لا قيل ياآل بريك ستر الغنادير

[معلومات العضو كنسل مواعيدك]

قلبي من الضيقه كفخ كفخة الطير/
وراعيه من حرصه لوا السبق بيده&
شاف الحباري قدم عينه مدابير/
ومن العدم يكفخ ولا انفك قيده&
نفسه جزوع وراميته المقادير/
وماجت له الدنيا على مايريده&
في يوم لاهوبٍ عجاج معاصير/
شاف الضلال وجا من الجو سيده&
عند القدر ماينفعن المحاذير/
ولاله عن المقسوم حيله تفيده&
اصبح رهين مكبل بالجنازير/
وفي حكم تطبيع الحياه الجديده&
قطامي عينه مثل لاهب الكير/
وقته زهده فالحياه الجديده&
هذا مثل مابين واقع وتصوير/
بين الخيال وبين الاشياء الاكيده&
مراحل الدنيا مراره وتمرير /
في لب موضوعي وبيت القصيده&
اسرار طيات السنين المشاهير/
ناتج مية فارس جريده جريده&
اكبر شعار يوم عصر المضاهير/
خذناه واللي ناخذه مانعيده&
يوم اللغه لغة السيوف البواتير/
كلٍ يشوف اللي ورد في بريده&
ينبيك عن عنوان بعض التقارير/
ليش الرواة تنقصه ماتزيده&
ياخضير ابن شامان وين انت ياخضير/
اسمٍ يخلده الحفيد لحفيده&
باقين في الميدان بحصان وبعير/
امجادنا بين القبايل تليده&
معنا مجاهيمٍ ومعنا مغاتير/
ولانغبط الراجحي في رصيده&
حنا جنب طياحنا والمصاغير/
تخاف سطوتنا الجنون المريده&
دواسرٍ يوم المعارك مناعير/
نقطع عزاوي خصمنا في وريده&
لاقيل يآل بريك ستر الغنادير/
جمع نوقف له وجمع نبيده&
في روسنا عند الملاقا سعاطير/
وليا بطشنا مانخلي شريده&
ننصر طوابير ونكسر طوابير/
ونموت من دون الوطن والعقيده&

حمود بن عقرب آل بريك الدوسري

 

 

 

 

[معلومات العضو شافي بن راشد النتيفات]

الله الله ابيات كتبت بماء الذهب

صح الله لسان بن عقرب

وسلمت يمينك على النقل الرائع

 

 

 

 

[معلومات العضو راشد المسعري]

معنا مجاهيمٍ ومعنا مغاتير/
ولانغبط الراجحي في رصيده&
حنا جنب طياحنا والمصاغير/
تخاف سطوتنا الجنون المريده&
دواسرٍ يوم المعارك مناعير/
نقطع عزاوي خصمنا في وريده&
لاقيل يآل بريك ستر الغنادير/
جمع نوقف له وجمع نبيده&
في روسنا عند الملاقا سعاطير/
وليا بطشنا مانخلي شريده&
ننصر طوابير ونكسر طوابير/
ونموت من دون الوطن والعقيده&



الله الله

أبيات أرددها دايماً لهذا المبدع

حمود بن عبيد بن عقرب إسم كبير جدا

ومظلوم إعلامياً وربما يكون للشاعر دور في ذلك

لاهنت اخوي كنسل مواعيدك على الإنتقاء الأكثر من رائع

تقبل ودي وتقديري ،،،

 

 

 

 

[معلومات العضو نآصر البدراني]

ونعم ملايين بربعنا آل بريك


صح لسان الشاعر الكبير حمود بن عقرب


لاهنت على النقل ..

 

 

 

 

[معلومات العضو مبارك بن شافي النتيفات]

ياسلام ياسلام

صح لسان الشاعر الكبير حمود ال بريك على هذه الشااااااامخة

وعز الله انه مظلوم اعلاميا واللي بحجم هذا الشاعر

المفروظ يكون له تواجد اعلامي

سلمت يمينك والله لايهينك على النقل الراااائع

تحياتي وتقديري

 

 

 

 

[معلومات العضو كنسل مواعيدك]

الله يعطيكم العافيه لاشك ان الشاعر حمود ابن عقرب لم يخدمه الاعلام ولكن يكفي بأنه شاعر للقبيله كباقي فحول شعار قبيله الدواسر وعلى قوله القايل الحركه فيها بركه هههههههه