلا ومرحبا فيك اختي بنت الذيب
واسعدني حضورك وتواصلك الكريم
كل الاحترام والتقدير

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية