قصيدة موجهه من الشاعر : سعد بن سالم بن سويحل الخضران الى الشاعر : لمعان بن محمد الهواشلة والرد عليها

[معلومات العضو القطب الشمالي]

بسم الله الرحمن الرحيم

((اهداء للشاعر لمعان ))

موجهه للشاعر : لمعان بن محمد الهواشلة

ترى     النشاما     ننزلها     منازلهاوبعض البشر عندنا ما هيب محسوبه

لو    تلبس    ثيابها     تبغا     تجملهاالابخصته   فلا    يسوا    ثمن    ثوبه

ذا    قول    منهو    يحللها     ويفتلهالا  ساق  قافه   وعليها   دار   دالوبه

يا  كثر   بعض   المواقف   واتجاهلهاكلن  بطبعه  على   معناه   واسلوبه

لو  كان  ضايع  تبلش  في   مجادلهاتبلش معه ساعتن  ما  نفل  مطلوبه

يا كيف  نفسه  ورا  الاضلاع  حاملهاالا    تشايط    يقوم    ينفخ     ثروبه

ذا قول منهو  جابته  يعرف  مداخلهاما يشرب الا قراحن عذب  مشروبه

الا   بغاها    على    المعنى    يحولهاوالا دعاها على  المعنى  تجي  صوبه

يفتح    طواريقها     وغيره     يقفلهاالا  شعاها  تجيب   القاف   معصوبه

ألغام   قافه   من    القوه    تزلزلهاافتح  طريقن  مثل  ديراب   ودروبه

عندي   قريحه   الا    ثارت    قنابلهااللي  تجي   قدمها   بالشر   منكوبه

افكار   فكري    مشغلتن    معاملهامثل الذهب مع جديد الصنع مسكوبه

بختار     شاعر     الاجاته      يكملهاخله يجاوب على الطاروق  مسحوبه

لا  جات  لا  بو  محمد  قاللي  ازهلهاماهي   طواريق   محبوبن   لمحبوبه

لمعان   عنده   بيوتن   ياخذ   اجزلهامثل  الذخيره  الا  من  دك  عرقوبه

لو  يتدخل  من  اللي   صار   مدخلهاحتى  القضيه  تجي  بالصك   مكتوبه

لابو     محمد     بوصلها      واسهلهاوافي   وحنا   نوفي    كل    ماجوبه

اخذيت ساعه على  الطاروق  اعدلهااخذ  بيوتن  على  الطاروق  منصوبه

اخذ     بفكري      شوي      واتأملهااجيبها  سلستن  في  نطقها   عذوبه

واقبل     تحيات     كاتبها     وناقلهاعشرين   بيتن    مثبتها    ومحسوبه

الشاعر / سعد بن سالم بن سويحل الخضران
-----------------------------------------------------------------------------

الرد على الشاعر / سعد بن سالم بن سويحل الخضران

ترى      النشاما      تبينها      فعايلهااللي   على   نايف   الشامخ    تعلوبه

أهل  الوفا   يا   سعد   محدِ   تجاهلهاولا الردي  لا  لفى  محدِ  قضى  نوبه

ذا  قول  منهو  بخيص  ِ   في   دلايلهاوالرجل قبل  البشر  لا  يجهل  عيوبه

وقفت هل الطيب ما  تمحى  سمايلهافعلِ مورخ مع  هل  الطيب  شاعوبه

أقول    و    أعيد     وكرر     وقايلهاولا  كل  رامي  يقدي   كل   مسلوبه

أنت  المحنك  و  تبخص  في   حبايلهاحربتك  في  داخل  الخفاق  و  جنوبه

وان كان عدت  على  القمه  وسايلهانعطيك  علم  الخبر  لا  من   تداهوبه

وان كان شبت  على  الشعلة  فتايلهاأعرف أسلوب  المحنك  قبل  مندوبه

مثل العسل  يوم  تنظر  في  مناحلهاما جبتها  في  حراج  السوق  مجلوبه

قريحةِ   يا   سعد    سارت    قوافلهاأشفقلها  من  عريب   الجد   منسوبه

ترى   المعاني   مع   العالم    تناقلهالكن   زيد    الهلالي    كيف    شنوبه

اللي   يبي   صحبةِ    مهوب    طايلهاينظر   علوم   الوفا    يغافر    التوبه

جمالنا     للحمل     تنقل     محاملهامع   جاير   الوقت   والأيام   مصلوبه

ماهمني      لو      تميلها       عدايلهاعوص النظى يا وسيع العرف مركوبه

خل   الركايب   توسع   في   مهاملهاجازان  من  يعرفه  ما  يجهل  الخوبه

سوق    الركايب    وشرقها    وقبلهااللي   سواتك   ترى    ربعه    تقدوبه

سعد  يعرف   الحتيفه   من   جنادلهاعنه المعرفه ترى  ما  هيب  محجوبه

أنا   بحسب   العدد   ماني    مطولهااللي  على   شاشة   التلفاز   ذاعوبه

صل   الفريضه   وبرق   في   نوافلهاالبيت   قبلك   هل   التوحيد    صلوبه

ولكم  سلامي   عدد   بارق   مخايلهاوعداد  من  حج  بيت  الله   وطافوبه

الشاعر : لمعان بن محمد الهواشلة

 

 

 

 

[معلومات العضو مبارك بن شافي النتيفات]

شعراء مبدعين استمتعت بقراءة قصائدهم

لاهنت على النقل ي القطب الشمالي

تحياااااااااااااااااااااتي

 

 

 

 

[معلومات العضو شافي بن راشد النتيفات]

درتين استمتعت بها كثيرا صحت السنتهم ولاهنت على النقل وعطنا مثل هذي دائما

 

 

 

 

[معلومات العضو برق الدواسر]

صح اللسان الشعراء ولاهنت على النقل

 

 

 

 

[معلومات العضو محمد الهويشلي]

صح لسان الشعراء ولا هنت على النقل يالقطب الشمالي